1 कुरिन्थियो 6:11 - Halbi

¹¹ आउर तुमनमन ले कितरो असने ची रवत, मान्तर तुमी परबु ईशु मसीह चो नाव ले आउर आमचो माहापुरू चो आत्मा ले धुआ गेलास आउर पवितर होलास आउर धरमी ठेबलास।

परमेस्वर को सच्चो वचन ख जाननू

¹¹ अऊर तुम म से कितना असो भी हता, पर तुम प्रभु यीसु मसी का नाम से अऊर हमारो परमेस्वर का आत्मा से धोए गयो अऊर सुध्द हुयो अऊर धर्मी रया।

1 कुरिन्थियो 6:11 ပူးပေါင်းရင်းမြစ်များ

मत्ती 20:4

आउर हुनमन ले बल्लो, ‘तुमी बले दाख चो बनवाड़ी ने जाहा, आउर जोन काई ठीक आसे, तुमके देयें दें।’ आउर हुनमन बले गेला।

लूका 18:14

मय तुमचो ले बलेंसें कि हुन दुसर नुआय, मान्तर ऐई माने धरमी ठेबाया जाऊन भाती आपलो घरे गेलो; कसनबल्लोने जोन कोनी खुद के बड़े बनाये दे, हुन नानी करा जाये दे; आउर जोन खुद के नानी बनाये दे, हुन बड़े करा जाये दे।”

यूहन्ना 13:10

ईशु हुनचो ले बल्लो, “जोन नहाऊन चुकलो से हुनचो पाँय के छांडुन आउर काई धोहतोर जरूरत निआय, मान्तर हुन बिलकुल शुद्ध आसे; आउर तुमी शुद्ध आसास, मान्तर सपाय चो सपाय नाई।”

यूहन्ना 13:8

पतरस हुनचो ले बल्लो, “तुय मोचो पाँय केबीई नी धोऊक सकसे!” ऐ सुनुन भाती ईशु हुनचो ले बल्लो, “अगर मय तुके नी धोयें दें, तो मोचो संगे तुचो काई बले मेल निआय।”

यूहन्ना 5:4

कसनबल्लोने तय समया ने माहापुरू चो सरगदूत कुण्ड ने उरुन भाती पानी के हलाते रवत। पानी हलते ची जोन कोनी पयले उतरो हुन चेंगा होते रलो भले हुनचो कोनी बेमार केंव नी होओ।

प्रेरितो 13:39

आउर जोन गोठमन ने तुमी मूसा चो नियम चो बाटले बेकसूर नी ठेबुक सकते रलास, हुनी सपाय ने हरकोनी बिश्वास करतो बिता हुनचो लगुन बेकसूर ठेबु आत।

प्रेरितो 22:16

अदायं केंव बेर कर सीस? उठ, डूबन धर, आउर हुनचो नाव धरून भाती आपलो पापमन के धोई हो।

प्रेरितो 26:18

कि तुय हुनमन चो आँईकमन खोल कि हुनमन अंधार ले उजर चो बाटे, आउर शयतान चो अधिकार ले माहापुरू चो बाटे फिरोत; कि पापमन चो छमा आउर हुन लोगमन चो संगे जोन मोचो उपरे बिश्वास करलो ले पवितर करा गेला से, मीरास पाओत।

रोमियो 3:24

मान्तर हुनचो अनुग्रह ले हुन छुटकारा चो बाटले जोन मसीह ईशु ने आसे, सेंत मेंत धरमी ठेबाय जाऊ आत।

रोमियो 4:5

मान्तर जोन काम नी करे मान्तर भक्ति नी करतो बिता चो धरमी ठेबातो बिता उपरे बिश्वास करू आय, हुनचो बिश्वास हुनचो काजे धारमिकता गेना जाऊ आय।

रोमियो 5:1

आउर जिदलदाय आमी बिश्वास ले धरमी ठेबलु, तेबे आपलो परबु ईशु मसीह चो कारन माहापुरू चो संगे मेल संगाऊ,

रोमियो 5:9

आउर जिदलदाय कि आमी अदायं हुनचो लऊ चो कारन धरमी ठेबलु, तेबे हुनचो कारन माहापुरू चो रीस ले कसन नी बचु दें?

रोमियो 8:30

फेर जोनमन के हुन पयले ले ठेबालो, हुनमन के हाग दिलो बले; आउर जोनमन के हाग दिलो, हुनमन के धरमी बले ठेबालो; आउर जोनमन के धरमी ठेबालो, हुनमन के महिमा बले दिलो से।

रोमियो 8:33

माहापुरू चो चुनलो बितामन उपरे दोष कोन लगायेदे? माहापुरू ची आय जोन हुनमन के धरमी ठेबातो बिता आय।

1 कुरिन्थियो 1:2

माहापुरू चो हुन कलीसिया चो नाव जोन कुरिन्थुस ने आसे, बल्लोने हुनमन चो नाव जोन मसीह ईशु ने पवितर कराया गेला, आउर पवितर होतो काजे हाग दिया गेला सोत; आउर हुन सपाय चो नाव बले जोन हर जगा आमचो आउर आपलो परबु ईशु मसीह चो नाव ले पारथना करू आत।

1 कुरिन्थियो 1:30

मान्तर हुनचेई बाटले तुमी मसीह ईशु ने आसास, जोन माहापुरू चो बाटले आमचो काजे गिआन थेबलो, बल्लोने धरम, आउर पवितरता, आउर छुटकारा;

