1 कुरिन्थियो 6:9 - Halbi

⁹ काय तुमी नी जानास कि अनियायी लोग माहापुरू चो राज चो हकदार नी होदे? धोका नी खाआ; ना बेश्यागामी, ना मुरती पुजा करू, ना दुसर चो बायले नेतो बिता, ना लुच, ना पुरूषगामी,

परमेस्वर को सच्चो वचन ख जाननू

⁹ का तुम नी जान हैं कि अधर्मी को काम करन वालो अदमी परमेस्वर का राज ख अधिकारी नी होय? धोखा नी खा; नी छिनाला करन वालो (न वेस्यागामी), नी मूर्ति पूजक हुन, नी बुरो काम करन वालो, नी पुरूसगामी,

1 कुरिन्थियो 6:9 ပူးပေါင်းရင်းမြစ်များ

मत्ती 19:29

आउर जोन कोनी बले घरमन, नाहले भाईमन, नाहले भईनमन, नाहले बुआ, नाहले आया, नाहले पिला-झिलामन, नाहले बेड़ामन के मोचो नाव चो काजे छांडुन दिलो से, हुनके सव गुना मिरेदे, आउर हुन अमर जीवना चो हकदार होयेदे।

मत्ती 25:34

तेबे राजा आपलो उजा बाटे चो बितामन ले बलेदे, ‘हे मोचो बुआ चो धन्य लोगमन, ईआ, हुन राज चो अधिकारी होऊन जाआ, जोन जगत चो मुर ले तुमचो काजे तिआर करा गेली से।

लूका 21:8

हुन बल्लो, “तिआर राहा कि भरमाया नी जाआ, कसनबल्लोने खुबे असन मोचो नाव ले ऐऊन भाती बोल दे, ‘मय हुनी आंय,’ आउर ऐ बले कि, ‘समया लगे अमरली से।’ तुमी हुनमन चो पाट-पाट नी जाआ।

प्रेरितो 20:32

आउर अदायं मय तुमके माहापुरू के, आउर हुनचो अनुग्रह चो बचन के सोपुन देयें से; जोन तुमचो उन्नती करूक सके आउर सपाय पवितर करा गेलो लोगमन ने सामिल करून मीरास देऊक सके।

प्रेरितो 24:25

जिदलदाय हुन धरम, आउर सहन, आउर ऐतो बिता नियाय चो चरचा करते रलो, तेबे फेलिक्स घबराऊन भाती जबाप दिलो, “ऐबे तो जा; मवका दकुन मय तुके फेर हाग देयें दें।”

रोमियो 1:18

माहापुरू चो रिस तो हुन लोगमन चो सपाय अभक्ति आउर अधरम थाने सरग ले उजागर होऊ आय, जोन सत के अधरम ले चेपान संगाऊ आत।

1 कुरिन्थियो 15:33

धोका नी खाआ, “खराप संगत अच्छा आचरन के नशान देऊ आय।”

1 कुरिन्थियो 15:50

हे भाईमन, मय ऐ बलें सें कि मास आउर लऊ माहापुरू चो राज चो अधिकारी नी होऊक सकोत, आउर नाशवान अमरता चो अधिकारी होऊक सके।

1 कुरिन्थियो 3:16

काय तुमी नी जानास कि तुमी माहापुरू चो मंदिर आहास, आउर माहापुरू चो आत्मा तुमचो थाने वास करू आय?

1 कुरिन्थियो 5:1

ऐथा ले सुनतो ने ऐऊ आय कि तुमचो ने बेबीचार होऊ आय, मान्तर असन बेबीचार जोन दुसर जातिमन ने बले नी होये कि गोटक माने आपलो बुआ चो बायले के संगाऊ आय।

1 कुरिन्थियो 5:10

ऐ नाई कि तुमी बिलकुल ऐ जगत चो बेबीचारीमन, नाहले लोभाहामन, नाहले अंधार करतो बितामन, नाहले मुरती पुजा करूमन चो संगत नी करा; कसनबल्लोने ऐ दसा ने तो तुमके जगत थानले निकरून जातोर ची पड़ती।

