1 कुरिन्थियो 8:1 - Halbi

¹ अदायं मुरतीमन चो पुरे पुजलो बिती तीजमन चो बारे ने आमी जानु से कि आमी सपाय के गिआन आसे। गिआन घमण्ड पयदा करू आय, मान्तर मया ले उन्नति होऊ आय।

परमेस्वर को सच्चो वचन ख जाननू

¹ अब मुर्ति हुन का सामने चढ़ाई ख हुई चीज हुन का बारा म हम जान हैं कि हम ख सब को समझ हैं। समझ घमण्ड पैदा करिये हैं, अऊर प्रेम से पैदा होय हैं।

1 कुरिन्थियो 8:1 ပူးပေါင်းရင်းမြစ်များ

प्रेरितो 15:10

तेबे अदायं तुमी केंव माहापुरू चो परीक्षा करेसास कि चेलामन चो टोडरा थाने असन जुआंड़ी संगाव, जोन के ना आमचो बुआ दादी उठाऊक सकु रवत आउर ना आमी उठाऊक सकु?

प्रेरितो 15:29

“कि तुमी मुरतीमन थाने पुजलो बिती ले आउर लऊ ले, आउर टोडरा अलटलो बिती मास ले आउर बेबीचार ले लापी राहा। ऐ मन ले लापी राहा तेबे तुमचो भला होये दे। पुरे शुभ।”

प्रेरितो 21:25

“मान्तर हुन दुसर जातिमन चो बारे ने जोनमन बिश्वास करला से, आमी ऐ फयसला करून भाती लिकुन पठालु से कि हुनमन मुरतीमन चो पुरे पुजलो बिती मास ले, आउर लऊ ले आउर टोडरा अलटलो बिती चो मास ले, आउर बेबीचार ले बाचुन रओत।”

रोमियो 11:25

हे भाईमन, काहांय असन नी होओ कि तुमी आपन खुद के अकल बिता समजा; ऐईकाजे मय नी चाहायें कि तुमी ऐ भेद ले अनजान राहा कि जिदलदाय ले दुसर जातिमन पुईतराय रीति ले नी ओलोत, हुदलदाय ले इस्राएल चो गोटक भाग असने ची कठोर रये दे।

रोमियो 12:16

आपस ने गोटक समान मन संगाआ; घमण्डी नी हो, मान्तर सोज लोगमन चो संगे संगत संगाआ; आपलो नजर ने अकल बितामन नी होओ।

रोमियो 14:10

तुय आपलो भाई उपरे केंव दोष लगाऊ आस? नाहले तुय फेर केंव आपलो भाई के तुच्छ जानु आस? आमी सपाय ले सपाय माहापुरू चो नियाय सिंघासन चो पुरे उबा होवां।

रोमियो 14:14

मय जाने से आउर परबु ईशु ने मोके तय होली से कि कोनी तीज आपन खुद ले अशुद्ध नाई, मान्तर जोन हुनके अशुद्ध समजु आय हुनचो काजे अशुद्ध आय।

रोमियो 14:19

ऐईकाजे आमी हुन गोठमन ने लगुन रऊँ जोनमन ले मिला-मिसा आउर गोटक दुसर चो सुदार होओ।

रोमियो 14:22

तुचो जोन बिश्वास होओ, हुनके माहापुरू चो पुरे आपलो ची मन ने संगाव। धन्य आय हुन जोन हुन गोठ ने, जेके हुन ठीक समजु आय, आपन खुद के दोषी नी ठेबा ये।

रोमियो 14:3

खातो बिता नी खातो बिता के तुच्छ नी जानो, आउर नी-खातो बिता खातो बिता थाने दोष नी लगा ओ; कसनबल्लोने माहापुरू हुनके गरहन करलो से।

रोमियो 15:14

हे मोचो भाईमन, मय खुद तुमचो बारे ने जरूर जाने से कि तुमी बले खुद ची भलाई ले भरा आउर माहापुरू गिआन ले भरपूर हुआ, आउर गोटक दुसर के जनाऊक सकास।

1 कुरिन्थियो 1:5

कि हुन थाने होऊन भाती तुमी हर गोठ ने, बल्लोने पुईतराय बचन आउर पुईतराय गिआन ने सवकार कराय गेलास

1 कुरिन्थियो 10:15

मय अकल बिता जानुन भाती, तुमचो ले बलेंसें: जोन मय बलेंसें, हुनके तुमी परका।

1 कुरिन्थियो 10:28

मान्तर अगर कोनी तुमचो ले बलोत, “ऐ तो मुरती चो पुजा करलो बिती तीज आय,” तेबे हुन सांगलो बिता चो लागुन आउर बिबक चो लागुन नी खाआ।

