1 कुरिन्थियो 2:14 - Halbi

¹⁴ मान्तर शारीरिक माने माहापुरू चो आत्मा चो गोठमन गरहन नी करे, कसनबल्लोने हुनमन हुनचो नजर ने मुरूकता चो गोठमन आय, आउर ना हुन हुनमन के जानुक सके कसनबल्लोने हुनमन चो जाच आत्मिक रीति ले होऊ आय।

परमेस्वर को सच्चो वचन ख जाननू

¹⁴ पर दुनिया को अदमी हुन परमेस्वर कि आत्मा कि बात हुन मान नी करिये, काहेकि वी ओकी देखना म बेकार कि बात हैं, अर नी उ उन ख जान सक हैं काहेकि ओकी परख आत्मिक रीति से होए हैं।

1 कुरिन्थियो 2:14 ပူးပေါင်းရင်းမြစ်များ

मत्ती 16:23

हुन उलटुन भाती पतरस ले बल्लो, “हे शयतान, मोचो पुरे ले दूर हो! तुय मोचो काजे ठोकर चो कारन आस; कसनबल्लोने तुय माहापुरू चो गोठमन थाने नाई, मान्तर मानेमन चो गोठमन थाने मन लगाऊ आस।”

यूहन्ना 10:20

हुनमन ले खुबे असन बोलुक मुरयाला, “हुन थाने दुष्टआत्मा आसे, आउर हुन बया आय; हुनचो केंव सुने साहास?”

यूहन्ना 12:37

हुन हुनमन चो पुरे ईतलो चिना दकालो, तेबले बले हुनमन हुनचो उपरे बिश्वास नी करला;

यूहन्ना 14:17

बल्लोने सत चो आत्मा, जेके संवसार गरहन करूक नी सके, कसनबल्लोने हुन ना हुनके दकु आय आउर ना हुनके जाने से; तुमी हुनके जानास, कसनबल्लोने हुन तुमचो संगे रऊ आय, आउर हुन तुमचो ने होये दे।”

यूहन्ना 14:26

मान्तर सायक बल्लोने पवितर आत्मा जेके बुआ मोचो नाव ले पटाये दे, हुन तुमके सपाय गोठमन सिकाये दे, आउर जोन काई मय तुमचो ले बल्ले से, हुन सपाय तुमके सुरता कराये दे।”

यूहन्ना 15:26

मान्तर जिदलदाय सायता करू ऐये दे, जोन के मय तुमचो लगे बुआ चो बाटले पटायें दें, बल्लोने सत चो आत्मा जोन बुआ चो बाटले निकरू आय, तेबे हुन मोचो गोहई देये दे;

यूहन्ना 5:44

तुमी जोन गोटक दुसर ले मान चाहायसास आउर हुन मान जोन गोटक मात्र माहापुरू चो बाटले आय, नी चाहास, कोन परकार बिश्वास करूक सकास?

यूहन्ना 8:43

तुमी मोचो गोठ केंव नी समजास? ऐईकाजे कि तुमी मोचो बचन सुनुक नी सकास।

प्रेरितो 16:14

लुदिया नाव चो थुआथीरा नंगर चो बैंजनी फटीईमन बिकतो बिती गोटक भगत बायले लेकी सुनते रली। परबु हुनचो मन खोललो कि हुन पौलुस चो गोठमन थाने मन लगा ओ।

प्रेरितो 17:18

तेबे इपिकुरी आउर स्तोईकी दरशन दकुमन थानले कितलो हुनके तर्क करूक मुरयाला, आउर कितलो बल्ला, “ऐ टाबरी काय बोलुक मन करे से?” मान्तर दुसरमन बल्ला, “हुन दुसर देवमन चो परचार करू जान पड़े से” कसनबल्लोने हुन ईशु चो आउर जीव उठतोर नगतखबर सुनाते रलो।

प्रेरितो 17:32

मरलो बितामन चो जीव उठतोर गोठ सुनुन भाती कितलो तो मजाक उड़ाऊक मुरयाला, आउर कितरो बल्ला, “ऐ गोठ आमी तुचो ले फेर केबीई सुनवां।”

