1 कुरिन्थियो 14:6 - Halbi

⁶ ऐईकाजे हे भाईमन, अगर मय तुमचो लगे ऐऊन भाती दुसर भाषामन ने गोठयायें दे, आउर उजर नाहले गिआन नाहले अगम गोठ नाहले उद्देश्य चो गोठमन तुमनमन ले नी बोलें, तेबे मोचो ले तुमके काय फायदा होयेदे?

परमेस्वर को सच्चो वचन ख जाननू

⁶ एकोलाने अरे भई बहिन हुन, अदि मी तुमारो नजीक आँख दूसरी भासा हुन म बात करूँ, अऊर उजालो अर समझ अर भविस्यव्दानी अर उपदेस कि बात हुन तुम से नी कहे, ते मोखा से तुमारो क फयदा होय।

1 कुरिन्थियो 14:6 ပူးပေါင်းရင်းမြစ်များ

मत्ती 11:25

हुदलीदाय ईशु बल्लो, “हे बुआ, सरग आउर धरतनी चो परबु, मय तुचो धन्यबाद करेंसे कि तुय ऐ गोठमन के गिआनिमन आउर समजदारमन ले लुकाऊन संगालीस, आउर लेकामन उपरे उजागर करली सीस।

मत्ती 16:17

ईशु हुनके जबाप दिलो, “हे शिमोन, योना चो बेटा, तुय धन्य आस; कसनबल्लोने मास आउर लऊ ने नाई, मान्तर मोचो बुआ जोन सरग ने आसे, ऐ गोठ तुचो उपरे उजागर करलो से।

मत्ती 16:26

अगर माने पुईतराय जगत के पाये दे, आउर आपलो जीव चो हानि उठाये दे, तेबे हुनके काय लाब होयेदे? नाहले माने आपलो जीव चो पलटा काय देयेदे?

प्रेरितो 2:42

आउर हुनमन पठालोबितामन ले सिक्या पाऊक, आउर संगत संगाऊक, आउर रोटी टुटाऊक, आउर पारथना करतो ने मतभुल रवत।

रोमियो 15:14

हे मोचो भाईमन, मय खुद तुमचो बारे ने जरूर जाने से कि तुमी बले खुद ची भलाई ले भरा आउर माहापुरू गिआन ले भरपूर हुआ, आउर गोटक दुसर के जनाऊक सकास।

रोमियो 16:17

अदायं हे भाईमन, मय तुमचो ले बिनती करे से, कि जोन लोग हुन सिक्या चो उलटा, जोन तुमी पावलासास, फुट डालतोर आउर ठोकरना खुआतोर कारन होऊ आत, हुनमन के टारून दिआस आउर हुनमन ले दूर राहा।

रोमियो 6:17

मान्तर माहापुरू चो धन्यबाद होओ कि तुमी जोन पाप चो दास रलास अदायं मन ले हुन उपदेश चो मानतो बिता होऊन गेलास, जेचो छछा ने डालाय जाऊ रलास,

1 कुरिन्थियो 10:33

जसन मय बले सपाय गोठमन ने सपाय के हरिक संगाऊ आय, आउर आपलो नाई मान्तर खुबेमन चो लाब डगराऊ आंय कि हुनमन मुक्ति पाओत।

1 कुरिन्थियो 14:1

मया चो अनुकरन करा, आउर आत्मिक बरमन चो बले धुन ने राहा, खास करून ऐ कि अगम गोठ करा।

1 कुरिन्थियो 14:7

ऐई परकार अगर निरजीव तीजमन बले जोनमन ले शब्द निकरू आय, जसन बांवसी नाहले बीन, अगर हुनमन चो शब्द ने भेद नी होओ तो जोन फुका नाहले बजाया जाऊ आय, हुन कसन चिताया जायेदे?

