1यूहन्ना 2:10 - Halbi

¹⁰ जोन कोनी आपलो भाई ले मया संगाऊ आय हुन उजर ने रऊ आय, आउर ठोकरना नी खाऊक सके।

परमेस्वर को सच्चो वचन ख जाननू

¹⁰ जेय कोई अपनो भई अर बहिन से प्रेम रखह हैं, उ ही उजाला म रवह हैं, अऊर ठोकर नी खा सका हैं।

1यूहन्ना 2:10 ပူးပေါင်းရင်းမြစ်များ

मत्ती 13:21

मान्तर आपलो ने चेर नी संगातोर लागुन हुन खिन्डिक ची दिन चो आय, आउर जिदलदाय बचन चो लागुन कलेश नाहले झंझट होऊ आय तेबे तुरते ठोकरना खाऊ आय।

मत्ती 18:7

ठोकरनामन चो लागुन जगत उपरे हाय! ठोकरनामन चो लगतोर जरूरी आय; मान्तर हाय हुन माने चो उपरे जेचो लागुन ठोकरना लगु आय।

यूहन्ना 11:9

ईशु जबाप दिलो, “काय दिन चो बारा घंटा नी होये? अगर कोनी दिन ने हिन्डो तो ठोकर नी खाये, कसनबल्लोने ऐ जगत चो उजर दकु आय।

यूहन्ना 12:35

ईशु हुनमन ले बल्लो, “उजर अदायं खिन्डिक समया काजे तुमचो मंजी ने आसे। जिदलदाय ले उजर तुमचो संगे आसे हुलदाय ले चलाए चला, असन नी होओ कि अंधार तुमके ऐऊन घेरो; जोन अंधार ने हिन्डु आय हुन नी जाने कि कोन बाटे जाये से।

यूहन्ना 8:31

तेबे ईशु हुन यहूदीमन ले जोनमन हुनचो उपरे बिश्वास करू रला, बल्लो, “अगर तुमी मोचो बचन ने बनुन राहा से, तेबे सते मोचो चेलामन ठेबा से।

रोमियो 14:13

आउर पयले ले आमी गोटक दुसर थाने दोष नी लगाऊं, मान्तर तुमी ऐ ठानुन राआ कि कोनी आपलो भाई चो पुरे ठेच नाहले ठोकरना खातोर कारन नी संगाहा।

फिलिप्पियो 1:10

ऐथा ले कि तुमी अच्छा ले अच्छा गोठमन के लाडरा जाना, आउर मसीह चो दिन तक सत बनुन राआ, आउर ठोकर नी खाआ;

2 पतरस 1:10

ऐई लागुन हे भाईमन, आपलो हाग दिलोर, आउर चुनलो के सिद्ध करतोर अच्छा तरीका ले कोशिश करते जाहा, कसनबल्लोने अगर असन करा से तो केबीई बले ठोकरना नी खाआ से;

1यूहन्ना 2:11

मान्तर जोन कोनी आपलो भाई ले बईर संगाऊ आय हुन अंधार ने आसे आउर अंधार ने चलु आय, आउर नी जाने कि काहां जाये से, कसनबल्लोने अंधार हुनचो आँईक आन्दा करून दिली से।

1यूहन्ना 3:14

आमी जानु से कि आमी मरना ले नाकुन भाती जीवना ने अमरलु से; कसनबल्लोने आमी भाईमन ले मया संगाऊ आंव। जोन मया नी संगाये हुन मरना चो दसा ने रऊ आय।