प्रेरितो 18:15

मान्तर अगर ऐ गोठ बात शब्दमन, आउर नावमन, आउर तुमचो थानो नियम चो बारे आय, तेबे तुमी ची जाना; कसनबल्लोने मय ऐ गोठमन चो नियायी नी बनुक मन करें से।

प्रेरितो 25:19

मान्तर हुनमन आपलो मत चो आउर ईशु नाव कोनी माने चो बारे ने, जोन मरून जाऊ रये आउर पौलुस हुनके जीवता सांगु रये, गोठ बात करते रवत।

1 कुरिन्थियो 1:18

कसनबल्लोने कुरूस चो कथा नाश होतो बितामन काजे मुरूकता आय, मान्तर आमी मुक्ति पावतो बितामन काजे माहापुरू चो सामरत आय।

1 कुरिन्थियो 1:21

कसनबल्लोने जिदलदाय माहापुरू चो गिआन चो अनुसार संवसार गिआन ले माहापुरू के नी जानलो, तेबे माहापुरू के ऐ अच्छा लागली कि ऐ परचार चो मुरूकता चो दुवारा बिश्वास करतो बितामन के मुक्ति देओ।

1 कुरिन्थियो 1:23

मान्तर आमी तो हुन कुरूस थाने चेगलो बिता मसीह चो परचार करू आंव, जोन यहूदीमन चो काजे ठोकरना चो कारन आउर दुसर जातिमन चो काजे मुरूकता आय;

1 कुरिन्थियो 1:25

कसनबल्लोने माहापुरू चो मुरूकता मानेमन चो गिआन ले गिआन बिता आय, आउर माहापुरू चो कमजोरी मानेमन चो बल ले खुबे बलवान आय।

1 कुरिन्थियो 15:44

सादा देंह बुना जाऊ आय, आउर आत्मिक देंह जीव उठु आय: जसन कि सादा देंह आसे तो आत्मिक देंह बले आसे।

1 कुरिन्थियो 15:46

मान्तर पयले आत्मिक नी रली मान्तर सादा रली, ऐचो पाचे आत्मिक होली।

1 कुरिन्थियो 2:12

मान्तर आमीमन ने संवसार चो आत्मा नाई, मान्तर हुन आत्मा पावलु से जोन माहापुरू चो बाटले आय कि आमी हुन गोठमन के जानु जोन माहापुरू आमके दिलो से।

1 कुरिन्थियो 3:1

हे भाईमन, मय तुमनमन ले ऐ रीति ले गोठयाऊक नी सकले जसन आत्मिक लोगमन ले, मान्तर जसन शारीरिक लोगमन ले, आउर हुनमन ले जोन मसीह ने लेका आसोत।

याकूब 3:15

ऐ गिआन हुन नुआय जोन उपर ले उतरू आय, मान्तर संवसारिक, आउर शारीरिक, आउर शयतानी आय।

1यूहन्ना 2:20

मान्तर तुमचो तो हुन पवितर ले अभिषेक होली से, आउर तुमी सपाय काई जानेसास।

1यूहन्ना 2:27

मान्तर तुमचो हुन अभिषेक जोन हुनचो बाटले कराए गेली, तुमचो ने बनुन रऊ आय; आउर तुमके ऐचो जरूरत निआय कि कोनी तुमके सिका ओत, बल्लोने जसन हुन अभिषेक जोन हुनचो बाटले कराए गेली तुमके सपाय गोठमन सिकाऊ आय, आउर ऐ सते आय आउर फंद नुआय; आउर जसन हुन तुमके सिका लो से हुसने ची तुमी हुन थाने बनुन रऊ आहास।

1यूहन्ना 5:20

आमी ऐ बले जानु से कि माहापुरू चो बेटा ईलो से आउर हुन आमके अकल दिलो से कि आमी हुन सत के चिताऊ; आउर आमी हुन थाने जोन सत आय, बल्लोने हुनचो बेटा ईशु मसीह ने रऊँ आंव। सत माहापुरू आउर अमर जीवना ऐई आय।

यहूदा 1:19

ऐ हुनमन आत जोन लड़ा-जुजा करू आत; ऐमन शारीरिक लोग आत, जोनमन ने आत्मा निआय।