1 कुरिन्थियो 3:5 - Halbi

⁵ अपुल्लोस काय आय? आउर पौलुस काय आय? मात्र सेवक, जेचो दुवारा तुमी बिश्वास करलास, जसन हरकोनी के परबु दिलो।

परमेस्वर को सच्चो वचन ख जाननू

⁵ अपुल्लोस कोन आय? अऊर पोलुस कोन आय? अकलो सेवक, जीन ख व्दार तुम न विस्वास करियो हतो, ते हर एक ख प्रभु न दियो हतो।

1 कुरिन्थियो 3:5 ပူးပေါင်းရင်းမြစ်များ

मत्ती 25:15

हुन गोटक के पांच तोड़ा, दुसर के दुय, आउर तीसर के गोटक; बल्लोने हरकोनी के हुनचो सामरत चो अनुसार दिलो, आउर तेबे परदेश गेलो।

लूका 1:2

जसन कि हुनमन जोन पईल ले ची ऐ गोठमन चो दकतो बितामन आउर बचन चो सेवकमन रवत, आमचो लगे पोंचाला।

यूहन्ना 3:27

यूहन्ना जबाप दिलो, “जिदलदाय ले माने के सरग ले नी दिया जाये, तेबे तक हुन काई नी पाऊक सके।

प्रेरितो 18:24

अपुल्लोस नाव चो गोटक यहूदी, जेचो जनम सिकन्दरिया ने होऊ रली, जोन पण्डित माने रलो आउर पवितर शास्त्र के अच्छा ढंग ले जानते रलो, इफिसुस ने ईलो।

प्रेरितो 19:1

जिदलदाय अपुल्लोस कुरिन्थुस ने रलो, तेबे पौलुस उपर चो सपाय परदेश ले होऊन भाती इफिसुस ने ईलो। हुता खिन्डिक चेलामन के दकुन भाती

रोमियो 15:16

कि मय दुसर जातिमन चो काजे मसीह ईशु चो सेवक होऊन भाती माहापुरू चो नगतखबर चो सेवक याजक चो समान करे, जेचो ले दुसर जातिमन चो माना चेगाया जातोर, पवितर आत्मा ले पवितर बनुन भाती गरहन कराय जाओ।

1 कुरिन्थियो 12:28

आउर माहापुरू कलीसिया ने अलग-अलग माने तिआर करलो से; पयला पठालोबिता, दुसर अगम गिआनी, तीसर गुरजी, फेर सामरत चो काम करतो बितामन, फेर चेंगा करतो बितामन, आउर उपकार करतो बितामन, आउर जुगाड़ करतो बितामन, आउर नाना परकार चो भाषा बोलतो बितामन।

1 कुरिन्थियो 16:12

भाई अपुल्लोस ले मय खुबे बिनती करले से कि तुमचो लगे भाईमन चो संगे जाओ; मान्तर हुन ऐ समया जातोर काई बले इच्छा नी करलो, मान्तर जिदलदाय मवका पाऐ दे तेबे ऐऊन जाये दे।

1 कुरिन्थियो 3:10

माहापुरू चो हुन अनुग्रह चो अनुसार जोन मोके दिया गेली, मय अकल बितामन राजमिस्त्रीमन चो समान पाया डालले, आउर दुसर हुन थाने रदा संगाऊ आय। मान्तर हरकोनी माने चलाक रओ कि हुन हुन थाने कसन रदा संगाय से।

1 कुरिन्थियो 3:22

काय पौलुस, काय अपुल्लोस, काय कयफा, काय जगत, काय जीवना, काय मरना, काय वर्तमान, काय अगम, सपाय काई तुमचो आय,

1 कुरिन्थियो 3:7

ऐईकाजे ना तो लगातो बिता काई आय आउर ना सींचतो बिता, मान्तर माहापुरू ची सपाय काई आय जोन बड़ाऊ बिता आय।

1 कुरिन्थियो 9:17

कसनबल्लोने अगर आपलो इच्छा ले ऐ करें से तेबे भुती मोके मिरे से, आउर अगर आपलो इच्छा ले नी करे तेबले बले भण्डारीपन मोके सोपा गेली से।

