1 कुरिन्थियो 6:20 - Halbi

²⁰ कसनबल्लोने दाम देऊन घेनाय गेलासास, ऐईकाजे आपलो देंह चो बाटले माहापुरू चो महिमा करा।

परमेस्वर को सच्चो वचन ख जाननू

²⁰ काहेकि तुम लोग पैसा देख ख खरीदो लियो गयो हैं, एकोलाने तुम लोग अपनो सरीर ख दुवारा परमेस्वर कि बड़ाई करे।

1 कुरिन्थियो 6:20 ပူးပေါင်းရင်းမြစ်များ

मत्ती 5:16

हुनी परकार तुमचो उजर मानेमन चो पुरे चमको कि हुनमन तुमचो नुकु काममन के दकुन भाती तुमचो बुआ, चो जोन सरग ने आसे, बड़ाई करोत।

प्रेरितो 20:28

ऐईकाजे आपलो आउर पुईतराय गोहड़ी चो राका करा जोन थाने पवितर आत्मा तुमके अध्यक्ष ठेबालो से, कि तुमी माहापुरू चो कलीसिया चो राका करा, जोन के हुन आपलो लऊ ले घेनलो से।

रोमियो 12:1

ऐईकाजे हे भाईमन, मय तुमचो ले माहापुरू चो दया सुरता कराऊन भाती बिनती करें से कि आपलो देंहमन के जीवता, आउर पवितर, आउर माहापुरू के भावतो बिती पुजा करून चेगाहा। ऐई ची तुमचो आत्मिक सेवा आय।

रोमियो 6:19

मय तुमचो देंह चो कमजोरी चो कारन मानेमन चो रीति थाने बलें सें। जसन तुमी आपलो अंगमन के कुकरम चो काजे अशुद्धता आउर कुकरम चो दास करून सोपुन रलास, असने ची अदायं आपलो अंगमन के पवितरता चो काजे धरम चो दास करून सोपुन दिआस।

1 कुरिन्थियो 10:31

ऐईकाजे तुमी भले खाआ, भले पिआ, भला जोन काई करा, सपाय काई माहापुरू चो महिमा चो काजे करा।

1 कुरिन्थियो 7:23

तुमी दाम देऊन भाती घेनलोर आस; मानेमन चो दास नी बना।

गलातियो 3:13

मसीह जोन आमचो काजे शरापित बनलो, आमके घेनुन भाती नियम चो शराप ले छंडालो, कसनबल्लोने लिकलोर आसे, “जोन कोनी काठ उपरे लटकाया जाऊ आय हुन शरापित आय।”

फिलिप्पियो 1:20

मय तो ऐई हारदिक लालच आउर आशा संगायें से कि मय कोनी गोठ ने लाज नी होयें, मान्तर जसन मोचो परबल साआस चो कारन मसीह चो बड़ाई मोचो देंह चो बाटले सदा होते रली से, असने ची ऐबे बले होओ, भले मय जीव रयें नाहले मरून जायें।

इब्रानियो 9:12

आउर बोकड़ामन आउर बाचामन चो लऊ चो दुवारा नुआय मान्तर आपलो ची लऊ चो दुवारा, गोटक ची हार पवितर जगा ने ओललो आउर अमर छुटकारा परापत करलो।

1 पतरस 1:18

कसनबल्लोने तुमी जानास कि तुमचो ठग चाल-चलन जोन बुआ दादी ले चलते ऐये से, हुनचो ले तुमचो छुटकारा चाँदी-सोना आउर नाश बिती तीजमन चो दुवारा नी होली;

1 पतरस 2:9

मान्तर तुमी गोटक चुनलो बिती बंश, आउर राज पनधारी याजकमन चो समाज, आउर पवितर लोग, आउर (माहापुरू चो) निज परजा आस, ऐईकाजे कि जोन तुमके अंधार थानले आपलो भयंकर उजर ने हाग दिलो से, हुनचो गुन परकट करा।

2 पतरस 2:1

जोन परकार हुन लोगमन ने फंदी अगम गिआनी रवत, हुनी परकार तुमचो थाने बले फंदी उपदेशक हो दे, जोन नाश करतो बिता पाखंडी चो उदघाटन लुकुन-लुकुन भाती कर दे, आउर हुन मालिक चो जोन हुनमन के घेनलो से इन्कार कर दे, आउर आपन खुद के झटके बिनाश ने डाल दे।

प्रकाशितवाक्य 5:9

हुनमन ऐ नवा गीत गाऊक मुरयाला, “तुय ऐ किताब के धरतोर, आउर ऐचो सीलमन खोलतोर लायक आस; कसनबल्लोने तुय पुजाय होऊन भाती आपलो लऊ ले हरकोनी कुल आउर भाषा आउर लोग आउर जाति थानले माहापुरू चो काजे लोगमन के घेनली सीस,