1 कुरिन्थियो 3:10 - Halbi

¹⁰ माहापुरू चो हुन अनुग्रह चो अनुसार जोन मोके दिया गेली, मय अकल बितामन राजमिस्त्रीमन चो समान पाया डालले, आउर दुसर हुन थाने रदा संगाऊ आय। मान्तर हरकोनी माने चलाक रओ कि हुन हुन थाने कसन रदा संगाय से।

परमेस्वर को सच्चो वचन ख जाननू

¹⁰ परमेस्वर ख ओकी दया का अनुसार जो मोखा दियो गयो, मी न हुसयार मिस्री का सामने नीव डाली, अऊर दूसरो ओ पर पर रदा रख्य हैं पर हर एक अदमी हुसयार रैय कि उ ओ पर कसो रदा रख हैं।

1 कुरिन्थियो 3:10 ပူးပေါင်းရင်းမြစ်များ

मत्ती 24:45

“आउर हुन बिश्वास लायक आउर अकल बिता दास कोन आय, जोन के मालिक आपलो नवकर चाकरमन उपरे सरदार ठेबालो कि समया ने हुनमन के भात देओ?

मत्ती 7:24

“ऐईकाजे जोन कोनी मोचो ऐ गोठमन सुनुन भाती हुनमन के मानु आय, हुन-हुन अकल बिता मनुक चो असन ठेबेदे जोन आपलो घर पकना थाने बनालो।

लूका 11:35

ऐईकाजे तिआर राआ कि जोन उजर तुचो थाने आसे हुन अंधार नी होऊन जाओ।

लूका 21:8

हुन बल्लो, “तिआर राहा कि भरमाया नी जाआ, कसनबल्लोने खुबे असन मोचो नाव ले ऐऊन भाती बोल दे, ‘मय हुनी आंय,’ आउर ऐ बले कि, ‘समया लगे अमरली से।’ तुमी हुनमन चो पाट-पाट नी जाआ।

प्रेरितो 18:27

जिदलदाय हुन तय करलो कि हुनपाट उतरून भाती अखाया चो बाटे जाओ तेबे भाईमन हुनके हिम्मत देऊन भाती चेलामन के लिकला कि हुनमन हुनके अच्छा ढंग ले मिलोत; आउर हुन हुता पोंचुन भाती हुन लोगमन चो बड़े सायता करलो जोनमन अनुग्रह चो लागुन बिश्वास करू रला।

रोमियो 1:5

हुनचो बाटले आमके अनुग्रह आउर पठालोबिता चो काम मिरली कि हुनचो नाव चो कारन सपाय जातिमन चो लोग बिश्वास करून हुनचो मानोत,

रोमियो 12:3

कसनबल्लोने मय हुन अनुग्रह चो कारन जोन मोके मिरली से, तुमचो थानले हरकोनी के बलें सें कि जसन समजातोर जरूरी आय हुनचो ले बडुन भाती कोनी बले आपन खुद के नी समजो; मान्तर जसन माहापुरू हरकोनी के बिश्वास सबुत चो अनुसार बाटुन दिलो से, असने ची सुअकल चो संगे खुद के समजो।

रोमियो 15:15

तेबले बले मय काहांय-काहांय सुरता दियातो काजे तुमके जोन खुबे साहास करून लिकले। ऐ हुन अनुग्रह चो लागुन होली जोन माहापुरू मोके दिलो से,

रोमियो 15:20

मान्तर मोचो मन चो उदुम ऐ आय कि जहांय-जहांय मसीह चो नाव नी धराय गेली, हुनी थाने नगतखबर सुनायें, असन नी होओ कि दुसर चो पाया थाने घर बनाये।

1 कुरिन्थियो 3:11

कसनबल्लोने हुन पाया के छांडुन जोन पढ़ली से, आउर हुन ईशु मसीह आय, कोनी दुसर पाया नी डालुक सके।

1 कुरिन्थियो 9:2

अगर मय दुसरमन चो काजे पठालोबिता नुआय, तेबले बले तुमचो काजे तो आंय; कसनबल्लोने तुमी परबु ने मचो पठालो बिती थाने छाप आहास।

2 कुरिन्थियो 10:15

आमी संदी ले बाहरे दुसर चो मसागत थाने घमण्ड नी करूं; मान्तर आमके आशा आसे कि जसन-जसन तुमचो बिश्वास बाड़ते जाय दे असने-असने आमी आपलो संदी चो अनुसार तुमचो लागुन आउर बले बड़ते जांवा।

इफिसीयो 2:20

आउर पठालोबिता आउर अगम गिआनीमन चो पाया थाने, जेचो कोना चो पकना मसीह ईशु खुद ची आय, बनाया गेलासास।

कुलुस्सियो 1:29

ऐचीई काजे मय हुनचो हुन शक्ति चो अनुसार जोन मोचो ने सामरत चो संगे असर करू आय, तनमन लगाऊन भाती मसागत बले करू आंय।

कुलुस्सियो 4:17

आउर अर्खिप्पुस ले बोला कि जोन सेवा परबु ने तुके सोपा गेली से, हुनके सावधानी चो संगे पुरा करा।

1 थिस्सलुनीकियो 3:2

आउर आमीमन तीमुथियुस के, जोन मसीह चो नगतखबर ने आमचो भाई आउर माहापुरू चो सेवाकरू आय, ऐईकाजे पठाले कि हुन तुमके थीर करो आउर तुमचो बिश्वास चो बारे ने तुमके समजाओ,

1तीमुथियुस 4:16

आपलो आउर आपलो उपदेश के तिआर संगाऊन। ऐ गोठमन थाने थीर रा, कसनबल्लोने अगर असन करते रसे तो तुय आपलो आउर आपलो सुनतो बितामन चो काजे बले मुक्ति चो कारन होसे।

2 तीमुथियुस 2:15

आपन खुद के माहापुरू चो गरहन लायक आउर असन काम करतो बिता ठेबातोर कोशिश कर, जोन लाज होऊक नी सको, आउर जोन सत चो बचन के अच्छा रीति ले काम ने आनु आय।

याकूब 3:1

हे मोचो भाईमन, तुमनमन ले खुबे उपदेशक नी बना, कसनबल्लोने जानेसास कि आमी उपदेशक आउर बले दोषी ठेबवां।

1 पतरस 4:11

अगर कोनी बोल दे, तो असन बोलो माना माहापुरू चो बचन आय; अगर कोनी सेवा करो, तो हुनी शक्ति ले करो जोन माहापुरू देऊ आय; जेचो ले सपाय गोठमन ने ईशु मसीह चो दुवारा, माहापुरू चो महिमा परकट होओ। महिमा आउर राजपाट जुग-जुग हुनचेई आय। आमीन।

2 पतरस 3:15

आउर आमचो परबु चो धीरज के मुक्ति समजा, जसन आमचो लाड़रा भाई पौलुस बले हुन गिआन चो अनुसार जोन हुनके मिरली, तुमके लिकलो से।

प्रकाशितवाक्य 21:14

नंगर चो बाड़ा चो बारा पायामन रली, आउर हुन थाने मेमना चो बारा पठालोबितामन चो बारा नाव लिकलोर रली।

प्रकाशितवाक्य 21:19

हुन नंगर चो पाँयामन हर परकार चो बड़े मोल चो पकनामन ले सजारलोर रली; पयला पाया यशब चो, दुसर पाया नीलमणि चो, तीसर लालड़ी चो, चवथा मरकत चो,