1 कुरिन्थियो 14:15 - Halbi

¹⁵ आउर काय करतोर आसे? मय आत्मा ले बले पारथना करें दें, आउर अकल ले बले पारथना करें दें; मय आत्मा ले गायें दें, आउर अकल ले बले गायें दें।

परमेस्वर को सच्चो वचन ख जाननू

¹⁵ ते का करनु चाय्हे? मी आत्मा से भी प्रार्थना करूँ हैं, अऊर समझ से भी प्रार्थना करूँ हैं: मी आत्मा से गाऊँ, अऊर समझ से भी गाऊँ हैं।

1 कुरिन्थियो 14:15 ပူးပေါင်းရင်းမြစ်များ

प्रेरितो 21:22

तेबे फेर काय करा जाओ? लोग जरूर सुन दे कि तुय ईली सीस।

रोमियो 1:9

माहापुरू जेचो सेवा मय आपलो आत्मा ले हुनचो बेटा चो नगतखबर चो बारे ने करेंसे, हुनी मोचो गोहई आय कि मय तुमके कसन परकार सरलगा सुरता करते रऊ आंय,

रोमियो 3:5

ऐईकाजे अगर आमचो अधरम माहापुरू चो धारमिकता ठेबाऊन देऊ आय, तो आमी काय बोलवां? काय ऐ कि माहापुरू जोन रीस करू आय अनियायी आय? (ऐ तो मय माने चो रीति ले बलें सें)।

रोमियो 8:31

आउर आमी ऐ गोठमन चो बारे ने काय बलवा? अगर माहापुरू आमचो बाटे आसे, तेबे आमचो बयरी कोन होऊक सके?

1 कुरिन्थियो 10:19

फेर मय काय बलेंसें? काय ऐ कि मुरती थाने चेगालो बिती बलिदान काई आय, नाहले मुरती काई आय?

1 कुरिन्थियो 14:14

ऐईकाजे अगर मय दुसर भाषा ने पारथना करें दें, तो मोचो आत्मा पारथना करू आय मान्तर मोचो अकल काम नी देये।

1 कुरिन्थियो 14:19

मान्तर कलीसिया ने दुसर भाषा ने दस हजार गोठमन बल्लो ले बल्ले ऐ मोके आउर बले अच्छा जान पढ़ली से, कि दुसरमन के सिकातो काजे अकल ले पांच ची गोठ बलें।

1 कुरिन्थियो 14:26

ऐईकाजे हे भाईमन, काय करतोर आसे? जिदलदाय तुमी रूंड़ा होऊ आस, तेबे हरकोनी चो मन ने भजन नाहले उपदेश नाहले दुसर भाषा नाहले उजर नाहले दुसर भाषा चो अरत सांगतोर रऊ आय। सपाय काई आत्मिक उन्नती चो काजे होतोर आसे।

इफिसीयो 6:18

हर समया आउर सपाय परकार चो आत्मा ने पारथना, आउर गुहार करते राहा, आउर ऐईकाजे चेता राहा कि सपाय पवितर लोगमन चो काजे सरलगा गुहार करते राहा,

फिलिप्पियो 1:18

तेबे काय होली? मात्र ऐ कि हर परकार ले, भले बाहाना ले भले सत ले, मसीह चो कथा सुनाया जाऊ आय, आउर मय ऐचो ले हरिक आंसे आउर हरिक रयेंदे बले।

कुलुस्सियो 3:16

मसीह चो बचन के आपलो मन ने जादा ले जादा बसुक दिआस, आउर सीद गिआन संगे गोटक दुसर के सिकाआ आउर जनावा, आउर आपलो-आपलो मन ने अनुग्रह चो संगे माहापुरू चो काजे भजन आउर स्तुति गीत आउर आत्मिक गीत गाहा।

याकूब 5:13

अगर तुमनमन ने कोनी दुखी आसोत, तो हुन पारथना करो। अगर हरिक आसे, तेबे हुन स्तुति चो भजन गाओ।

यहूदा 1:20

मान्तर हे लाडरामन, तुमी आपलो खुबे पवितर बिश्वास ने उन्नती करते-करते आउर पवितर आत्मा ने पारथना करते-करते,