1 कुरिन्थियो 2:8 - Halbi

⁸ जेके ऐ संवसार चो हाकिममन थानले कोनी नी जानला, कसनबल्लोने अगर हुनमन जानता तो चमक परबु के कुरूस थाने नी चेगाता।

परमेस्वर को सच्चो वचन ख जाननू

⁸ जे से यू दुनिया को मुखिया हुन म से कोई न नी जानो, काहेकि यदि वी जान हैं ते महिमामय प्रभु ख सूली पर नी चढ़ा तो।

1 कुरिन्थियो 2:8 ပူးပေါင်းရင်းမြစ်များ

मत्ती 11:25

हुदलीदाय ईशु बल्लो, “हे बुआ, सरग आउर धरतनी चो परबु, मय तुचो धन्यबाद करेंसे कि तुय ऐ गोठमन के गिआनिमन आउर समजदारमन ले लुकाऊन संगालीस, आउर लेकामन उपरे उजागर करली सीस।

मत्ती 13:22

जोन लाटा बुटामन ने बुना गेली, ऐ हुन आय, जोन बचन के सुनु आय, मान्तर ऐ जगत चो चिन्ता आउर धन चो धोका बचन के चेपाऊ आय, आउर हुन फल नी आने।

लूका 23:34

तेबे ईशु बल्लो, “हे बुआ, ऐ मन के छमा कर, कसनबल्लोने ऐ नी जानोत कि काय कर सोत।” आउर हुनमन चिठ्ठीमन डालुन भाती हुनचो फटीई बाटला।

यूहन्ना 16:3

असन हुनमन ऐईकाजे कर दे कि हुनमन ना बुआ के जानला से आउर ना मोके जानोत।

यूहन्ना 7:48

काय सरदारमन नाहले फरीसीमन थानले कोनी बले हुनचो उपरे बिश्वास करला से?

यूहन्ना 8:19

हुनमन हुनचो ले बल्ला, “तुचो बुआ काहां आसे?” ईशु जबाप दिलो, “ना तुमी मोके जानास, ना मोचो बुआ के, अगर मोके जानतास तो मोचो बुआ के बले जानतास।”

प्रेरितो 13:27

कसनबल्लोने यरूशलेम चो रतो बितामन आउर हुनमन सरदारमन, ना हुनके चिताला आउर ना अगम गिआनीमन चो गोठमन समजला, जोन हर सब्त चो दिने पढ़ा जाऊ आय, ऐईकाजे हुनके दोषी ठेबाऊन भाती हुन गोठमन के पुरा करलो।

प्रेरितो 7:2

इस्त्फनुस बल्लो, “हे भाईमन, आउर बुआमन सुना। आमचो बुआ अब्राहाम हारान ने बसतो ले पयले जिदलदाय मेसोपोटामिया ने रलो; तेबे तेजमय माहापुरू हुनके दरशन दिलो।”

1 कुरिन्थियो 1:20

काहां रलो गिआन बिता? काहां रलो शास्तरी? काहां रलो ऐ संवसार चो झगड़ाहा? काय माहापुरू संवसार चो गिआन के मुरूकता नी ठेबालो?

1 कुरिन्थियो 2:6

फेर बले सिद्ध लोगमन ने आमी गिआन सुनु आंव, मान्तर ऐ संवसार चो आउर ऐ संवसार चो नाश होतो बितामन हाकिममन चो गिआन नुआय;

2 कुरिन्थियो 3:14

मान्तर हुनमन बया होऊन गेला, कसनबल्लोने आजी ले जुना नियम पढ़तो समया हुनमन चो मनमन थाने हुनी परदा पढु रऊ आय, मान्तर हुन मसीह ने उठून जाऊ आय।

इफिसीयो 1:17

कि आमचो परबु ईशु मसीह चो माहापुरू जोन महिमा चो बुआ आय, तुमके आपलो पयचान ने गिआन आउर उजर चो आत्मा देओ,

इफिसीयो 4:18

कसनबल्लोने हुनमन चो अकल अंधार होऊन गेली से, आउर हुन अगिआन चो लागुन जोन हुनमन थाने आसे आउर हुनमन चो मन चो कठर चो लागुन हुनमन माहापुरू चो जीवना ले अलग कराय गेलासे;

1तीमुथियुस 1:13

मय तो पयले निन्दा करतो बिता, आउर कन्दरातो बिता, आउर अंधेर करतो बिता रले; तेबले बले मोचो उपरे दया होली, कसनबल्लोने मय अबिश्वास चो दसा ने बिना समजुन बुजुन ऐ कामकरू रले।

याकूब 2:1

ऐ मोचो भाईमन आमचो महिमा युक्त परबु ईशु मसीह उपरे तुमचो बिश्वास भेद-भाव चो संगे नी होओ।