1 कुरिन्थियो 7:34 - Halbi

³⁴ बिहाता आउर कुंआरी ने बले भेद आसे: कुंआरी परबु चो चिन्ता ने रऊ आय कि हुन देंह आउर आत्मा दुनो ने पवितर होओ, मान्तर बिहाता संवसार चो चिन्ता ने रऊ आय कि आपलो मनुक के हरिक संगाओ।

परमेस्वर को सच्चो वचन ख जाननू

³⁴ जीन कि ब्याह होए (विवाहित) अर जीन कि ब्याह नी भई ओ म भी कुछ पाप हैं: जीन की ब्याह नी भई उ प्रभु कि म रय्हे हैं कि उ सरीर अर आत्मा दूई म सुध्द होए, पर जीन की ब्याह होऐ दुनिया कि आसा म रय्हे हैं कि अपनो घरवालो ख कसो खुस रखू।

1 कुरिन्थियो 7:34 ပူးပေါင်းရင်းမြစ်များ

यूहन्ना 10:13

हुन ऐईकाजे पराऊ आय कि हुन भुतीयार आय, आउर हुनके मेंडामन चो चिन्ता निआय।

रोमियो 6:13

आउर ना आपलो अंगमन के अधरम चो हत्यार होतो काजे पाप के सोपा, मान्तर आपन खुद के मरलो बितामन थानले जीव उठलोर जानुन भाती माहापुरू के सोपा, आउर आपलो अंगमन के धरम चो हत्यार होतो काजे माहापुरू के सोपा।

1 कुरिन्थियो 6:20

कसनबल्लोने दाम देऊन घेनाय गेलासास, ऐईकाजे आपलो देंह चो बाटले माहापुरू चो महिमा करा।

1 कुरिन्थियो 7:33

मान्तर बिहाता माने संवसार चो गोठमन चो चिन्ता ने रऊ आय कि आपलो बायले के कोन रीति ले हरिक संगायें दें।

1 कुरिन्थियो 7:35

मय ऐ गोठ तुमची लाब चो काजे बलेंसें, ना कि तुमके फांसतो काजे, मान्तर ऐईकाजे कि जसन सोभा देऊ आय असने ची करा जाओ, कि तुमी गोटक मन होऊन भाती परबु चो सेवा ने लगु राआ।

2 कुरिन्थियो 11:28

आउर दुसर गोठमन के छांडुन भाती जेचो बरनन मय नी करें, सपाय कलीसियामन चो चिन्ता रोजे दिना मोके चेपाऊ आय।

2 कुरिन्थियो 8:16

माहापुरू चो धन्यबाद होओ, जोन तुमचो काजे हुनी उदुम तीतुस चो मन ने डालुन दिलो से।

फिलिप्पियो 1:20

मय तो ऐई हारदिक लालच आउर आशा संगायें से कि मय कोनी गोठ ने लाज नी होयें, मान्तर जसन मोचो परबल साआस चो कारन मसीह चो बड़ाई मोचो देंह चो बाटले सदा होते रली से, असने ची ऐबे बले होओ, भले मय जीव रयें नाहले मरून जायें।

1 थिस्सलुनीकियो 5:23

शान्ति चो माहापुरू खुदे ची तुमके पुरा रीति ले पवितर करो; आउर तुमचो आत्मा आउर जीव आउर देंह आमचो परबु ईशु मसीह चो ऐतो दाय ले पुरा आउर बेकसूर सुरक्षित रओत।

1तीमुथियुस 3:5

जसन कोनी आपलो घर ची जुगाड़ करतोर नी जाने, तो माहापुरू चो कलीसिया चो राका कसन करे दे?

1तीमुथियुस 5:5

जोन सते रान्डी आत, आउर हुनचो कोनी निआत, हुन माहापुरू उपरे आशा संगाऊ आय, आउर रात दिन बिनती आउर पारथना ने मतभुल रऊ आय;

तीतुस 3:8

ऐ गोठ सते आय, आउर मय चाहाय से कि तुय ऐ गोठमन चो बारे ने हिम्मत ले बोल ऐईकाजे कि जोनमन माहापुरू उपरे बिश्वास करला से, हुनमन अच्छा-अच्छा काममन ने लगुन रतोर धिआन संगा ओत। ये गोठमन अच्छा आउर मानेमन चो लाब चो आय।