2 कुरिन्थियो 11:6

अगर मय जबापदारी ने अनाड़ी आंय, तेबले बले गिआन ने नाई। आमीमन ऐके सपाय गोठ ने सपाय परकार ले तुमचो काजे परकट करलु से।

2 कुरिन्थियो 12:1

मान्तर घमण्ड करतोर मोचो काजे ठीक नुआय तेबले बले करूक पडु आय; ऐईकाजे मय परबु चो दिलो बिती दरशनमन आउर परकाशनमन के चरचा करें दें।

2 कुरिन्थियो 12:7

ऐईकाजे कि मय परकाशनमन चो खुबे होलो ने फुलुन नी जायें, मोचो देंह ने गोटक काटा गड़ाया गेली, बल्लोने शयतान चो गोटक दूत चो मोके ठुसा मारोत बल्ले मय फुलुन नी जाए।

इफिसीयो 1:17

कि आमचो परबु ईशु मसीह चो माहापुरू जोन महिमा चो बुआ आय, तुमके आपलो पयचान ने गिआन आउर उजर चो आत्मा देओ,

इफिसीयो 3:4

जेचो ले तुमी पढुन भाती जानुक सकास कि मय मसीह चो हुन भेद काहां तक समजु आंय।

फिलिप्पियो 3:15

आमचो ने जितरो सिद्ध आत, ऐई बिचार संगाआ, आउर अगर कोनी गोठ ने तुमचो आउर ची बिचार होओ तेबे माहापुरू हुनके बले तुमचो उपरे परकट करून देयेदे।

2 तीमुथियुस 2:14

ऐ गोठमन चो सुद्धि हुनमन के दियाव आउर परबु चो पुरे जनाऊन देस कि शब्दमन थाने हेर-फेर नी करोत, जेचो ले काई लाब नी होये मान्तर सुनतो बितामन नसुन जाऊ आत।

2 तीमुथियुस 3:10

मान्तर तुय उपदेश, चाल-चलन, मनसा, बिश्वास, सयनशक्ति, मया, धीरज आउर कन्दराया जातोर, आउर दुख उठातो ने मोचो सात दिलीस;

2 तीमुथियुस 3:16

समपूरन पवितर शास्त्र माहापुरू चो बिचार ले बनाय गेली से आउर उपदेश, आउर समजातोर, आउर सुधरातोर, आउर धरम चो सिक्या चो काजे लाब देतो बिती आय,

2 तीमुथियुस 4:2

कि तुय बचन चो परचार कर, समया आउर असमया तिआर रा, सपाय परकार चो सयनशक्ति आउर सिक्या चो संगे उलाहना देस आउर खिज आउर समजाव।

तीतुस 3:8

ऐ गोठ सते आय, आउर मय चाहाय से कि तुय ऐ गोठमन चो बारे ने हिम्मत ले बोल ऐईकाजे कि जोनमन माहापुरू उपरे बिश्वास करला से, हुनमन अच्छा-अच्छा काममन ने लगुन रतोर धिआन संगा ओत। ये गोठमन अच्छा आउर मानेमन चो लाब चो आय।

इब्रानियो 13:9

नाना परकार चो भयंकर उपदेशमन ले नी भरमाया जाआ, कसनबल्लोने मन चो अनुग्रह ले जमखम रतोर अच्छा आय, ना कि हुन खातोर तीजमन ले जेचो ले काम संगातो बितामन के काई लाब नी होली।

2 पतरस 1:5

आउर ऐई लागुन तुमी सपाय परकार चो कोशिश करून आपलो बिश्वास थाने सद गुन, आउर सद गुन थाने समज,

2 पतरस 3:18

मान्तर आमचो परबु आउर मुक्तिकरू ईशु मसीह चो अनुग्रह आउर पयचान ने बड़ते जाआ। हुनचेई महिमा ऐबे बले होओ, आउर जुग-जुग होते रओ। आमीन।

2 यूहन्ना 1:9

जोन कोनी मसीह चो सिक्या ले पयले बडुन जाऊ आय आउर हुन थाने बनुन नी रये, हुनचो लगे माहापुरू निआय, जोन कोनी हुनचो सिक्या ने थीर रऊ आय, हुनचो लगे बुआ बले आसे आउर बेटा बले।