1 कुरिन्थियो 5:11

मान्तर मोचो कहना ऐ आय कि अगर कोनी भाई बलाय होऊन भाती, बेबीचारी, नाहले लोभाहा, नाहले मुरती पुजा करू, नाहले झगड़ा करतो बिता, नाहले मतवार, नाहले अंधार करू बिता होओ, तेबे हुनचो संगत नी कर; मान्तर असन माने चो संगे भात बले नी खा।

1 कुरिन्थियो 6:10

ना चोर, ना लोभीई, ना मतवार, ना झगड़ा करतो बिता, ना नशातो बितामन माहापुरू चो राज चो बेटा होदे।

1 कुरिन्थियो 6:18

बेबीचार ले बाचु राहा। जितरो दुसर पाप माने करू आय हुन देंह चो बाहरे आय, मान्तर बेबीचार करतो बिता आपली देंह चो बिरूद पाप करू आय।

1 कुरिन्थियो 6:19

काय तुमी नी जानास कि तुमचो देंह पवितर आत्मा चो मंदिर आय, जोन तुमनमन ने बसली से आउर तुमके माहापुरू चो बाटले मिरली से; आउर तुमी आपलो नुआस?

1 कुरिन्थियो 9:24

काय तुमी नी जानास कि दौड़ ने तो दौडू सपाय आत, मान्तर ईनाम गोटक ची धरून जाऊ आय? तुमी असने ची दौड़ा कि जीता।

2 कुरिन्थियो 12:21

आउर काहांय असन नी होओ कि मोचो माहापुरू मोचो फेर ले तुमचो थाने ऐ तो काजे मोचो उपरे दबाव डालो आउर मोके खुबेमन चो काजे फेर दुक करूक पड़ो, जोनमन पयले पाप करू रओत आउर अशुद्ध काम आउर बेबीचार आउर ढीलाढाला ले, जोन हुनमन करला, मन नी फिराला।

गलातियो 6:7

धोका नी खाआ; माहापुरू मजाकमन ने नी उड़ाया जाये, कसनबल्लोने माने जोन काई बुनु आय हुनी काटे दे।

कुलुस्सियो 3:5

ऐईकाजे आपलो हुन धड़मन के मारून दिआस जोन धरतनी थाने आसे, बल्लोने बेबीचार, अशुद्धता, खराप बिचारमन खराप लालच आउर लोभ के जोन मुरती पुजा चो बराबर आय।

इब्रानियो 12:14

सपाय ले मेल मिलाप संगाहा, आउर हुन पवितरता चो खोजी हुआ जेचो बिना कोनी परबु के केबे नी दक दे।

इब्रानियो 12:16

असन नी होओ कि कोनी जन बेबीचारी, नाहले एसाव चो असन अधरमी होओ जोन गोटक हार चो भात चो पलटा आपलो पयलवात होतोर पन बिकुन दिलो।

इब्रानियो 13:4

बिआ सपाय ने ईजीत चो गोठ समजा जाओ, आउर बिहा ओचना निसकलंक रओ, कसनबल्लोने माहापुरू बेबीचारीमन, आउर दुसर चो बायले नेतो बितामन चो नियाय करेदे।

याकूब 1:16

हे मोचो लाड़रा भाईमन, धोका नी खाआ।

1यूहन्ना 3:7

हे लेकामन, काचीई भरमातो ने नी ईआ। जोन धरम चो कामकरू आय, हुनी हुनचो असन धरमी आय।

प्रकाशितवाक्य 21:8

“मान्तर डराहामन, आउर अबिश्वासीमन, आउर घिन-घिनामन, आउर हत्यारामन आउर बेबीचारीमन, आउर पंगनाहामन, आउर मुरती पुजा करूमन, आउर सपाय फंदीमन चो भाग हुन झील ने मिरे दे जोन आईग आउर गन्धक ले जरते रऊ आय: ऐ दुसर मरना आय।”

प्रकाशितवाक्य 22:15

मान्तर कुकूरमन, आउर पंगनाहामन, आउर बेबीचारी, आउर हत्यारा आउर मुरती पुजा करू, आउर हरकोनी फंद के चाहतो बिता आउर गड़तो बिता बाहरे रये दे।