1 कुरिन्थियो 13:5 - Halbi

⁵ हुन अनरीति नी चले, हुन आपलो भलाई नी चाहायें, चिड़बीड़ाय नी होये, खराप नी माने।

परमेस्वर को सच्चो वचन ख जाननू

⁵ उ अनरीति नी चल्ये हैं, उ अपनी भलो नी चय्हे, हैं झुझलाता नी हैं, बुरो नी माना हैं।

1 कुरिन्थियो 13:5 ပူးပေါင်းရင်းမြစ်များ

मत्ती 5:22

मान्तर मय तुमचो ले ऐ बलेंसें कि जोन कोनी आपलो भाई उपरे रीस करेदे, हुन कचरी ने डण्ड चो लायक होयेदे, आउर जोन कोनी आपलो भाई के ठग बलेदे हुन बड़े सभा ने डण्ड लायक होयदे; आउर जोन कोनी बलेदे ‘अरे मुरक’ हुन नरक चो आईग चो डण्ड चो लायक होयेदे।

मत्ती 9:4

ईशु हुनमन चो मन चो गोठमन जानुन भाती बल्लो, “तुमीमन आपलो-आपलो मन ने खराप बिचार केंव करेसास?

मरकुस 3:5

हुन हुनमन चो मन चो कटर ले मुरमुरा होऊन भाती, हुनमन के रिस ले चारो बाटे दकलो, आउर हुन माने ले बल्लो, “आपलो हाथ लमाव।” हुन लमालो, आउर हुनचो हाथ अच्छा होली।

लूका 7:39

ऐ दकुन हुन फरीसी जोन हुनके हाग देऊन रलो, आपलो मन ने बिचारूक मुरयालो, “अगर ऐ अगम गिआनी होतो तेबे तो जानतो कि ऐ जोन हुनके छिंयें से, हुन कोन आउर कसन बायले लेकी आय, कसनबल्लोने हुन तो पापीन आय।”

1 कुरिन्थियो 10:24

कोनी आपन चो नुकु के नाई, मान्तर दुसरमन चो नुकु के डगरा ओ।

1 कुरिन्थियो 10:33

जसन मय बले सपाय गोठमन ने सपाय के हरिक संगाऊ आय, आउर आपलो नाई मान्तर खुबेमन चो लाब डगराऊ आंय कि हुनमन मुक्ति पाओत।

1 कुरिन्थियो 11:18

कसनबल्लोने पयले तो मय ऐ सुनु आंय, कि जिदलदाय तुमी कलीसिया ने रूंडा होऊ आस तेबे तुमनमन ने फुट होऊ आय, आउर मय ऐ थाने खिन्डिक-खिन्डिक बिश्वास बले करूं आंय।

1 कुरिन्थियो 12:25

बल्ले देंह ने फूट नी पड़ो, मान्तर धड़ गोटक दुसर चो बराबर चिन्ता करोत।

1 कुरिन्थियो 7:36

अगर कोनी ऐ समजो कि मय आपलो हुन कुंआरी चो हक मारे से, जेचो उमर घटे से, आउर जरूरी बले होओ, तेबे जसन चाह ले हुसन करो, ऐ थाने पाप निआय, हुन हुनचो बिहा होऊक देओ।

2 कुरिन्थियो 5:19

बल्लोने माहापुरू मसीह ने होऊन भाती आमके आपलो संगे संवसार चो मिला-मिसा करलो, आउर हुनमन चो अपराधमन चो दोष हुनमन उपरे नी लगालो, आउर हुन मिला-मिसा चो बचन आमके सोपुन दिलोसे।

गलातियो 5:13

हे भाईमन, तुमी छुटछाड़ाया होतो काजे हाग दिया गेलासास; मान्तर असन नी होओ कि ये छुटछाड़ा देंह चो काममन काजे मवका बनो, मान्तर मया ले गोटक दुसर चो दास बना।

फिलिप्पियो 2:21

कसनबल्लोने सपाय आपलो मतलब चो डगर ने रऊ आत, ना कि ईशु मसीह चो।

फिलिप्पियो 4:8

ऐईकाजे हे भाईमन, जोन-जोन गोठमन सत आय, आउर जोन-जोन गोठमन ईजीत चो लायक आय, आउर जोन-जोन गोठमन ठीक आय, आउर जोन-जोन गोठमन पवितर आय, आउर जोन-जोन गोठमन सुन्दर आय, आउर जोन-जोन गोठमन मन के भावतो लायक चो आय, बल्लोने जोन बले अच्छा गुन आउर हरिक चो गोठमन आय हुनमन थाने धिआन लगाया करा।

2 थिस्सलुनीकियो 3:7

कसनबल्लोने तुमी खुद ची जानेसास कि कोन रीति ले आमचो असन चाल चलतोर आय, कसनबल्लोने आमी तुमचो मंजी ने खराप चाल नी चलु,

2 तीमुथियुस 2:10

ऐई लागुन मय चुनलो लोगमन चो काजे सपाय काई सहु आंय कि हुनमन बले हुन मुक्ति के जोन मसीह ईशु ने आसे अमर महिमा चो संगे पाओत।

2 तीमुथियुस 4:16

मोचो पईले जबाप चो जबाप समया कोनी बले मोचो साथ नी दिला, मान्तर सपाय मोके छांडुन देऊ रओत। अच्छा होओ कि ऐचो हुनमन के लेखा देऊक नी पड़ो!

याकूब 1:19

ऐ मोचो लाड़रा भाईमन, ऐ गोठ तुमी जाना, हरकोनी माने सुनतो काजे झटके आउर बोलतो ने धीरान आउर रीस ने धीरे हुआ,