1 कुरिन्थियो 3:13 - Halbi

¹³ तेबे हरकोनी चो काम परकट होऊन जाय दे; कसनबल्लोने हुन दिन हुनके सांगे दे, ऐईकाजे कि आईग चो संगे परकट होये दे आउर हुन आईग हरकोनी चो काम जाचे दे कि कसन आय।

परमेस्वर को सच्चो वचन ख जाननू

¹³ ते हर एक ख काम दिख जा हे; काहेकि उ दिन ओ ख बताएगो, एकोलाने कि सामने का संग दिखो जाहे अऊर उ सामने हर एक ख काम कि परखो होय कि कसो हैं।

1 कुरिन्थियो 3:13 ပူးပေါင်းရင်းမြစ်များ

मत्ती 10:15

मय तुमचो ले सते बलेंसें कि नियाय चो दिने हुन नंगर चो हाल ले सदोम आउर अमोरा चो देश चो हाल खुबे कटलातो लायक होयदे।”

मत्ती 16:27

माने चो बेटा आपलो सरग दूतमन चो संगे आपलो बुआ चो महिमा ने ऐये दे, आउर हुन समया ‘हुन हरकोनी के हुनचो काम चो पुरती करलो फल देयेदे।’

लूका 2:35

मान्तर तुचो जीव बले खंडा ले ऐ पाट हुनपाट छेदा जाय दे ऐचो ले खुबेमन चो मन चो बिचार उजागर होये दे।”

रोमियो 2:16

जोन दिने माहापुरू मोचो नगतखबर चो असन ईशु मसीह चो बाटले मानेमन चो गुपत गोठमन चो नियाय करेदे।

रोमियो 2:5

मान्तर तुय आपलो कठर टेकाहा मन चो लागुन हुनचो रीस चो दिन चो काजे, जोन थाने माहापुरू चो सत नियाय उजागर होयेदे, आपलो काजे रीस कमाय सीस।

1 कुरिन्थियो 1:8

हुन तुमके आखरी तक जमखम बले करें दें कि तुमी आमचो परबु ईशु मसीह चो दिन ने बेकसूर ठेबा।

1 कुरिन्थियो 3:12

अगर कोनी ऐ पाया थाने सोना नाहले चाँदी नाहले बड़े मोल पकना नाहले काट नाहले लाटा नाहले बुटा चो रदा संगा ओ,

1 कुरिन्थियो 4:5

ऐईकाजे जिदलदाय दाय ले परबु नी ऐये, समया ले पयले कोनी गोठ चो नियाय नी करा: हुनी अंधार चो लुकलो गोठमन उजर ने दकाय दे, आउर मनमन चो बिचारमन के परकट करे दे, तेबे माहापुरू चो बाटले हरकोनी चो बड़ाई होये दे।

2 तीमुथियुस 1:12

ऐई लागुन मय ऐ दुखमन के बले उठायें सें, मान्तर लाज नी होयें, कसनबल्लोने मय हुनके जेचो उपरे मय बिश्वास करले से जाने; आउर मोके तय आसे कि हुन मचो अमानत चो हुन दिन ले राका करूक सके।

2 तीमुथियुस 1:18

परबु करो कि हुन दिने हुनचो उपरे परबु चो दया होओ-आउर जोन-जोन सेवा हुन इफिसुस ने करलो से हुनमन के बले तुय नुकु-नुकु जानीस।

2 तीमुथियुस 3:9

मान्तर हुनमन ऐचो ले पयले नी बडूक सकोत, कसनबल्लोने जसन हुनमन चो अगिआनता सपाय मानेमन चो थाने परकट होऊन जाऊ रये, असने ची ऐ मन चो बले होऊन जाये दे।

2 तीमुथियुस 4:8

अगम ने मोचो काजे धरम चो हुन मुकुट संगालोर आसे, जेके परबु जोन धरमी आउर नियायी आय, मोके हुन दिने देये दे, आउर मोके ची नाई मान्तर हुन सपाय के बले जोन हुनचो परकट होतो के लाड़ जानु आत।

इब्रानियो 10:25

आउर गोटक दुसर चो संगे रूंड़ा होऊक नी छांडु, जसन कि कितलोमन चो रीति आय मान्तर गोटक दुसर के समजाते रऊ; आउर जसन-जसन हुन दिन के लगे ऐतोर दका असने-असने आउर बले खुबे ऐ करते रहा।

1 पतरस 1:7

आउर ऐ ऐईकाजे आय कि तुमचो परकलो बिती बिश्वास, जोन आईग ले तपालो बिती नाश होतो बिती सोना ले बले कितलो आगर बड़े मोल आय, ईशु मसीह चो परकट होलो ने परशंसा आउर महिमा आउर मान चो कारन ठेबला।

1 पतरस 4:12

हे लाड़रामन, जोन दुख रूपी आईग तुमचो परकतो काजे तुमचो थाने भड़कली से, ऐचो ले ऐ समजुन भाती अकचकित नी करा कि कोनी भयंकर गोठ तुमचो उपरे बीते से।

2 पतरस 3:10

मान्तर परबु चो दिन चोर चो असन ऐये दे, हुन दिने बादरी बड़े घुड़-घुड़ चो शब्द ले जाते रये दे आउर तत्व खुबे ची तपुन भाती गलुन जादे आउर धरतनी आउर हुन थानचो काम जरून जाय दे।

2 पतरस 3:7

मान्तर ऐबे जुग ने बादरी आउर धरतनी हुनी बचन चो दुवारा ऐईकाजे संगाया गेली से कि जराया जाओ; आउर ऐ भगतहीन मानेमन चो नियाय आउर नष्ट होतोर दिन ले असने ची संगाऊन रदे।

प्रकाशितवाक्य 20:12

फेर मय नानी बड़े सपाय मरलो बितामन के सिंघासन चो पुरे उबा होलोर दकले, आउर किताबमन खोला गेली; आउर फेर गोटक किताब खोला गेली, बल्लोने जीवना चो किताब; आउर जसन हुन किताबमन ने लिकलोर रली, असने ची हुनमन चो काममन चो अनुसार मरलो बितामन चो नियाय करा गेली।