1 कुरिन्थियो 5:11 - Halbi

¹¹ मान्तर मोचो कहना ऐ आय कि अगर कोनी भाई बलाय होऊन भाती, बेबीचारी, नाहले लोभाहा, नाहले मुरती पुजा करू, नाहले झगड़ा करतो बिता, नाहले मतवार, नाहले अंधार करू बिता होओ, तेबे हुनचो संगत नी कर; मान्तर असन माने चो संगे भात बले नी खा।

परमेस्वर को सच्चो वचन ख जाननू

¹¹ पर मोखा यू बोलनू हैं कि पर कोई भई बोल-ख बुरो काम, अऊर लाची, अऊर मूर्ति पूजा क हुन अऊर गाली देनवालो, अऊर पियक्कड़ अऊर अन्धेर करन वालो होय, ते ओकी संग म नी रह पर अदमी ख संग खाना भी नी खा।

1 कुरिन्थियो 5:11 ပူးပေါင်းရင်းမြစ်များ

मत्ती 18:17

अगर हुन हुनमन चो बले नी माने दे, तेबे कलीसिया ले बोलुन देस, मान्तर अगर हुन कलीसिया चो बले नी माने दे तेबे तुय हुनके दुसर जाति आउर कर धरू बितामन असन जान।

मत्ती 23:25

“हे कपटी शास्तरीमन आउर फरीसीमन, तुमचो उपरे हाय! तुमी बटका आउर थारी के उपर-उपर ले मांजे सास मान्तर हुन भीतरे अंधार आउर अधिरजा ले भरलोर आसे।

लूका 18:11

फरीसी उबा होऊन भाती आपलो मन ने असन पारथना करूक मुरयालो, ‘हे माहापुरू, मय तुचो धन्यबाद करें से कि मय दुसर माने चो असन गलत करतो बिता, ओनियायी आउर बेबीचारी नुआय, आउर ना ऐ कर धरू बितामन चो असन आय।

लूका 21:34

“ऐईकाजे खबड़दार राआ, असन नी होओ कि तुमचो मन खुमार, आउर मतवारपन, आउर ऐ जीव चो चिन्तामन ले सुस्त होऊन जाओ, आउर हुन दिने तुमचो उपरे फान्दा चो असन उधापड़े ऐऊन पड़ो।

प्रेरितो 1:15

हुन दिनमन ने पतरस भाईमन चो मंजी ने जोन छय कोड़ी लोग चो अमरा अमरी रवत, उबा होऊन भाती बोलुक मुरयालो,

प्रेरितो 9:17

तेबे हनन्या उठून भाती हुन घर ने गेलो, आउर हुनचो उपरे आपलो हाथ संगाऊन भाती बल्लो, “हे भाई शाऊल, परबु, बल्लोने ईशु जोन हुन बाट ने, जाहां ले तुय ईलीस तुके दका दिलो, हुनी मोके पठालो से कि तुय फेर दकुक सक आउर पवितर आत्मा ले समपूरन हो।”

रोमियो 13:13

जसन दिन के फोबु आय, असने ची आमी सीदा चाल चलु, ना कि खेला बुला, आउर मतवारीपन ने, ना बेबीचार, आउर ढीला ढाला ने, आउर ना झगड़ा आउर कुचर ने।

रोमियो 16:17

अदायं हे भाईमन, मय तुमचो ले बिनती करे से, कि जोन लोग हुन सिक्या चो उलटा, जोन तुमी पावलासास, फुट डालतोर आउर ठोकरना खुआतोर कारन होऊ आत, हुनमन के टारून दिआस आउर हुनमन ले दूर राहा।

1 कुरिन्थियो 10:14

ऐ लागुन, ऐ मोचो लाड़रामन, मुरती पुजा ले बचु राआ।

1 कुरिन्थियो 11:21

कसनबल्लोने खातोर समया गोटक दुसर ले पयले आपलो भोज खाऊ आय, ऐ परकार कोनी तो भुके रऊ आय आउर कोनी मतवार होऊन जाऊ आय।

1 कुरिन्थियो 5:13

मान्तर बाहार बितामन चो नियाय माहापुरू करू आय। ऐईकाजे हुन कुकरमी के आपलो मंजी ले निकराऊन दिआस।

1 कुरिन्थियो 6:10

ना चोर, ना लोभीई, ना मतवार, ना झगड़ा करतो बिता, ना नशातो बितामन माहापुरू चो राज चो बेटा होदे।

1 कुरिन्थियो 6:6

तुमनमन ने भाई-भाई ने पेशी होऊ आय, आउर हुन बले बिश्वासिमन चो पुरे।

1 कुरिन्थियो 6:9

काय तुमी नी जानास कि अनियायी लोग माहापुरू चो राज चो हकदार नी होदे? धोका नी खाआ; ना बेश्यागामी, ना मुरती पुजा करू, ना दुसर चो बायले नेतो बिता, ना लुच, ना पुरूषगामी,

