1 कुरिन्थियो 6:2 - Halbi

² काय तुमी नी जानास कि पवितर लोग जगत चो नियाय करदे? ऐईकाजे जिदलदाय तुमके जगत चो नियाय करतोर होयेदे, तेबे काय तुमी नानी ले नानी झगड़ा चो बले फयसला करतोर लायक नुआस?

परमेस्वर को सच्चो वचन ख जाननू

² का तुम नी जानत आय कि सुध्द लोग दुनिया को फैसला करे? एकोलाने जब तुम दुनिया को फैसला करनो हैं, ते का तुम छोटा से छोटा लड़ाई हुन को भी निर्णय करन का लायक भी नी हैं?

1 कुरिन्थियो 6:2 ပူးပေါင်းရင်းမြစ်များ

मत्ती 19:28

ईशु हुनमन ले बल्लो, “मय तुमचो ले सते बलेंसें कि नवा बरमाण्ड ने जिदलदाय माने चो बेटा आपलो महिमा चो सिंघासन थाने बसे दे, तो तुमी बले जोन मोचो पाट-पाट होलासास, बारा सिंघासनमन थाने बोसुन भाती इस्राएल चो बारा गोत्रमन चो नियाय करा से।

लूका 22:30

बल्ले तुमी मोचो राज ने मोचो टेबुल थाने खाआ-पिआ, मान्तर सिंघासनमन थाने बसुन भाती इस्राएल चो बारा गोत्रमन चो नियाय करा।

रोमियो 6:16

काय तुमी नी जानास कि जेचो हुकुम मानतो काजे तुमी आपन खुद के दासमन चो समान सोपुन देऊ आहास हुनचेई दास आहास भला पाप चो, जेचो आखरी मरना आय, भला हुकुम मानु चो, जेचो आखरी धारमिकता आय?

1 कुरिन्थियो 1:20

काहां रलो गिआन बिता? काहां रलो शास्तरी? काहां रलो ऐ संवसार चो झगड़ाहा? काय माहापुरू संवसार चो गिआन के मुरूकता नी ठेबालो?

1 कुरिन्थियो 1:21

कसनबल्लोने जिदलदाय माहापुरू चो गिआन चो अनुसार संवसार गिआन ले माहापुरू के नी जानलो, तेबे माहापुरू के ऐ अच्छा लागली कि ऐ परचार चो मुरूकता चो दुवारा बिश्वास करतो बितामन के मुक्ति देओ।

1 कुरिन्थियो 6:4

अगर तुमके जगत चो गोठमन चो फयसला करतोर होओ, तेबे काय हुनीमन के बसाआ से जोन कलीसिया ने काई नी समजा जाओत?

2 कुरिन्थियो 4:18

आउर आमी तो दकलो बिती तीजमन के नाई मान्तर नी दकलो बिती तीजमन के दकते रऊ आंव; कसनबल्लोने दकलो बिती तीजमन खिन्डिक ची दिन चो आय, मान्तर नी दकलो बिती तीजमन हरमेशा बनुन रऊ आय।

1 थिस्सलुनीकियो 3:13

बल्ले हुन तुमचो मन-मन के असन थीर करो कि जिदलदाय आमचो परबु ईशु आपलो सपाय पवितर लोगमन चो संगे ऐओ, तेबे हुनमन आमचो माहापुरू आउर बुआ चो पुरे पवितरता ने बेकसूर ठेबोत।

प्रकाशितवाक्य 20:4

फेर मय सिंघासन दकले, आउर हुन थाने लोग बसुन गेला, आउर हुनमन के नियाय करतोर अधिकार दिया गेली। मय हुनमन चो आत्मामन के बले दकले, जोनमन मुण्ड ईशु चो गोहई देतोर आउर माहापुरू चो बचन चो लागुन काटा जाऊ रवत, आउर जोनमन ना हुन पशु चो, आउर ना हुनचो मुरती चो पुजा करू रला, आउर हुनचो छाप आपलो कपार आउर हाथमन थाने धरून रवत। हुनमन जीव पडुन भाती मसीह चो संगे हजार बरक ले राज करते रवत।

प्रकाशितवाक्य 3:21

“जोन जय पावला मय हुनके आपलो संगे आपलो सिंघासन थाने बसायेंदे, जसन मय बले जय पाऊन भाती आपलो बुआ चो संगे हुनचो सिंघासन थाने बसले।”