1 कुरिन्थियो 6:3 - Halbi

³ काय तुमी नी जानास कि आमी सरग दूतमन चो नियाय करूंदे? तेबे काय संवसार चो गोठमन चो फयसला नी करू?

परमेस्वर को सच्चो वचन ख जाननू

³ का तुम नी जान कि हम स्वर्गदूत हुन को फैसला करे? ते का जमाना कि बात हुन को फैसला नी करे।

1 कुरिन्थियो 6:3 ပူးပေါင်းရင်းမြစ်များ

मत्ती 25:41

“तेबे हुन डेबरी बाट चो बितामन ले बलेदे, ‘हे सराप पड़लो लोगमन, मोचो पुरे ले हुन नी सरतो आईग ने जाते जाआ, जोन शयतान आउर हुनचो दूतमन चो काजे तिआर करा गेली से।

लूका 21:34

“ऐईकाजे खबड़दार राआ, असन नी होओ कि तुमचो मन खुमार, आउर मतवारपन, आउर ऐ जीव चो चिन्तामन ले सुस्त होऊन जाओ, आउर हुन दिने तुमचो उपरे फान्दा चो असन उधापड़े ऐऊन पड़ो।

लूका 8:14

जोन बुटामन ने घसरली, ऐ हुनमन आत जोन सुनु आत, मान्तर पयले जाऊन भाती चिन्ता, आउर धन, आउर जीवना चो सुख बिलास ने फसु आत आउर हुनमन चो फर नी पाके।

रोमियो 6:16

काय तुमी नी जानास कि जेचो हुकुम मानतो काजे तुमी आपन खुद के दासमन चो समान सोपुन देऊ आहास हुनचेई दास आहास भला पाप चो, जेचो आखरी मरना आय, भला हुकुम मानु चो, जेचो आखरी धारमिकता आय?

1 कुरिन्थियो 6:15

काय तुमी नी जानास कि तुमचो देंह मसीह चो अंग आय? तो काय मय मसीह चो अंग धरून भाती हुनमन के बेश्या चो अंग बनायेंदें? केबीई नाई।

1 कुरिन्थियो 6:16

काय तुमी नी जानास कि जोन कोनी बेश्या ले संगत करू आय, हुन हुनचो संगे गोटक देंह होऊ आय? कसनबल्लोने लिकलोर आसे, “हुनमन दुनो गोटक देंह होदे।”

1 कुरिन्थियो 6:19

काय तुमी नी जानास कि तुमचो देंह पवितर आत्मा चो मंदिर आय, जोन तुमनमन ने बसली से आउर तुमके माहापुरू चो बाटले मिरली से; आउर तुमी आपलो नुआस?

1 कुरिन्थियो 6:4

अगर तुमके जगत चो गोठमन चो फयसला करतोर होओ, तेबे काय हुनीमन के बसाआ से जोन कलीसिया ने काई नी समजा जाओत?

2 तीमुथियुस 2:4

जिदलदाय कोनी लड़ीईकरू लड़ीई थाने जाऊ आय, तेबे ऐईकाजे कि आपलो भरती करू बिता के हरिक करो आपन खुद के जगत चो काममन ने नी फसाये।

2 तीमुथियुस 4:10

कसनबल्लोने देमास ऐ जगत के लाड़ जानुन भाती मोके छांडुन दिलो से आउर थिस्सलुनीके ने जाते गेलो से। क्रेसकेंस गलातिया ने आउर तीतुस दलमतिया ने जाते गेलो से।

2 पतरस 2:4

कसनबल्लोने जिदलदाय माहापुरू हुन सरग दूतमन के जोनमन पाप करला नी छांडलो, मान्तर नरक ने पटाऊन भाती अन्धार कुण्डमन ने डालुन दिलो बल्ले नियाय चो दिन तक बन्दी रवत;

यहूदा 1:6

फेर जोन सरग दूतमन आपलो पन के गोटक जगा ने थीर नी संगाला मान्तर आपलो खुद चो जगा के छांडुन दिला, हुन हुनमन के बले हुन भयंकर दिन चो नियाय चो काजे अंधार ने, जोन जुग-जुग चो काजे आय, बान्दनमन ने संगालो से।