1 कुरिन्थियो 12:2

तुमी जानास कि जिदलदाय तुमी दुसर जाति राआस, तेबे कोंदी मुरतीमन चो पाटे जसन चलाया जाते राआस असने ची चलते राआस।

गलातियो 2:16

तेबले बले ऐ जानुन भाती कि माने नियम चो काममन ले नाई, मान्तर मात्र ईशु मसीह चो उपरे बिश्वास करतोर लागुन धरमी ठेबु आय, आमी खुद बले मसीह ईशु उपरे बिश्वास करलु कि आमी नियम चो काममन ले नाई, मान्तर मसीह उपरे बिश्वास करतोर ले धरमी ठेबलु; ऐईकाजे कि नियम चो काममन ले कोनी जीव धरमी नी ठेबे दे।

गलातियो 3:11

मान्तर ऐ गोठ परकट आसे कि नियम चो लागुन माहापुरू चो थाने कोनी धरमी नी ठेबे, कसनबल्लोने धरमी जन बिश्वास ले जीव रये दे।

गलातियो 3:24

ऐईकाजे नियम मसीह लगले पहुँचातो काजे आमचो गुरजी होलो से कि आमी बिश्वास ले धरमी ठेबु।

गलातियो 3:8

आउर पवितर शास्त्र पयले ची ले ऐ जानुन भाती कि माहापुरू दुसर जातिन के बिश्वास ले धरमी ठेबा ये दे। पयले ची ले अब्राहाम के ऐ नगतखबर सुनान दिलो कि “तुचो ने सपाय जातिमन आशीष पावदे।”

इफिसीयो 5:26

कि हुनके बचन चो दुवारा पानी चो नाहलो ले शुद्ध करून पवितर बनाओ,

इफिसीयो 5:8

कसनबल्लोने तुमी तो पयले अंधार राआस मान्तर अदायं परबु ने उजर आहास, मान्तर उजर चो पिलामन चो असन चला।

2 थिस्सलुनीकियो 2:13

हे भाईमन, आउर परबु चो लाड़रा लोगमन, जरूरी आय कि आमी तुमचो बारे ने सदा परबु चो धन्यबाद करते रऊँ, कसनबल्लोने माहापुरू मुर ले तुमके चुनुन धरलो कि आत्मा चो बाटले पवितर बनुन भाती, आउर सत चो बिश्वास करून मुक्ति पाआ,

इब्रानियो 10:22

तेबे ईआ, आमी सत मन आउर पुरा बिश्वास चो संगे, आउर बिबक चो दोष लापी करतो काजे कारजा थाने छिड़काव धरून भाती, आउर देंह के शुद्ध पानी ले धुआऊन भाती माहापुरू चो लगे जाऊ।

इब्रानियो 10:29

तेबे बिचारा कि हुन कितलो आउर बले भारी डण्ड चो लायक ठेबे दे, जोन माहापुरू चो बेटा के पाँयमन ले लगड़ लो आउर बायदा चो लऊ के, जेचो दुवारा हुन पवितर ठेबाया जाऊ रये, अपवितर जानला सोत, आउर अनुग्रह चो आत्मा चो बेईजित करला।

इब्रानियो 2:11

कसनबल्लोने पवितर करतो बिता आउर जोन पवितर कराया जाऊ आत, सपाय गोटक ची मुर ले आत; ऐई लागुन हुन हुनमन के भाई बोलतोर ले नी लाज होये।

1 पतरस 1:2

आउर माहापुरू बुआ चो अगम गिआन चो अनुसार, आत्मा चो पवितर करलोर दुवारा हुकुम मानतोर आउर ईशु मसीह चो लऊ के छिंछतो काजे चुना गेलासे। तुमके अनुग्रह आउर शान्ति खुबे ले खुबे मिरते रओ।

1 पतरस 1:22

आउर: जसन कि तुमनमन भाईचारा चो निष्कपट लाड़ चो लागुन सत चो मानतो ले आपलो मनमन के पवितर करलासास, तेबे तन-मन लगाऊन भाती गोटक दुसर ले खुबे मया संगाहा।

1 पतरस 3:21

हुनी पानी चो कहनी बले, बल्लोने डूबन, ईशु मसीह चो जीव उठलोर दुवारा, अदायं तुमके बचाऊ आय; ऐचो ले देंह चो मईल के धुर करतोर मतलब नुआय, मान्तर शुद्ध बिबक ले माहापुरू चो वश ने होऊन जातोर मतलब आय।

1यूहन्ना 2:12

हे लेकामन, मय तुमके ऐईकाजे लिकें से कि हुनचो नाव ले तुमचो पाप छमा होली से।

प्रकाशितवाक्य 1:5

आउर ईशु मसीह चो बाटले जोन बिश्वास लायक गोहई आउर मरलो बितामन थानले जीव उठतो बितामन ने पयलवात आउर धरतनी चो राजामन चो हाकिम आय, तुमके अनुग्रह आउर शान्ति मिरते रओ। हुन आमचो ले मया संगाऊ आय, आउर हुन आपलो लऊ चो दुवारा आमके पापमन ले छंडालो से,

प्रकाशितवाक्य 7:14

मय हुनके बल्ले, “हे मालिक, तुय ची जानीस।” हुन मोके बल्लो, “ऐ हुनमन आत, जोन हुन माहाकलेश थानले निकरून भाती ईला सोत; ऐ मन आपलो-आपलो फटीई मेमना चो लऊ ने धोऊन भाती पंडरा करला सोत।”