2 कुरिन्थियो 11:23

काय हुनीमन ची मसीह चो सेवक आत मय बया चो असन बलें सें मय हुनमन ले बडुन भाती आंय! खुबे मसागत करलो ने; घन-घन कयद होतोर ने; कोड़ा खातोर ने; घन-घन मरना चो खतरामन ने।

2 कुरिन्थियो 3:3

ऐ परकट आय कि तुमी मसीह चो चिठ्ठी आस, जोन के आमी सेवा करूमन चो असन लिकलु, आउर जोन सीआई ले नाई मान्तर जीवता माहापुरू चो आत्मा ले, पकना चो पटटीमन थाने नाई, मान्तर मन चो मास रूपी पट्टीमन थाने लिकलोर आसे।

2 कुरिन्थियो 3:6

जोन आमके नवा बायदा चो सेवक होतोर लायक बले करलो, शब्द चो सेवक नाई मान्तर आत्मा चो; कसनबल्लोने शब्द मारू आय, मान्तर आत्मा जिआऊ आय।

2 कुरिन्थियो 4:1

ऐईकाजे जिदलदाय आमचो उपरे असन दया होली कि आमके ऐ सेवा मिरली, तेबे आमी हिम्मत नी छांडु।

2 कुरिन्थियो 4:5

कसनबल्लोने आमी आपन चो नाई, मान्तर मसीह ईशु चो परचार करू आंव कि हुन परबु आय; आउर आपलो बारे ने ऐ बोलु आंव कि आमी ईशु चो लागुन तुमचो सेवक आंव।

2 कुरिन्थियो 4:7

मान्तर आमचो लगे हुन धन माटी चो भण्डवामन ने संगालोर आसे कि ऐ असीम सामरत आमचो बाटले नाई, मान्तर माहापुरू चो बाटले ठेबो।

2 कुरिन्थियो 5:18

ऐ सपाय गोठमन माहापुरू चो बाटले आय, जोन मसीह चो दुवारा आपलो संगे आमचो मिला-मिसा करलो, आउर मिला-मिसा चो सेवा आमके सोपुन दिलोसे।

2 कुरिन्थियो 6:1

आमी जोन माहापुरू चो संगे कामकरू आंव ऐ बले समजु आंव कि हुनचो अनुग्रह जोन तुमचो उपरे होली, हुनके फकाहा नी जाऊक दिआस।

2 कुरिन्थियो 6:4

मान्तर हर गोठ ले माहापुरू चो सेवकमन चो असन आपलो सदगुणमन के परकट करू आत, बड़े धीरज ले, कलेशमन ले, दरिदरता ले, संकटमन ले,

इफिसीयो 3:7

मय माहापुरू चो अनुग्रह चो हुन दान चो अनुसार, जोन हुनचो सामरत चो असर चो अनुसार मोके दिया गेली, हुन नगतखबर चो सेवक बनले।

कुलुस्सियो 1:23

अगर तुमी बिश्वास चो पाया थाने जमखम बनुन राहा आउर हुन नगतखबर चो आशा के जोन के तुमी सुनलासास नी छांडा, जेचो परचार बादरी चो खाले चो पूईतराय बरमाण्ड ने कराय गेली, आउर जेचो मय, पौलुस, सेवक बनले।

कुलुस्सियो 1:25

जेचो मय माहापुरू चो हुन जुगाड़ चो अनुसार सेवक बनले जोन तुमचो काजे मोके सोपला, बल्ले मय माहापुरू चो बचन के पुरा-पुरा परचार करें।

1तीमुथियुस 1:12

मय आपलो परबु मसीह ईशु चो जोन मोके सामरत दिलो से, धन्यबाद करें से कि हुन मोके बिश्वास लायक समजुन भाती आपलो सेवा चो काजे ठेबालो।

1 पतरस 4:10

जेके जोन बर मिरली से, हुन हुनके माहापुरू चो नाना परकार चो अनुग्रह चो अच्छा भण्डारीमन चो असन गोटक दुसर चो सेवा ने लगाआ।