1 कुरिन्थियो 4:17 - Halbi

¹⁷ ऐईकाजे मय तीमुथियुस के जोन परबु ने मोचो लाड़रा आउर बिश्वास लायक बेटा आय, तुमचो लगे पठाले से। हुन तुमके मसीह ने मोचो गुन सुरता कराये दे, जसन कि मय हर जगा हरकोनी कलीसिया ने उपदेश करू आय।

परमेस्वर को सच्चो वचन ख जाननू

¹⁷ एकोलाने मन तीमुथियुस ख जो प्रभु म मोरो अच्छो दोस्त अऊर विस्वास लायक पोरिया हैं, तुमारो पास भेजो हैं। उ तुम ख यीसु मसी म मोरो आचरन याद करूँ, जसो कि म हर जगह हर एक कलीसिया म सिक्छा लाऊ।

1 कुरिन्थियो 4:17 ပူးပေါင်းရင်းမြစ်များ

मत्ती 24:45

“आउर हुन बिश्वास लायक आउर अकल बिता दास कोन आय, जोन के मालिक आपलो नवकर चाकरमन उपरे सरदार ठेबालो कि समया ने हुनमन के भात देओ?

मत्ती 25:21

हुनचो मालिक हुनचो ले बल्लो, ‘धन्य, हे अच्छा आउर बिश्वास लायक दास, तुय खिन्डिक ने बिश्वास लायक रलीस; मय तुके खुबे तीजमन चो अधिकारी बनायेंदें। आपलो मालिक चो हरिक ने सामिल हो।’”

मत्ती 25:23

हुनचो मालिक हुनचो ले बल्लो, ‘धन्य, हे अच्छा आउर बिश्वास लायक दास, तुय थोड़े ने बिश्वास लायक रलीस; मय तुके खुबे तीजमन चो अधिकारी बनायें दें। आपलो मालिक चो हरिक ने सामिल हो।’”

प्रेरितो 16:1

फेर हुन दिरबे आउर लुस्त्रा ने बले गेलो। हुता तीमुथियुस नाव चो गोटक चेला रलो, जोन कोनी बिश्वासी यहूदीनी चो बेटा रलो, मान्तर हुनचो बुआ यूनानी रलो।

1 कुरिन्थियो 11:16

मान्तर अगर कोनी झगड़ा करूक चाह ले, तेबे ऐ जानो कि ना आमचो आउर ना माहापुरू चो कलीसियामन चो असन रीति आय।

1 कुरिन्थियो 11:2

हे भाईमन, मय तुमके सहरायें से कि सपाय गोठमन ने तुमी मोके सुरता करू आहास; आउर जोन रीति रिवाज मय तुमके सोपले से, हुनचो पालन करू आस।

1 कुरिन्थियो 11:34

अगर कोनी भुके होओ तो आपलो घर ने खाओ, जेचो ले तुमचो रूंड़ा होतोर डण्ड चो कारन नी होओ। बाकी गोठ के मय ऐऊन भाती अच्छा करेंदे।

1 कुरिन्थियो 14:33

कसनबल्लोने माहापुरू गड़बड़ी चो नुआय, मान्तर शान्ति चो माहापुरू आय। जसन पवितर लोगमन चो सपाय कलीसियामन ने आसे।

1 कुरिन्थियो 16:1

अदायं हुन चांदा चो बारे ने जोन पवितर लोगमन काजे करा जाऊ आय जसन हुकुम मय गलातिया चो कलीसियामन के दिले, असने ची तुमी बले करा।

1 कुरिन्थियो 16:10

अगर तीमुथियुस ऐऊन जाओ, तेबे दका कि हुन तुमचो थाने निडर रओ; कसनबल्लोने हुन मोचो असन परबु चो कामकरू आय।

1 कुरिन्थियो 4:14

मय तुमके लाज करतो काजे ऐ गोठमन नी लिके, मान्तर आपलो लाड़रा लेका जानुन भाती तुमके जनायें से।

1 कुरिन्थियो 4:15

कसनबल्लोने अगर मसीह ने तुमचो सिकातो बिता दस हजार बले होता, तेबले बले तुमचो बुआ खुबे असन निआत, ऐईकाजे कि मसीह ईशु ने नगतखबर चो दुवारा मय तुमचो बुआ होले।

1 कुरिन्थियो 4:2

फेर ऐथा भण्डारी ने ऐ गोठ दका जाऊ आय कि हुन बिश्वास लायक होओ।

1 कुरिन्थियो 7:17

जसन परबु हरकोनी के बाटलो से, आउर जसन माहापुरू हरकोनी के हाग दिलो से, असने ची हुन चलो। मय सपाय कलीसियामन ने असने ची ठेबायें से।

