1 कुरिन्थियो 14:16 - Halbi

¹⁶ नाहले अगर तुय आत्मा ची ले धन्यबाद कर से, तेबे फेर अगिआनी तुचो धन्यबाद थाने आमीन कसन बले दे? कसनबल्लोने हुन तो नी जाने कि तुय काय बोल सीस?

परमेस्वर को सच्चो वचन ख जाननू

¹⁶ नी ते अदि तू आत्मा ही से धन्यवाद करुँ, हैं ते फिर नी अग्यानता तोरो धन्यवाद पर आमीन कसो कह हे। काहेकि उ ते नी मालूम कि तू का कह हैं?

1 कुरिन्थियो 14:16 ပူးပေါင်းရင်းမြစ်များ

मत्ती 15:36

आउर ईशु सात रोटी आउर मछरी के धरलो, धन्यबाद करून टुटालो, आउर आपलो चेलामन के देते गेलो, आउर चेला लोगमन के।

मत्ती 28:20

आउर हुनमन के सपाय गोठमन जोन मय तुमके हुकुम दिले से, मानुक सिकाआ आउर दका, मय जगत चो आखरी तक हरमेशा तुमचो संगे आंसे।”

मत्ती 6:13

‘आउर आमके परीक्षा ने नी आन, मान्तर खराप ले बचाव; (कसनबल्लोने राज आउर पराकरम आउर महिमा हरमेशा तुची ची आय।’” आमीन।)

मरकुस 16:20

आउर हुनमन निकरून भाती हरकोनी जगा परचार करला, आउर परबु हुनमन संगे काम करते रलो, आउर हुन चिनामन चो कारन जोन संगे-संगे होते रये, बचन के जमखम करते रलो। आमीन।

यूहन्ना 21:25

आउर बले खुबे असन काम आसे, जोन ईशु करलो; अगर हुनमन गोटक-गोटक करून लिका जाति, तो मय समजे से कि किताबमन जोन लिका जाति हुनमन संवसार ने बले नी समाती।

यूहन्ना 7:15

तेबे यहूदीमन अकचकित होऊन भाती बल्ला, “ऐके बिन पड़लोर बिदया कसन ने इली?”

प्रेरितो 4:13

जिदलदाय हुनमन पतरस आउर यूहन्ना चो साहास दकला, आउर ऐ जानला कि ऐ अपढ़ आउर सादा माने आत, तेबे भक्याला; फेर हुनमन के चिताला, कि ऐ ईशु चो संगे रला सोत।

1 कुरिन्थियो 11:24

आउर धन्यबाद करून हुनके टुटालो आउर बल्लो, “ऐ मोचो देंह आय, जोन तुमचो काजे आय: मोचो सुरता काजे ऐई करा।”

1 कुरिन्थियो 14:14

ऐईकाजे अगर मय दुसर भाषा ने पारथना करें दें, तो मोचो आत्मा पारथना करू आय मान्तर मोचो अकल काम नी देये।

1 कुरिन्थियो 14:2

कसनबल्लोने जोन दुसर भाषा ने गोठयाऊ आय हुन मानेमन ले नाई मान्तर माहापुरू ले गोठयाऊ आय; ऐईकाजे कि हुनचो गोठमन कोनी नी समजोत, कसनबल्लोने हुन भेद चो गोठमन आत्मा ने होऊन भाती बोलु आय।

1 कुरिन्थियो 16:24

मोचो मया मसीह ईशु ने तुमी सपाय चो संगे रओ। आमीन।

2 कुरिन्थियो 1:20

कसनबल्लोने माहापुरू चो जितरो बायदामन आसे, हुन सपाय हुनी थाने ‘हव’ चो संगे आसे। ऐईकाजे हुनचो बाटले आमीन बले होली कि आमचो बाटले माहापुरू चो महिमा होओ।”

प्रकाशितवाक्य 22:20

जोन ऐ गोठमन चो गोहई देऊ आय हुन ऐ बोलु आय, “हव, मय झटके ऐतो बिता आय।” आमीन। हे परबु ईशु आव!

प्रकाशितवाक्य 5:14

आउर चारो परानीमन आमीन बल्ला, आउर सियानमन घसरुन भाती पाँय पढ़ला।

प्रकाशितवाक्य 7:12

“आमीन! आमचो माहापुरू चो स्तुति आउर महिमा आउर गिआन आउर धन्यबाद आउर ईजीत आउर सामरत आउर शक्ति जुग-जुग बनुन रओ। आमीन!”