1 कुरिन्थियो 9:12 - Halbi

¹² जिदलदाय दुसरमन चो तुमचो उपरे ऐ अधिकार आसे, तेबे काय आमचो ऐचो ले आगर नी होयेदे? मान्तर आमी ऐ अधिकार काम ने नी आनलु; मान्तर सपाय काई सहु आंव कि आमचो बाटले मसीह चो नगतखबर ने काई अड़चन नी होओ।

परमेस्वर को सच्चो वचन ख जाननू

¹² जब दूसरा अदमी हुन को तुम पर यू अधिकार हैं, ते का हमारो सामिल होने ये से बेजा जादा अधिकार नी होए? पर हम ख यी अधिकार काम म नी लाजो; अऊर सब कुछ सहन करिये हैं कि हमारो अर मसी को सुसमाचार म कुछ रोकवाट नी होय।

1 कुरिन्थियो 9:12 ပူးပေါင်းရင်းမြစ်များ

लूका 11:52

हाय तुमी नियमकारीमन उपरे! तुमी गिआन चो कुचीकाड़ी धरलासास मान्तर तुमी खुद नी ओलास, आउर ओलतो बितामन के बले थेबालास।”

प्रेरितो 18:3

हुनचो आउर हुनमन चो गोटक ची धंधा रली; ऐईकाजे हुन हुनमन चो संगे रलो आउर हुनमन काम करूक मुरयाला; आउर हुनमन चो धंधा तम्बू बनातोर रली।

रोमियो 15:22

ऐईकाजे मय तुमचो लगे ऐतो ले घन-घन ठेबुन रये।

1 कुरिन्थियो 13:7

हुन सपाय गोठमन सहु आय, सपाय गोठमन चो बिश्वास करू आय, सपाय गोठमन चो आशा संगाऊ आय, सपाय गोठमन ने धीरज धरू आय।

1 कुरिन्थियो 6:7

मान्तर सत-सत तुमनमन ने बड़े दोष तो ऐ आय कि आपस ने पेशी करू आहास। अनियाय केंव नी सहास? आपलो हानि केंव नी सहास?

1 कुरिन्थियो 9:14

ऐई रीति ले परबु बले ठेबालो कि जोन लोग नगतखबर सुनाऊ आत, हुनमन चो जीवना नगतखबर ले होओ।

1 कुरिन्थियो 9:15

मान्तर मय ऐ मन ले कोनी बले गोठ काम ने नी आनले, आउर मय ऐ गोठमन ऐईकाजे नी लिकले कि मोचो काजे असन करा जाओ, कसनबल्लोने ऐचो ले तो मोचो मरतोर ची नुकु आय कि कोनी मोचो घमण्ड के फकाहा ठेबा ओत।

1 कुरिन्थियो 9:16

अगर मय नगतखबर सुनायेंदें, तो मोचो काजे काई घमण्ड चो गोठ नुआय; कसनबल्लोने ऐ तो मोचो काजे जरूरी आय। अगर मय नगतखबर नी सुनायें, तो मोचो उपरे हाय!

1 कुरिन्थियो 9:18

तो मोचो काय भुती आय? ऐ कि नगतखबर सुनातो ने मय मसीह चो नगतखबर सेंत मेंत करून देये ऐथा ले कि नगतखबर ने जोन मोचो अधिकार आसे हुनके बले मय पुरा रीति ले काम ने नी आने।

1 कुरिन्थियो 9:2

अगर मय दुसरमन चो काजे पठालोबिता नुआय, तेबले बले तुमचो काजे तो आंय; कसनबल्लोने तुमी परबु ने मचो पठालो बिती थाने छाप आहास।

2 कुरिन्थियो 11:12

मान्तर जोन मय करू आंय, हुनी करते रयें दे कि जोन लोग दाँव डगराऊ आत हुनमन के मय दाँव पाऊक नी देयें, बल्ले जोन गोठ ने हुनमन घमण्ड करू आत, हुन थाने हुनमन आमचो ची असन ठेबोत।

2 कुरिन्थियो 11:20

कसनबल्लोने जिदलदाय तुमके कोनी दास बनाऊ आय, नाहले खाऊन जाऊ आय, नाहले फासु आय, नाहले आपन खुद के बड़े बनाऊ आय, नाहले तुमचो मुंह थाने थापड़ मारू आय, तेबे तुमी सऊ आहास।

2 कुरिन्थियो 2:12

जिदलदाय मय मसीह चो नगतखबर सुनातो काजे त्रोआस ईले, आउर परबु मोचो काजे गोटक कपाट उगाढुन दिलो,

2 कुरिन्थियो 6:3

आमी कोनी गोठ ने ठोकरना खातोर कोनी बले मवका नी देऊं बल्ले आमचो सेवा थाने कोनी दोष नी ऐओ।