1 कुरिन्थियो 7:25

कुंआरीमन चो बारे ने परबु चो काई हुकुम मोके नी मिरली, मान्तर बिश्वास लायक होतोर काजे जसन दया परबु मोचो उपरे करलो से, हुनचेई अनुसार सहमती देयें से।

2 कुरिन्थियो 8:18

आमी हुनचो संगे हुन भाई के बले पठालु से जेचो नाव नगतखबर चो बारे ने सपाय कलीसियामन ने फयली से;

इफिसीयो 6:21

तुखिकुस, जोन लाडरा भाई आउर परबु ने बिश्वास लायक सेवक आय, तुमके सपाय गोठमन सांगे दे कि तुमी बले मोचो हाल जाना कि मय कसन रऊँ आंय।

फिलिप्पियो 2:19

मोके परबु ईशु ने आशा आसे कि मय तीमुथियुस के तुमचो लगे तुरते पटायेंदें; बल्ले तुमचो हाल सुनुन भाती मोके शान्ति मिरो।

फिलिप्पियो 2:22

मान्तर हुनमन के तो तुमी परकलास आउर जानुन बले गेलासास कि जसन बेटा बुआ चो संगे करू आय, असने ची हुन नगतखबर चो फयलातो ने मोचो संगे मसागत करला।

कुलुस्सियो 1:7

हुनचो सिक्या तुमी आमचो लाड़रा संगे कामकरू इपफ्रास ले पावलास, जोन आमचो काजे मसीह चो बिश्वास लायक सेवक आय।

कुलुस्सियो 4:9

हुनचो संगे मय उनेसिमुस के बले पठाले से जोन बिश्वास लायक आउर लाड़रा भाई आउर तुमचेई ले आय; ऐमन तुमके ऐथा चो सपाय गोठमन के सांगुन देदे।

1तीमुथियुस 1:18

हे बेटा तीमुथियुस, हुन अगम गोठमन चो अनुसार जोन पयले तुचो बारे ने कराय जाऊ रली, मय ऐ हुकुम सोपें सें कि तुय हुनमन चो अनुसार अच्छा लड़ीई के लड़ते रा,

1तीमुथियुस 1:2

तीमुथियुस चो नाव जोन बिश्वास ने मोचो सत बेटा आय: बुआ माहापुरू, आउर आमचो परबु मसीह चो बाटले तुके अनुग्रह, आउर दया आउर शान्ति मिरते रओ।

2 तीमुथियुस 1:2

लाड़रा बेटा तीमुथियुस चो नाव। माहापुरू बुआ आउर आमचो परबु मसीह ईशु चो बाटले तुके अनुग्रह आउर दया आउर शान्ति मिरते रओ।

2 तीमुथियुस 2:2

आउर जोन गोठमन तुय खुबे असन गोहईमन चो पुरे मोचो ले सुनली सीस, हुनमन के बिश्वासी मानेमन के सोपुन देस; जोन दुसर के बले सिकातोर लायक होओ।

2 तीमुथियुस 3:10

मान्तर तुय उपदेश, चाल-चलन, मनसा, बिश्वास, सयनशक्ति, मया, धीरज आउर कन्दराया जातोर, आउर दुख उठातो ने मोचो सात दिलीस;

तीतुस 1:5

मय ऐईकाजे तुके क्रेते ने छांडुन ऐऊन रले कि तुय बाकी गोठमन के सुधार, आउर मोचो हुकुम चो अनुसार नंगर-नंगर सियानमन के नियुक्त करो।

प्रकाशितवाक्य 2:10

“जोन दुक तुके झेलुक होयदे, हुनचो ले नी डर। कसनबल्लोने दका, शयतान तुमनमन ले कितलो के जयलघर ने डालतो थाने आसे बल्ले तुमी परका जाआ, आउर तुमके दस दिन ले कलेश उठाऊक पढ़ेदे। जीव देओत ले बिश्वासी रा, तेबे मय तुके जीवना चो मुकुट देयेंदे।”

प्रकाशितवाक्य 2:13

“मय ऐ जाने कि तुय हुता रऊ आस जोन थाने शयतान चो सिंघासन आसे; तुय मोचो नाव थाने थीर रऊ आस, आउर मोचो उपरे बिश्वास करतो ले हुन दिनमन ने बले पाटकुती नी गुचलीस जोनमन ने मोचो बिश्वास लायक गोहई अन्तिपास, तुमचो मंजी हुन जगा थाने घात करा गेलो जोन थाने शयतान रऊ आय।”