1 कुरिन्थियो 4:15 - Halbi

¹⁵ कसनबल्लोने अगर मसीह ने तुमचो सिकातो बिता दस हजार बले होता, तेबले बले तुमचो बुआ खुबे असन निआत, ऐईकाजे कि मसीह ईशु ने नगतखबर चो दुवारा मय तुमचो बुआ होले।

परमेस्वर को सच्चो वचन ख जाननू

¹⁵ काहेकि यदि मसी म तुमारो सीखान वालो दस हजार भी हो, ते तब भी तुमारो बाप बेजा से नी; एकोलाने कि मसी यीसु म सुसमाचार ख व्दारा म तुमारो बाप हुयो हैं।

1 कुरिन्थियो 4:15 ပူးပေါင်းရင်းမြစ်များ

रोमियो 15:20

मान्तर मोचो मन चो उदुम ऐ आय कि जहांय-जहांय मसीह चो नाव नी धराय गेली, हुनी थाने नगतखबर सुनायें, असन नी होओ कि दुसर चो पाया थाने घर बनाये।

1 कुरिन्थियो 1:30

मान्तर हुनचेई बाटले तुमी मसीह ईशु ने आसास, जोन माहापुरू चो बाटले आमचो काजे गिआन थेबलो, बल्लोने धरम, आउर पवितरता, आउर छुटकारा;

1 कुरिन्थियो 15:1

हे भाईमन, अदायं मय तुमके हुनी नगतखबर सांगे से जोन पयले सुनान चुकले से, जोन के तुमी अंगीकार बले करू राआस आउर जोन थाने तुमी थीर बले आसास।

1 कुरिन्थियो 3:10

माहापुरू चो हुन अनुग्रह चो अनुसार जोन मोके दिया गेली, मय अकल बितामन राजमिस्त्रीमन चो समान पाया डालले, आउर दुसर हुन थाने रदा संगाऊ आय। मान्तर हरकोनी माने चलाक रओ कि हुन हुन थाने कसन रदा संगाय से।

1 कुरिन्थियो 3:6

मय लगाले, अपुल्लोस सींचलो, मान्तर माहापुरू बड़ालो।

1 कुरिन्थियो 3:8

लगातो बिता आउर सींचतो बिता दुनो गोटक आत; मान्तर हरकोनी माने आपलो ची मसागत चो अनुसार आपलो ची भुती पाये दे।

1 कुरिन्थियो 9:12

जिदलदाय दुसरमन चो तुमचो उपरे ऐ अधिकार आसे, तेबे काय आमचो ऐचो ले आगर नी होयेदे? मान्तर आमी ऐ अधिकार काम ने नी आनलु; मान्तर सपाय काई सहु आंव कि आमचो बाटले मसीह चो नगतखबर ने काई अड़चन नी होओ।

1 कुरिन्थियो 9:14

ऐई रीति ले परबु बले ठेबालो कि जोन लोग नगतखबर सुनाऊ आत, हुनमन चो जीवना नगतखबर ले होओ।

1 कुरिन्थियो 9:16

अगर मय नगतखबर सुनायेंदें, तो मोचो काजे काई घमण्ड चो गोठ नुआय; कसनबल्लोने ऐ तो मोचो काजे जरूरी आय। अगर मय नगतखबर नी सुनायें, तो मोचो उपरे हाय!

1 कुरिन्थियो 9:18

तो मोचो काय भुती आय? ऐ कि नगतखबर सुनातो ने मय मसीह चो नगतखबर सेंत मेंत करून देये ऐथा ले कि नगतखबर ने जोन मोचो अधिकार आसे हुनके बले मय पुरा रीति ले काम ने नी आने।

1 कुरिन्थियो 9:23

मय ऐ सपाय काई नगतखबर चो काजे करू आंय कि दुसरमन चो संगे हुनमन चो भागी होऊन जायें।

2 कुरिन्थियो 4:5

कसनबल्लोने आमी आपन चो नाई, मान्तर मसीह ईशु चो परचार करू आंव कि हुन परबु आय; आउर आपलो बारे ने ऐ बोलु आंव कि आमी ईशु चो लागुन तुमचो सेवक आंव।

गलातियो 3:24

ऐईकाजे नियम मसीह लगले पहुँचातो काजे आमचो गुरजी होलो से कि आमी बिश्वास ले धरमी ठेबु।

गलातियो 3:25

मान्तर जिदलदाय बिश्वास ऐऊन चुकली, तेबे आमी गुरजी चो अधीन नी रलु।

गलातियो 4:19

हे मोचो लेकामन, जिदलदाय ले तुमचो ने मसीह चो रूप नी बनुन जाये, हुदलदाय ले मय तुमचो काजे फेर जनमा लो असन दुकामन सहु आंय।

2 तीमुथियुस 4:3

कसनबल्लोने असन समया ऐये दे जिदलदाय लोग खर उपदेश के नी सहुक सक दे, मान्तर कानमन चो खजरी चो लागुन आपलो इच्छामन चो अनुसार आपलो काजे खुबे असन उपदेश देऊ सकल दे,

तीतुस 1:4

तीतुस चो नाव, जोन बिश्वास चो संगती चो बिचार ले मोचो सत बेटा आय: माहापुरू बुआ आउर आमचो मुक्तिकरू मसीह ईशु चो बाटले तुके अनुग्रह आउर शान्ति मिरते रओ।

फिलेमोन 1:19

मय पौलुस आपलो हाथ ले लिकेंसे कि मय खुद भरून देयेंदे; आउर ऐचो बोलतोर काई जरूरत निआय कि मोचो लागा जोन तुचो उपरे आसे हुन तुय ची आस।

याकूब 1:18

हुन आपलो ची इच्छा ले आमके सत चो बचन चो दुवारा उपजास करलो, बल्ले आमी हुनचो बनालो बिती तीजमन थानले गोटक परकार चो पईल फर होऊ।

1 पतरस 1:23

कसनबल्लोने तुमनमन नाशवान नाई मान्तर अविनाशी बीज ले, माहापुरू चो जीवता आउर हरमेशा ठेबतो बिती बचन चो दुवारा नवा जनम पावलासास।