1 कुरिन्थियो 7:17 - Halbi

¹⁷ जसन परबु हरकोनी के बाटलो से, आउर जसन माहापुरू हरकोनी के हाग दिलो से, असने ची हुन चलो। मय सपाय कलीसियामन ने असने ची ठेबायें से।

परमेस्वर को सच्चो वचन ख जाननू

¹⁷ जसो प्रभु न हर एक ख बाँटो हैं, अर जसो परमेस्वर न हर एक क पुकार हैं, असो ही उ चलो। म सारी कलीसिया हुन म असो ही ठहराऊ हैं।

1 कुरिन्थियो 7:17 ပူးပေါင်းရင်းမြစ်များ

मत्ती 19:12

कसनबल्लोने खिन्डिक बायलामन असन आत, जोन आया चो गरब ची ले असन जनमला; आउर खिन्डिक बायलामन असन आत, जोनमन के मानेमन बायला बनाला; आउर खिन्डिक बायलामन असन आत, जोनमन सरग चो राज चो काजे आपन खुद के बायला बनाला सोत। जोन ऐके गरहन करूक सके, हुन गरहन करो।”

1 कुरिन्थियो 10:32

तुमी ना यहूदीमन, ना यूनानीमन, आउर ना माहापुरू चो कलीसिया चो काजे ठोकर चो कारन बना।

1 कुरिन्थियो 11:16

मान्तर अगर कोनी झगड़ा करूक चाह ले, तेबे ऐ जानो कि ना आमचो आउर ना माहापुरू चो कलीसियामन चो असन रीति आय।

1 कुरिन्थियो 11:34

अगर कोनी भुके होओ तो आपलो घर ने खाओ, जेचो ले तुमचो रूंड़ा होतोर डण्ड चो कारन नी होओ। बाकी गोठ के मय ऐऊन भाती अच्छा करेंदे।

1 कुरिन्थियो 14:33

कसनबल्लोने माहापुरू गड़बड़ी चो नुआय, मान्तर शान्ति चो माहापुरू आय। जसन पवितर लोगमन चो सपाय कलीसियामन ने आसे।

1 कुरिन्थियो 16:1

अदायं हुन चांदा चो बारे ने जोन पवितर लोगमन काजे करा जाऊ आय जसन हुकुम मय गलातिया चो कलीसियामन के दिले, असने ची तुमी बले करा।

1 कुरिन्थियो 4:17

ऐईकाजे मय तीमुथियुस के जोन परबु ने मोचो लाड़रा आउर बिश्वास लायक बेटा आय, तुमचो लगे पठाले से। हुन तुमके मसीह ने मोचो गुन सुरता कराये दे, जसन कि मय हर जगा हरकोनी कलीसिया ने उपदेश करू आय।

1 कुरिन्थियो 7:18

जोन खतना करलोर हाग दिआ गेलो से, हुन बिन खतना नी बनो। जोन बिन खतना हाग दिलोर आसे, हुन खतना नी कराओ।

1 कुरिन्थियो 7:24

हे भाईमन जोन कोनी जोन हाल ने हाग दिलोर आसे, हुन हुनी थाने माहापुरू चो संगे रओ।

1 कुरिन्थियो 7:7

मय ऐ चाहायें से कि जसन मय आंय, असने ची सपाय माने होओत; मान्तर हरकोनी के माहापुरू चो बाटले अच्छा-अच्छा बर मिरली से; कोनी के कोनी परकार चो, आउर कोनी के कोनी आउर परकार चो।

2 कुरिन्थियो 11:28

आउर दुसर गोठमन के छांडुन भाती जेचो बरनन मय नी करें, सपाय कलीसियामन चो चिन्ता रोजे दिना मोके चेपाऊ आय।

2 कुरिन्थियो 8:18

आमी हुनचो संगे हुन भाई के बले पठालु से जेचो नाव नगतखबर चो बारे ने सपाय कलीसियामन ने फयली से;

गलातियो 1:22

मान्तर यहूदिया चो कलीसियामन जोन मसीह ने रला, मचो मुंह केबीई नी दकु रला;

1 थिस्सलुनीकियो 2:14

ऐईकाजे तुमी, हे भाईमन, माहापुरू चो हुन कलीसियामन चो असन चाल चलुक मुरयालास जोन यहूदीया ने मसीह ईशु ने आसे, कसनबल्लोने तुमी बले आपलो लोगमन ले असने ची दुख पावलास जसन हुनमन यहूदिमन ले पाऊ रवत,

2 थिस्सलुनीकियो 1:4

ऐथा ले कि आमी खुद माहापुरू चो कलीसिया ने तुमचो बारे ने घमण्ड करूं आंव कि जितरो झंझट आउर कष्ट तुमी सहु आहास, हुन सपाय ने तुमचो धीरज आउर बिश्वास परकट होऊ आय।