1 कुरिन्थियो 15:19 - Halbi

¹⁹ अगर आमी मात्र ऐई जीवना ने मसीह ले आशा संगाऊ से तेबे आमी सपाय मानेमन ले जादा अभागा आंव।

परमेस्वर को सच्चो वचन ख जाननू

¹⁹ अदि हम मसी पर हमारी आसा यू ही जिन्दगी तक ही आखरी हैं, ते हम सब अदमी हुन म सब से जादा अभागो हैं।

1 कुरिन्थियो 15:19 ပူးပေါင်းရင်းမြစ်များ

मत्ती 24:9

तेबे हुनमन कलेश देतो काजे तुमके धरा दे, आउर तुमके मारून पका दे, आउर मोचो नाव चो कारन सपाय जातिमन चो लोग तुमचो ले बईर संगा दे।

लूका 21:34

“ऐईकाजे खबड़दार राआ, असन नी होओ कि तुमचो मन खुमार, आउर मतवारपन, आउर ऐ जीव चो चिन्तामन ले सुस्त होऊन जाओ, आउर हुन दिने तुमचो उपरे फान्दा चो असन उधापड़े ऐऊन पड़ो।

लूका 8:14

जोन बुटामन ने घसरली, ऐ हुनमन आत जोन सुनु आत, मान्तर पयले जाऊन भाती चिन्ता, आउर धन, आउर जीवना चो सुख बिलास ने फसु आत आउर हुनमन चो फर नी पाके।

यूहन्ना 16:2

हुनमन तुमके आराधना घरमन ले निकराऊन देदे, मान्तर हुन समया ऐऊ आय, कि जोन कोनी तुमके मारून देये दे हुन समजे दे कि मय माहापुरू चो सेवा करें से।

यूहन्ना 16:33

मय ऐ गोठमन तुमचो ले ऐईकाजे बल्ले से कि तुमके मोचो थाने शान्ति मिरो। संवसार ने तुमके कलेश होऊ आय, मान्तर हिम्मत जटाव, मय संवसार के जितले से।”

प्रेरितो 14:22

आउर चेलामन चो मन के थीर करते रला आउर ऐ उपदेश देते रला कि बिश्वास ने बनु राहा; आउर ऐ बोलते रवत, “आमके बड़े कलेश उठाऊन भाती माहापुरू चो राज ने ओलतोर होये दे।”

1 थिस्सलुनीकियो 1:3

आउर आपलो माहापुरू आउर बुआ चो पुरे तुमचो बिश्वास चो काम, आउर मया चो मसागत, आउर आमचो परबु ईशु मसीह ने आशा चो धीरता के सरलगा, सुरता करूं आंव।

2 तीमुथियुस 1:12

ऐई लागुन मय ऐ दुखमन के बले उठायें सें, मान्तर लाज नी होयें, कसनबल्लोने मय हुनके जेचो उपरे मय बिश्वास करले से जाने; आउर मोके तय आसे कि हुन मचो अमानत चो हुन दिन ले राका करूक सके।

2 तीमुथियुस 2:4

जिदलदाय कोनी लड़ीईकरू लड़ीई थाने जाऊ आय, तेबे ऐईकाजे कि आपलो भरती करू बिता के हरिक करो आपन खुद के जगत चो काममन ने नी फसाये।

2 तीमुथियुस 3:12

मान्तर जितरो मसीह ईशु ने भक्ति चो संगे जीवना बिताऊक चाहाय सोत हुनमन सपाय कन्दराया जादे;

1 पतरस 1:21

हुनचो दुवारा तुमी हुन माहापुरू थाने बिश्वास करू आस, जोन हुनके मरलो बितामन थानले जिआलो आउर महिमा दिलो कि तुमचो बिश्वास आउर आशा माहापुरू थाने होओ।

प्रकाशितवाक्य 14:13

फेर मय सरग ले ऐ शब्द सुनले, “लिक: जोन मरू परबु ने मरू आत, हुनमन आजी ले धन्य आत।” आत्मा बले से, “हव, कसनबल्लोने हुनमन आपलो सपाय मसागत ले अराम पावदे, आउर हुनमन चो काम हुनमन चो संगे होऊ आत।”