1 कुरिन्थियो 8:12 - Halbi

¹² ऐई परकार भाईमन चो बिरूद अपराध करतोर ले आउर हुनचो कमजोर बिबक के घाव पहुँचातो ने, तुमी मसीह चो बिरूद अपराध करू आस।

परमेस्वर को सच्चो वचन ख जाननू

¹² ते भई बहिन हुन का विरोध पाप करन से अऊर उन ख कमजोर समझ ख चोट देन से, तुम मसी का विरोध पाप करिये हैं।

1 कुरिन्थियो 8:12 ပူးပေါင်းရင်းမြစ်များ

मत्ती 18:10

“दका, तुमी ऐ नानीमन थानले कोनी के तुच्छ नी जाना; कसनबल्लोने मय तुमचो ले बलेंसें कि सरग ने हुनमन चो दूत मोचो सरग चो बुआ चो थोमना हरमेशा दकु आत।

मत्ती 18:21

तेबे पतरस लगे ऐऊन भाती हुनचो ले बल्लो, “हे परबु, अगर मोचो भाई अपराध करते रये दे, तो मय कितलो हार हुनके छमा करेंदे? काय सात हार तक?”

मत्ती 18:6

“मान्तर जोन कोनी ऐ नानीमन थानले जोन मोचो उपरे बिश्वास कर सोत गोटक के ठोकरना खुआ ओत, हुनचो काजे अच्छा होती कि बड़े जता चो पाट हुनचो टोडरा ने ओराया जाति, आउर हुन गड़ीयां समुन्द ने बुड़ाया जातो।

मत्ती 25:40

तेबे राजा हुनमन के जबाप देयेदे, ‘मय तुमचो ले सते बलेंसें कि तुमी जोन मोचो ऐ नानी ले नानी भाईमन ले कोनी गोटक संगे करलास, हुन मोचो ची संगे करलास।’”

मत्ती 25:45

तेबे हुन हुनमन के जबाप देयेदे, ‘मय तुमचो ले सते बलेंसें कि तुमी जोन ऐ नानी ले नानीमन थानले कोनी गोटक चो संगे नी करलास, हुन मोची संगे बले नी करला।’

मरकुस 9:42

“जोन कोनी ऐ नानीमन थानले जोन मोचो उपरे बिश्वास कर सोत, कोकीई ठोकर खुआ ये दे तेबे हुनचो काजे अच्छा ऐ आय कि गोटक बड़े जता चो पाट हुनचो टोडरा ने लटकाया जाओ आउर हुन समुन्द ने डालुन दिआय जाओ।

लूका 17:2

जोन ऐ नानीमन थानले कोनी गोटक के ठोकरना खुआऊ आय, हुनचो काजे ऐ अच्छा होती कि जता चो पाट हुनचो टोडरा ने लटकाया जाति, आउर हुन समुन्द ने डालुन दिया जातो।

रोमियो 14:20

भात चो काजे माहापुरू चो काम नी नशाव। सपाय काई शुद्ध तो आय, मान्तर हुन माने चो काजे खराप आय जेके हुनचो भात ले ठोकरना लगु आय।

1 कुरिन्थियो 12:12

कसनबल्लोने जोन परकार देंह तो गोटक आय आउर हुनचो धड़ खुबे असन आसे, आउर हुन गोटक देंह चो सपाय धड़ खुबे होलो ने बले सपाय मिसुन भाती गोटक ची देंह आत, हुनी परकार मसीह बले आय।