1 कुरिन्थियो 7:12

दुसरमन ले परबु नाई मान्तर मय ची बलेंसें, अगर कोनी भाई चो बायले बिश्वास नी संगाये आउर हुनचो संगे रतो ने हरिक होओ, तेबे हुन हुनके नी छांडो।

1 कुरिन्थियो 7:15

मान्तर जोन माने बिश्वास नी संगाये, अगर हुन अलगे होओ तो अलगे होऊक दिआस, असन दसा ने कोनी भाई नाहले भईन गांट ने निआत। माहापुरू आमके मिला-मिसा चो काजे हाग दिलो से।

1 कुरिन्थियो 8:11

ऐ रीति ले तुचो गिआन चो कारन हुन कमजोर भाई जेचो काजे मसीह मरलो, नष्ट होऊन जायेदे।

गलातियो 2:12

ऐईकाजे कि याकूब चो बाटले कितलो लोगमन चो ऐतोर पयले हुन दुसर जातिमन चो संगे खाते रलो, मान्तर जिदलदाय हुनमन ईला तेबे खतना करलो बितामन चो डर चो मारे हुन पाटे गुचुन गेलो आउर रेटे होऊक मुरयालो।

इफिसीयो 5:18

दाखरस ले मतवार नी बना, कसनबल्लोने ऐचो ले लुचपन होऊ आय, मान्तर आत्मा ले भरपूर होते जाआ,

इफिसीयो 5:5

कसनबल्लोने तुमी ऐ जानास कि कोनी बेबीचारी, नाहले अशुद्ध लोग, नाहले लोभीई माने चो, जोन मुरती पुजा चो बराबर आय, मसीह आउर माहापुरू चो राज ने हक निआय।

कुलुस्सियो 3:5

ऐईकाजे आपलो हुन धड़मन के मारून दिआस जोन धरतनी थाने आसे, बल्लोने बेबीचार, अशुद्धता, खराप बिचारमन खराप लालच आउर लोभ के जोन मुरती पुजा चो बराबर आय।

2 थिस्सलुनीकियो 3:14

अगर कोनी आमचो ऐ चिठ्ठी चो गोठ के नी मानोत तेबे हुनचो उपरे नजर संगावा, आउर हुनचो संगती नी करा, जेचो ले हुन लाजे होओ।

2 थिस्सलुनीकियो 3:6

हे भाईमन, आमी तुमके आमचो परबु ईशु मसीह चो नाव ले हुकुम देऊँ से कि तुमी हरकोनी असन भाई ले अलग राआ जोन खराप चाल चलु आय आउर जोन सिक्या हुन आमचो ले पावलो हुनचो अनुसार नी करे।

1तीमुथियुस 3:3

मतवार नाहले मारपेट करतो बिता नी होओ; मान्तर कोमल होओ, आउर ना झगड़ाहा, आउर ना धन चो लालची होओ।

1तीमुथियुस 6:5

आउर हुन मानेमन ने फकाहा झगड़ा-डण्ड उपजास होऊ आय जोनमन चो बुद्धि नसुन गेली से, आउर हुनमन सत ले अलग होऊन गेला से, जोन समजे सोत कि भक्ति कमाई चो बाट आय।

2 यूहन्ना 1:10

अगर कोनी तुमचो लगे ऐओ आउर ऐई सिक्या नी देओ, हुनके न तो घर ने ऐऊक दिआस आउर न जुहार करा।

प्रकाशितवाक्य 2:14

“मान्तर मोके तुचो बिरूद काई गोठमन बोलतोर आसे, कसनबल्लोने तुचो थाने कितलो असन आसोत, जोन बिलाम चो सिक्या के मानु आत, जोन बालाक के इस्राएलीमन चो पुरे ठोकरना चो कारन संगाऊक सिकालो कि हुनमन मुरतीमन थाने चेगालो बिती तीजमन खाओत आउर बेबीचार करोत।”

प्रकाशितवाक्य 2:20

“मान्तर मोके तुचो बिरूद ऐ बोलतोर आय कि तुय हुन बायले लेकी इजेबेल के रऊक देऊ आस जोन आपन खुद के अगम गिआनीन बोलु आय, आउर मोचो दासमन के बेबीचार करतोर आउर मुरतीमन चो पुरे चेगालो बिती जातिमन खातोर सिकाऊन भाती भरमाऊ आय।”

प्रकाशितवाक्य 21:8

“मान्तर डराहामन, आउर अबिश्वासीमन, आउर घिन-घिनामन, आउर हत्यारामन आउर बेबीचारीमन, आउर पंगनाहामन, आउर मुरती पुजा करूमन, आउर सपाय फंदीमन चो भाग हुन झील ने मिरे दे जोन आईग आउर गन्धक ले जरते रऊ आय: ऐ दुसर मरना आय।”

प्रकाशितवाक्य 22:15

मान्तर कुकूरमन, आउर पंगनाहामन, आउर बेबीचारी, आउर हत्यारा आउर मुरती पुजा करू, आउर हरकोनी फंद के चाहतो बिता आउर गड़तो बिता बाहरे रये दे।