1 कुरिन्थियो 16:22 - Halbi

²² अगर कोनी परबु ले मया नी संगा ओ तेबे हुन शरापित होओ। हे आमचो परबु, आव!

परमेस्वर को सच्चो वचन ख जाननू

²² अदि कोई प्रभु से प्रेम नी रखे ते उ नास होव। अर कोई प्रभु से प्रेम नी रखे ते उ सापित होए। अरे हमारो प्रभु, आ।

1 कुरिन्थियो 16:22 ပူးပေါင်းရင်းမြစ်များ

मत्ती 10:37

“जोन आया नाहले बुआ के मोचो ले आगर लाड़ करू आय, हुन मोचो लायक नुआय; आउर जोन बेटा नाहले बेटी के मोचो ले आगर मया करू आय, हुन मोचो लायक नुआय;

यूहन्ना 14:15

“अगर तुमी मोचो ले मया संगाऊ आस, तेबे मोचो हुकुममन के माना से।

यूहन्ना 14:21

जेचो लगे मोचो हुकुममन आसे आउर हुन हुनमन के मानु आय, हुनी मोचो ले मया संगाऊ आय; आउर जोन मोचो ले मया संगाऊ आय हुनचो ले मोचो बुआ मया संगाय दे, आउर मय हुनचो ले मया संगायें दें आउर आपन खुद के हुन थाने उजागर करें दें।”

यूहन्ना 14:23

ईशु हुनके जबाप दिलो, “अगर कोनी मोचो ले मया संगाय दे, तेबे हुन मोचो बचन के माने दे, आउर मोचो बुआ हुनचो ले मया संगाय दे, आउर आमी हुनचो लगे ऐऊ दें आउर हुनचो संगे वास करूं दे।”

यूहन्ना 15:24

अगर मय हुनमन थाने हुन काम नी करते जोन आउर कोनी नी करला, तेबे हुनमन पापी नी ठेबता; मान्तर अदायं तो हुनमन मोके आउर मोचो बुआ दुनो के दकला आउर दुनो ले बईर करला।

यूहन्ना 16:14

हुन मोचो महिमा करे दे, कसनबल्लोने हुन मोचो गोठमन ले धरून भाती तुमके सांगे दे।

यूहन्ना 8:42

ईशु हुनमन ले बल्लो, “अगर माहापुरू तुमचो बुआ होतो, तेबे तुमी मोचो ले मया संगातास; कसनबल्लोने मय माहापुरू चो बाटले ईले से। मय खुद ले नी ईले, मान्तर हुनी ची मोके पठालो।

प्रेरितो 23:14

हुनमन परधान याजकमन आउर पुरनिमन चो लगे जाऊन भाती बल्ला, “आमी ऐ कट करलु से कि जिदलदाय ले आमी पौलुस के मारून नी पाकाऊ, तेबे तक अगर काई चाकुन्दे बले तो आमचो उपरे छी आय।”

रोमियो 9:3

कसनबल्लोने मय ऐ थाले चाहते रले कि आपलो भाईमन, चो काजे जोन देंह चो हिसाब ले मोचो कुटुममन आत, खुद ची मसीह ले शरापित आउर अलग होऊन जाते।

1 कुरिन्थियो 12:3

ऐईकाजे मय तुमके जनाऊन देये से कि जोन कोनी माहापुरू चो आत्मा चो अगुवाई ले बोलु आय, हुन नी बले कि ईशु शरापित आय; आउर ना कोनी पवितर आत्मा चो बिना बोलुक सके कि ईशु परबु आय।

गलातियो 5:6

मसीह ईशु ने ना खतना आउर ना खतना नी करलो काई काम चो आय, मान्तर मात्र बिश्वास, जोन मया चो बाटले असर डालु आय।

इफिसीयो 6:24

जोन आमचो परबु ईशु मसीह ले सत मया संगाऊ आत, हुन सपाय उपरे अनुग्रह होते रओ।

फिलिप्पियो 4:5

तुमचो कोमलता सपाय मानेमन उपरे परकट होओ। परबु लगे आसे।

इब्रानियो 6:10

कसनबल्लोने माहापुरू अनियायी नुआय कि तुमचो काम, आउर हुन मया के भुलकुन जाओ, जोन तुमनमन हुनचो नाव चो काजे ऐई रीति ले दकालास, कि पवितर लोगमन चो सेवा करलास आउर करेसास बले।

1 पतरस 1:8

हुनचो ले तुमी बिना दके मया संगाऊ आस आउर अदायं तो हुनचो उपरे बिना दकुन बले बिश्वास करून असन हरिक आउर मतभुल होऊ आस जोन आमचो गोठ ले बहारे आउर महिमा ले भरलोर आसे;

1 पतरस 2:7

आउर तुमचो काजे जोन बिश्वास करू आस हुन बड़े मोल आय, मान्तर जोन बिश्वास नी करोत हुनमन काजे “जोन पकना के राजमिस्त्रीमन बेकार ठेबाऊ रला, हुनी कोनया चो टोक होऊन गेली,”

1यूहन्ना 4:19

आमी ऐईकाजे मया करू आंव, कि पयले हुन आमचो ले मया करलो।

1यूहन्ना 5:1

जेचो ऐ बिश्वास आसे कि ईशु ची मसीह आय, हुन माहापुरू ले उपजास होलो से; आउर जोन कोनी उपजास करतो बिता ले मया संगाऊ आय, हुन हुनचो ले बले मया संगाऊ आय जोन हुनचो ले उपजास होलो से।

प्रकाशितवाक्य 22:20

जोन ऐ गोठमन चो गोहई देऊ आय हुन ऐ बोलु आय, “हव, मय झटके ऐतो बिता आय।” आमीन। हे परबु ईशु आव!