1 कुरिन्थियो 14:20

हे भाईमन, तुमी समज ने लेखा नी बना: खराबी ने तो लेका राहा, मान्तर समज ने सियान बना।

1 कुरिन्थियो 15:34

धरम चो काजे जागरत हुआ आउर पाप नी करा; कसनबल्लोने कितलो असन आत जोन माहापुरू के नी जानोत। मय तुमके लाज करातो काजे ऐ बलें सें।

1 कुरिन्थियो 4:10

आमी मसीह चो काजे मुरूक आंव, मान्तर तुमी मसीह ने अकल बितामन आस; आमी कमजोर आंव, मान्तर तुमी बलवान आस। तुमी ईजीत पाऊ आस, मान्तर आमी निरादर होऊ आंव।

1 कुरिन्थियो 4:18

कितलो तो असन फुलुन गेला से, माना मय तुमचो लगे ऐतोर ची नाई।

1 कुरिन्थियो 4:6

हे भाईमन, मय ऐ गोठमन ने तुमचो काजे आपलो आउर अपुल्लोस चो चरचा कहनी चो रीति थाने करले से, ऐईकाजे कि तुमी आमचो दुवारा ऐ सिका कि लिकलो बिती ले पुरे नी बड़ा, आउर गोटक चो पक्ष ने आउर दुसर चो बिरूद ने गर्व नी करा।

1 कुरिन्थियो 5:2

आउर तुमी दुक तो नी करास, जेचो ले असन काम करतो बिता तुमचो मंजी थानले निकराया जातो, मान्तर घमण्ड करू आहास।

1 कुरिन्थियो 5:6

तुमचो घमण्ड करतोर अच्छा नुआय; काय तुमी नी जानास कि खिन्डिक असन खमीर पुईतराय चटकलो बिती आंटा के खमीर करून देऊ आय।

1 कुरिन्थियो 8:2

अगर कोनी समजो कि मय काई जाने, जसन जानतोर आय असने ऐबले नी जाने।

1 कुरिन्थियो 8:4

आउर मुरतीमन चो पुरे पुजलो बिती तीजमन के खातोर बारे ने आमी जानु से कि मुरती जगत ने कोनी तीज नुआय, आउर गोटक के छांडुन आउर कोनी माहापुरू निआत।

1 कुरिन्थियो 8:7

मान्तर सपाय के ऐ गिआन निआय, मान्तर कितरो तो ऐबले मुरतीमन के काई समजतोर कारन मुरतीमन चो पुरे पुजलो बिती तीज के काई समजुन भाती खाऊ आत, आउर हुनमन चो बिबक कमजोर होतोर लागुन अशुद्ध होऊन जाऊ आय।

इफिसीयो 4:16

जेचो ले पूईतराय देंह, हरकोनी जोड़ान चो सायता ले गोटक संगे मिसुन भाती आउर गोटक संगे गठेयाय होऊन भाती, हुन असर चो अनुसार जोन हरकोनी धड़ चो नुकु-नुकु काम करतोर दुआरा हुन थाने होऊ आय, आपन खुद के बढ़ाऊ आय कि हुन मया ने उन्नती करते जाओं।

कुलुस्सियो 2:18

कोनी माने दीनता आउर सरग दूतमन चो पुजा कराऊन तुमके दौड़ चो करलो फल ले धुर नी करोत। असन माने दकलो बिती गोठमन ने लगुन रऊ आय आउर आपलो देंह चो समज थाने फोकाहा फुलु आय,

प्रकाशितवाक्य 2:14

“मान्तर मोके तुचो बिरूद काई गोठमन बोलतोर आसे, कसनबल्लोने तुचो थाने कितलो असन आसोत, जोन बिलाम चो सिक्या के मानु आत, जोन बालाक के इस्राएलीमन चो पुरे ठोकरना चो कारन संगाऊक सिकालो कि हुनमन मुरतीमन थाने चेगालो बिती तीजमन खाओत आउर बेबीचार करोत।”

प्रकाशितवाक्य 2:20

“मान्तर मोके तुचो बिरूद ऐ बोलतोर आय कि तुय हुन बायले लेकी इजेबेल के रऊक देऊ आस जोन आपन खुद के अगम गिआनीन बोलु आय, आउर मोचो दासमन के बेबीचार करतोर आउर मुरतीमन चो पुरे चेगालो बिती जातिमन खातोर सिकाऊन भाती भरमाऊ आय।”