1 कुरिन्थियो 15:45 - Halbi

⁴⁵ असने ची लिकलोर बले आसे, कि “पईल माने, बल्लोने आदम जिन्दा प्राणी बनलो” आउर आखरी आदम जीवना देतो बिती आत्मा बनली।

परमेस्वर को सच्चो वचन ख जाननू

⁴⁵ असो ही लिखो भी हैं, कि “पहलो अदमी, यानी आदम जीवित प्रानी बनो” अर अनन्त म आदम, जीवन दायक आत्मा बनो।

1 कुरिन्थियो 15:45 ပူးပေါင်းရင်းမြစ်များ

यूहन्ना 1:4

हुन थाने जीव रये आउर हुन जीव मानेमन चो उजर रये।

यूहन्ना 10:10

चोर कोनी दुसर काम चो काजे नाई मान्तर मात्र चोरी करूक आउर घात करूक आउर नष्ट करूक ऐऊ आय; मय ऐईकाजे ईले कि हुनमन जीवना पाओत, आउर खुबे ले खुबे पाओत।

यूहन्ना 10:28

आउर मय हुनमन के अमर जीवना देऊ आंय। हुन केबे नष्ट नी होये, आउर कोनी हुनमन के मोचो हाथ ले झिकुन नी धर दे।

यूहन्ना 14:19

आउर खिन्डिक समया बाचली से, कि फेर संवसार मोके नी दके दे, मान्तर तुमी मोके दका से; ऐईकाजे कि मय जीव आंसे, तुमी बले जीव राहा से।

यूहन्ना 14:6

ईशु हुनचो ले बल्लो, “बाट आउर सत आउर जीव मय ची आंय; बिना मोचो नाहालो कोनी बुआ चो लगे नी पहुँचुक सके।

यूहन्ना 4:10

ईशु जबाप दिलो, “अगर तुय माहापुरू चो बरदान के जानतीस आउर ये बले जानतीस कि हुन कोन आय जोन तुचो ले बलें सें, ‘मोके पानी पिआव,’ तेबे तुय हुनचो ले मांगतीस, आउर हुन तुके जीवना चो पानी देतो।”

यूहन्ना 4:14

मान्तर जोन कोनी हुन पानी थानले पिये दे जोन मय हुनके देयें दें, हुन फेर अनंत काल तक पिआसा नी होये दे; मान्तर जोन पानी मय हुनके देयें दें, हुन हुन थाने गोटक झरन बनुन जाये दे जोन अमर जीवना चो काजे उमड़ते रये दे।”

यूहन्ना 5:21

जसन बुआ मरलो लोगमन के उठाऊ आय आउर जिआऊ आय, असने ची बेटा बले जोन के चाहाऊ आय हुनमन के जिआऊ आय।

यूहन्ना 6:33

कसनबल्लोने माहापुरू चो रोटी हुनी आय जोन सरग ले उतरून भाती जगत के जीवना देऊ आय।”

यूहन्ना 6:54

जोन मोचो मास खाऊ आय आउर मोचो लऊ पीऊ आय, अमर जीवना हुनचेई आय; आउर मय हुनके आखरी दिने फेर जियाऊन उठायें दें।

यूहन्ना 6:57

जसन जीवता बुआ मोके पठालो, आउर मय बुआ चो कारन जीव आसे, असने ची हुन बले जोन मोके खाये दे मोचो लागुन जीव रये दे।

यूहन्ना 6:63

आत्मा तो जीवन देऊ आय, देंह ले काई लाब नाई; जोन गोठमन मय तुमचो ले बल्ले से हुन आत्मा आय, आउर जीव बले आय।

यूहन्ना 6:68

शिमोन पतरस हुनके जबाप दिला, “हे परबु, आमी काचो लगे जाऊँ दे? अमर जीवना चो गोठमन तो तुचीई लगे आसे;

प्रेरितो 3:15

आउर तुमीमन जीवना चो करता के मारून दीलास, जेके माहापुरू मरलो बितामन थानले जिआ लो; आउर ऐ गोठ ने आमी गोहई आंसु।

रोमियो 5:17

कसनबल्लोने जिदलदाय गोटक माने चो अपराध चो लागुन मरना हुन गोटक ची चो कारन राज करलो, तेबे जोन लोग अनुग्रह आउर धरमरूपी बर खुब ले खुबे पाऊ आत हुनमन गोटक माने चो, बल्लोने ईशु मसीह चो कारन जरूर ची अमर जीवना ने राज करोत।

रोमियो 5:21

कि जसन पाप ने मरना फयलाते-फयलाते राज करली, असने ची आमचो परबु ईशु मसीह चो कारन अनुग्रह बले अमर जीवन चो काजे धरमी ठेबा ते-ठेबा ते राज करो।

रोमियो 8:2

कसनबल्लोने जीवन चो आत्मा चो नियम ने मसीह ईशु ने मोके पाप चो, आउर मरना चो नियम ले छुटछाड़ा करून दिलो।

1 कुरिन्थियो 15:46

मान्तर पयले आत्मिक नी रली मान्तर सादा रली, ऐचो पाचे आत्मिक होली।

फिलिप्पियो 3:21

हुनमन आपलो ताकत चो हुन असर चो अनुसार जेचो बाटले हुन सपाय तीजमन के आपलो बस ने करूक सके, आमचो दिन-हीन देंह चो रूप बदलुन भाती, आपलो महिमा चो देंह चो समान बनान देयेंदे।

कुलुस्सियो 3:4

जिदलदाय मसीह जोन आमचो जीव आय, परकट होये दे, तेबे तुमी बले हुनचो संगे महिमा संगे परकट कराय जाहा।

इब्रानियो 9:14

तेबे मसीह चो लऊ जोन आपन खुद के हरमेशा आत्मा चो दुवारा माहापुरू चो पुरे बेकसूर चेगालो, तुमचो बिबक के मरलो बिती काममन ले केंव नी शुद्ध करे दे बल्ले तुमी जीवता माहापुरू चो सेवा करा।

प्रकाशितवाक्य 16:3

दुसर सरगदूत आपलो बटका समुन्द थाने रिकाऊन दिलो, आउर हुन मरलो बिता माने चो लऊ असन बनुन गेली, आउर समुन्द थानो हरकोनी जीवधारी मरून गेला।

प्रकाशितवाक्य 21:6

फेर हुन मोचो ले बल्लो, “ऐ गोठमन पुरा होली से। मय अलफा आउर ओमेगा, मुर आउर आखरी आंय। मय पिआसा के जीवना चो पानी चो सतान थानले सेंत मेंत पिआयें दें।”

प्रकाशितवाक्य 22:1

फेर हुन मोके बिल्लोर चो असन झलक तो बिती, जीवना चो पानी चो लंदी दकालो, जोन माहापुरू आउर मेमना चो सिंघासन ले निकरून भाती

प्रकाशितवाक्य 22:17

आत्मा आउर दुली दुनो बले सोत, “आव!” “आउर सुनतो बिता बले बोलो,” “आव!” “जोन पिआस आसे हुन ऐओ, आउर जोन कोनी चाह ले हुन जीवन चो पानी सेंत मेंत धरो।”