1 कुरिन्थियो 8:6 - Halbi

⁶ तेबले बले आमचो काजे तो गोटक ची माहापुरू आसे: बल्लोने बुआ जेचो बाटले सपाय तीजमन आसोत, आउर आमी हुनचेई काजे आंसु। आउर गोटक ची परबु आय, बल्लोने ईशु मसीह जेचो बाटले सपाय तीजमन होली, आउर आमी बले हुनचेई बाटले आंव।

परमेस्वर को सच्चो वचन ख जाननू

⁶ ते भी हमारो लाने ते एक ही परमेस्वर हैं: अदि बाप जेकी ओर से सब चीज हुन हैं, अदि यीसु मसी जेका दुवारा सब चीज हुन हुई, अऊर हम भी ओखा को दुवारा हैं।

1 कुरिन्थियो 8:6 ပူးပေါင်းရင်းမြစ်များ

मत्ती 11:27

“मोचो बुआ मोके सब कुछ सोपलो से; आउर कोनी बेटा के नी जानोत, मात्र बुआ; आउर कोनी बुआ के नी जानोत, मात्र बेटा; आउर हुन जेचो उपरे बेटा हुनके उजागर करूक चाहाओ।

मत्ती 28:18

ईशु हुनमन चो लगे ऐऊन भाती बल्लो, “सरग आउर धरतनी चो सपाय अधिकार मोके दिआ गेली से।

यूहन्ना 1:10

हुन जगत ने रये, आउर जगत हुनचो बाटले उपजास होली, आउर जगत हुनके नी चिताली।

यूहन्ना 1:3

सपाय काई हुनचेई बाटले उपजास होली, आउर जोन काई उपजास होली से हुन थानले कोनी बले तीज हुनचो बिना उपजास नी होली।

यूहन्ना 10:30

मय आउर बुआ गोटक आंव।”

यूहन्ना 13:13

तुमी मोके गुरू आउर परबु बोलु आस, आउर ठीक ची बोलु आस, कसनबल्लोने मय हुनी आंय।

यूहन्ना 14:20

हुन दिने तुमी जाना से कि मय आपलो बुआ ने आंसे, आउर तुमी मोचो ने, आउर मय तुमचो ने।

यूहन्ना 17:3

आउर अमर जीवना ऐ आय कि हुनमन तुके गोटक मात्र सते माहापुरू के आउर ईशु मसीह के, जोन के तुय पठाली सीस, जानोत।

यूहन्ना 20:17

ईशु हुनचो ले बल्लो, “मोके नी छिंव, कसनबल्लोने मय ऐबे ले बुआ चो लगे उपरे नी गेले से, मान्तर मोचो भाईमन चो लगे जाऊन भाती हुनमन ले बोलुन देस, कि मय आपलो बुआ आउर तुमचो बुआ, आउर आपलो माहापुरू आउर तुमचो माहापुरू चो लगे उपरे जाये से।”

प्रेरितो 17:28

कसनबल्लोने आमी हुनचेई ने जीव रऊन, आउर हिन्ड़ते बुलते, आउर थीर रऊ आंव; जसन तुमचो कितलो कवीमन बले बल्ला से, “आमी तो हुनचेई बंशज आंव।”

प्रेरितो 2:36

“आउर अदायं इस्राएल चो सपाय घरमन पक्का रूप ले जानोत कि माहापुरू हुनी ईशु के जेके तुमी कुरूस उपरे चेगालासास, परबु बले ठेबालो आउर मसीह बले।”

प्रेरितो 5:31

हुनी के माहापुरू परबु आउर मुक्तिकरू थेबाऊन भाती, आपलो उजा हाथ थाने डेंग करून दिलो, कि हुन इस्राएलीमन के मन फिराव चो शक्ति आउर पापमन चो छमा देओ।

रोमियो 11:36

कसनबल्लोने हुनचो बाटले, आउर हुनचेई कारन, आउर हुनचेई काजे सपाय काई आय: हुनचो महिमा जुग-जुग होते रओ। आमीन।

1 कुरिन्थियो 1:2

माहापुरू चो हुन कलीसिया चो नाव जोन कुरिन्थुस ने आसे, बल्लोने हुनमन चो नाव जोन मसीह ईशु ने पवितर कराया गेला, आउर पवितर होतो काजे हाग दिया गेला सोत; आउर हुन सपाय चो नाव बले जोन हर जगा आमचो आउर आपलो परबु ईशु मसीह चो नाव ले पारथना करू आत।

1 कुरिन्थियो 12:3

ऐईकाजे मय तुमके जनाऊन देये से कि जोन कोनी माहापुरू चो आत्मा चो अगुवाई ले बोलु आय, हुन नी बले कि ईशु शरापित आय; आउर ना कोनी पवितर आत्मा चो बिना बोलुक सके कि ईशु परबु आय।

1 कुरिन्थियो 6:13

भात पेट चो काजे, आउर पेट भात काजे आय, मान्तर माहापुरू ऐके आउर हुनके दुनो के नष्ट करे दे। मान्तर देंह बेबीचार चो काजे नुआय, मान्तर परबु चो काजे आय, आउर परबु देंह चो काजे आय।

1 कुरिन्थियो 8:4

आउर मुरतीमन चो पुरे पुजलो बिती तीजमन के खातोर बारे ने आमी जानु से कि मुरती जगत ने कोनी तीज नुआय, आउर गोटक के छांडुन आउर कोनी माहापुरू निआत।

इफिसीयो 1:3

आमचो माहापुरू आउर परबु ईशु मसीह चो बुआ चो धन्यबाद होओ कि हुन आमके मसीह ने सरग चो जगामन ने सपाय परकार चो आत्मिक आशीष दिलो से।

इफिसीयो 3:14

मय ऐई लागुन हुन बुआ चो पुरे मांडी पाडू आंय,

कुलुस्सियो 1:6

जोन तुमचो लगे पहुँचली से, आउर जसन जगत ने बले फर आनुन आउर बाड़ते जाऊ आय, असने ची जोन दिन ले तुमी हुनके सुनलास आउर सत ले माहापुरू चो अनुग्रह चितालासास, तुमचो ने बले असने ची करू आय।

1 पतरस 1:21

हुनचो दुवारा तुमी हुन माहापुरू थाने बिश्वास करू आस, जोन हुनके मरलो बितामन थानले जिआलो आउर महिमा दिलो कि तुमचो बिश्वास आउर आशा माहापुरू थाने होओ।

प्रकाशितवाक्य 1:18

मय मरून जाऊ रयें, आउर अदायं दक मय जुग-जुग जीव आंसे, आउर मरना आउर अधलोक चो कुचीकाड़ी मोचो ची लगे आसे।