1 कुरिन्थियो 14:37 - Halbi

³⁷ अगर कोनी माने आपन खुद के अगम गिआनी नाहले आत्मिक जन समजो, तेबे ऐ जानुन रओ कि जोन गोठमन मय तुमके लिके से, हुन परबु चो हुकुममन आय।

परमेस्वर को सच्चो वचन ख जाननू

³⁷ अदि कोई अदमी अपनो तुम ख भविस्यव्दक्ता अऊर आत्मिक जन समझ हैं, ते उ यू समझ ले कि जो बात हुन म तुम ख लिखो हूँ, हैं वी प्रभु की आदेस हैं।

1 कुरिन्थियो 14:37 ပူးပေါင်းရင်းမြစ်များ

लूका 10:16

“जोन तुमचो सुनु आय, हुन मोचो सुनु आय; आउर जोन तुमके तुच्छ जानु आय, हुन मोके तुच्छ जानु आय; आउर जोन मोके तुच्छ जानु आय, हुन मोचो पठालोबिता के तुच्छ जानु आय।”

रोमियो 12:3

कसनबल्लोने मय हुन अनुग्रह चो कारन जोन मोके मिरली से, तुमचो थानले हरकोनी के बलें सें कि जसन समजातोर जरूरी आय हुनचो ले बडुन भाती कोनी बले आपन खुद के नी समजो; मान्तर जसन माहापुरू हरकोनी के बिश्वास सबुत चो अनुसार बाटुन दिलो से, असने ची सुअकल चो संगे खुद के समजो।

1 कुरिन्थियो 14:29

अगम गिआनीमन थानले दुय नाहले तीन बलोत, आउर बाकी लोग हुनमन चो बचन के परकोत।

1 कुरिन्थियो 14:36

काय माहापुरू चो बचन तुमचो थानले निकरली से? नाहले मात्र तुमी ची लगले पोचली से?

1 कुरिन्थियो 14:38

मान्तर अगर कोनी ऐ नी मानो, तेबे हुनके बले नी माना।

1 कुरिन्थियो 2:15

आत्मिक जन सपाय काई जाचु आय, मान्तर हुन खुद काचीई ले जचाए नी जाये।

1 कुरिन्थियो 3:1

हे भाईमन, मय तुमनमन ले ऐ रीति ले गोठयाऊक नी सकले जसन आत्मिक लोगमन ले, मान्तर जसन शारीरिक लोगमन ले, आउर हुनमन ले जोन मसीह ने लेका आसोत।

1 कुरिन्थियो 7:25

कुंआरीमन चो बारे ने परबु चो काई हुकुम मोके नी मिरली, मान्तर बिश्वास लायक होतोर काजे जसन दया परबु मोचो उपरे करलो से, हुनचेई अनुसार सहमती देयें से।

1 कुरिन्थियो 7:40

मान्तर जसन आसे अगर असने ची रओ, तो मोचो बिचार ने आउर बले धन्य आय; आउर मय समजें से कि माहापुरू चो आत्मा मोचो ने बले आसे।

1 कुरिन्थियो 8:2

अगर कोनी समजो कि मय काई जाने, जसन जानतोर आय असने ऐबले नी जाने।

2 कुरिन्थियो 10:12

कसनबल्लोने आमके ऐ साआस निआय कि आमी आपन खुद के हुनमन चो संगे गेनु, नाहले हुनमन संगे आपन के मिसाऊं, जोन आपलो बड़ाई खुद करू आत, आउर आपन खुद के आपस ने नापुन तवलुन भाती गोटक दुसर ले मिलान करून मुरक ठेबु आत।

2 कुरिन्थियो 10:7

तुमी हुनी गोठमन के दका, जोन आँईक चो पुरे आसे। अगर कोनी के आपलो उपरे ऐ भरसा होओ कि मय मसीह चो आंय, तेबे हुन ऐ बले जानो कि जसन हुन मसीह चो आय असने ची आमी बले आंव।

2 कुरिन्थियो 11:4

अगर कोनी तुमचो लगे ऐऊन भाती कोनी दुसर ईशु चो परचार करोत, जेचो परचार आमीमन नी करलु; नाहले कोनी आउर आत्मा तुमके मिरो, जोन पयले नी मिरू रली; नाहले आउर कोनी नगतखबर सुना ओत जोन के तुमी पयले नी मानु राआस, तेबे तुमी हुनके सहु आहास।

गलातियो 6:8

कसनबल्लोने जोन आपलो देंह चो काजे बुनु आय, हुन देंह चो बाटले बिनाश चो कटनी काटे दे; आउर जोन आत्मा चो काजे बुनु आय, हुन आत्मा चो बाटले अमर जीवना चो कटनी काटे दे।

2 पतरस 3:2

कि तुमी हुन गोठमन के जोन पवितर अगम गिआनीमन पयले बल्ला सोत, आउर परबु आउर मुक्तिकरू चो हुन हुकुम के सुरता करा जोन तुमचो पठालोबितामन चो दुवारा दिया जाऊ रली।

1यूहन्ना 4:6

आमी माहापुरू चो आंव जोन माहापुरू के जाने, हुन आमचो सुनु आय; जोन माहापुरू के नी जाने हुन आमचो नी सुने। ऐई परकार आमी सत चो आत्मा आउर भरम चो आत्मा के चिताऊ आंव।

यहूदा 1:17

मान्तर हे लाडरामन, तुमी हुन गोठमन के सुरता संगाहा जोन आमचो परबु ईशु मसीह चो पठालोबितामन पयले ची बोलुन चुकला से।