1 कुरिन्थियो 7:21 - Halbi

²¹ अगर तुय दास चो हाल ने हाग दिलोर आसीत तो चिन्ता निकर; मान्तर अगर तुय छुटछाड़ा होऊक सकसे, तो असने ची काम कर।

परमेस्वर को सच्चो वचन ख जाननू

²¹ पर तू दास कि मजबुरी म बुलायो गयो हैं, ते चिन्ता नी कर; अगर यदि तू आजाद हो सके, ते असो ही काम कर।

1 कुरिन्थियो 7:21 ပူးပေါင်းရင်းမြစ်များ

लूका 12:29

आउर तुमी ऐ गोठ चो खोज ने नी राहा कि काय खाऊँ दे आउर काय पीऊंदे, आउर ना डाउट करा।

लूका 21:34

“ऐईकाजे खबड़दार राआ, असन नी होओ कि तुमचो मन खुमार, आउर मतवारपन, आउर ऐ जीव चो चिन्तामन ले सुस्त होऊन जाओ, आउर हुन दिने तुमचो उपरे फान्दा चो असन उधापड़े ऐऊन पड़ो।

1 कुरिन्थियो 12:13

कसनबल्लोने आमी सपाय काय यहूदी होओत काय यूनानी, काय दास होओ काय छुटछाड़ा, गोटक ची आत्मा चो बाटले गोटक देंह होतो काजे डूबन धरलु, आउर आमी सपाय के गोटक ची आत्मा पिआया गेली।

1 कुरिन्थियो 7:20

हरकोनी जन जोन हाल ने हाग दिलोर आसे, हुनी थाने रओत।

1 कुरिन्थियो 7:22

कसनबल्लोने जोन दास चो हाल ने परबु ने हाग दिलोर आसे, हुन परबु चो छुटछाड़ा करलोर आय। असने ची जोन छुटछाड़ा चो हाल ने हाग दिलोर आसे, हुन मसीह चो दास आय।

गलातियो 3:28

अदायं ना कोनी यहूदी रला आउर ना यूनानी, ना कोनी दास ना छुटछाड़ा, ना कोनी नर ना नारी, कसनबल्लोने तुमी सपाय मसीह ईशु ने गोटक आहास।

फिलिप्पियो 4:11

ऐ नाई कि मय आपलो घटी चो लागुन ऐ बलेंसें; कसनबल्लोने मय ऐ सिकले से कि जोन हाल ने आसे; हुनी थाने संतुष्ट करेंदे।

फिलिप्पियो 4:6

कोनी बले गोठ चो चिन्ता नी करा; मान्तर हरकोनी गोठ ने तुमचो गुहार, पारथना आउर गुहार चो दुआरा धन्यबाद चो संगे माहापुरू चो पुरे हाजिर करा जाओ।

कुलुस्सियो 3:11

हुन थाने ना यूनानी रलो ना यहूदी, ना खतना, ना बिन खतना, ना रान चो, ना स्कूती, ना दास आउर ना छुटछाड़ा मात्र मसीह सपाय काई आउर सपाय ने आसे।

इब्रानियो 13:5

तुमचो स्वभाव ने लालच नी रओ, आउर जोन तुमचो लगे आसे हुनी थाने सन्तोष करा; कसनबल्लोने हुन खुद ची बल्लो से, “मय तुके केबीई नी छांडेदे, आउर ना केबीई तुके ठुकरायेंदे।”

1 पतरस 5:7

आपलो पुईतराय चिन्ता हुनचेई उपरे डालुन दिआस, कसनबल्लोने हुनके तुमचो धिआन आसे।