1 कुरिन्थियो 13:4 - Halbi

⁴ मया धीरजवान आय, आउर किरपालु आय; मया डाहा नी करे; मया आपलो बड़ाई नी करे, आउर फुलु नुआय,

परमेस्वर को सच्चो वचन ख जाननू

⁴ प्रेम सान्त रह हैं; अऊर दयालु रह हैं; प्रेम डाह नी करिये हैं: प्रेम अपनी बड़ाई नी करिये हैं अर घमण्ड नी करिये हैं,

1 कुरिन्थियो 13:4 ပူးပေါင်းရင်းမြစ်များ

मत्ती 27:18

कसनबल्लोने हुन जानते रलो कि हुनमन हुनके कपट ले धराला से।

प्रेरितो 7:9

“कुल पतिमन यूसुफ ले इरका होऊन हुनके मिस्र देश जातो बितामन चो हाथे बिकला; मान्तर माहापुरू हुनचो संगे रलो।”

रोमियो 1:29

ऐईकाजे हुनमन सपाय परकार चो अधरम, आउर दुष्ट, आउर लोभ, आउर बयर ले भरला; आउर डाह, आउर हत्या, आउर झगड़ा, आउर छंद, आउर कुचर ले भरपूर होला, आउर खुदेयार,

रोमियो 13:13

जसन दिन के फोबु आय, असने ची आमी सीदा चाल चलु, ना कि खेला बुला, आउर मतवारीपन ने, ना बेबीचार, आउर ढीला ढाला ने, आउर ना झगड़ा आउर कुचर ने।

1 कुरिन्थियो 3:3

कसनबल्लोने ऐबले शारीरिक आस। ऐईकाजे कि जसन तुमचो थाने डाह आउर झगड़ा आसे, तो काय तुमी शारीरिक नुआस? आउर काय देंह चो रीति थाने नी चलास?

1 कुरिन्थियो 4:18

कितलो तो असन फुलुन गेला से, माना मय तुमचो लगे ऐतोर ची नाई।

1 कुरिन्थियो 4:6

हे भाईमन, मय ऐ गोठमन ने तुमचो काजे आपलो आउर अपुल्लोस चो चरचा कहनी चो रीति थाने करले से, ऐईकाजे कि तुमी आमचो दुवारा ऐ सिका कि लिकलो बिती ले पुरे नी बड़ा, आउर गोटक चो पक्ष ने आउर दुसर चो बिरूद ने गर्व नी करा।

1 कुरिन्थियो 5:2

आउर तुमी दुक तो नी करास, जेचो ले असन काम करतो बिता तुमचो मंजी थानले निकराया जातो, मान्तर घमण्ड करू आहास।

1 कुरिन्थियो 8:1

अदायं मुरतीमन चो पुरे पुजलो बिती तीजमन चो बारे ने आमी जानु से कि आमी सपाय के गिआन आसे। गिआन घमण्ड पयदा करू आय, मान्तर मया ले उन्नति होऊ आय।

2 कुरिन्थियो 12:20

कसनबल्लोने मोके डर आसे, काहांय असन नी होओ कि मय ऐऊन भाती जसन चाहें से, हुसन तुमके नी पायें; आउर मोके बले जसन तुमी नी चाहस हुसनी ची पाहा; आउर तुमीमन ने झगड़ा, डाह, रीस, बिरूद, इरका, खुद, घमण्ड आउर झनझट होओ;

2 कुरिन्थियो 6:6

पवितरता ले, गिआन ले, धीरज ले, किरपा ले, पवितर आत्मा ले,

गलातियो 5:26

आमी घमण्डी होऊन भाती ना गोटक दुसर के उड़साऊ, आउर ने गोटक दुसर ले डाह करूं।

इफिसीयो 4:2

बल्लोने पूईतराय दिनता आउर नम्रता संगे, आउर धीरज धरून भाती मया ले गोटक दुसर चो सहा;

इफिसीयो 4:32

गोटक दुसर उपरे किरपालु आउर करूनामय हुआ, आउर जसन माहापुरू मसीह ने तुमचो अपराध छमा करलो, असने ची तुमी बले गोटक दुसर चो अपराध छमा करा।

फिलिप्पियो 1:15

कितलो तो डाह आउर झगड़ामन चो लागुन मसीह चो परचार करू आत आउर कितलो अच्छा इच्छा ले।

कुलुस्सियो 1:11

हुनचो महिमा चो शक्ति चो अनुसार सपाय परकार चो सामरत ले बलवन्त होते जाहा, ऐथा ले कि हरिक चो संगे हर परकार ले धीरज आउर सयनशक्ति दकाऊक सका,

कुलुस्सियो 2:18

कोनी माने दीनता आउर सरग दूतमन चो पुजा कराऊन तुमके दौड़ चो करलो फल ले धुर नी करोत। असन माने दकलो बिती गोठमन ने लगुन रऊ आय आउर आपलो देंह चो समज थाने फोकाहा फुलु आय,

कुलुस्सियो 3:12

ऐईकाजे माहापुरू चो चुनलो बितामन चो असन जोन पवितर आउर लाड़रा आय, बड़े करूना, आउर भलाई, आउर दिनता, आउर नम्रता, आउर सयनशक्ति धारन करा,

1 थिस्सलुनीकियो 5:14

हे भाईमन, आमी तुमके समजाऊँ से कि जोन अच्छा चाल नी चलोत हुनमन के समजाहा, डरहामन के हिम्मत दिआस, बलनाहलो लोग के सम्भाला, सपाय चो बाटे सयनशक्ति दकाहा।

1तीमुथियुस 6:4

तेबे हुन घमडिही होऊन गेलो, आउर काई नी जाने; मान्तर हुनके बिवाद आउर शब्दमन थाने तर्क करातोर रोग आसे, जेचो ले डाहा, आउर झगड़ामन, आउर निन्दा चो गोठमन आउर खराप-खराप संका,

2 तीमुथियुस 2:25

हुन बिरूदीमन के नम्रता ले समजाओ, काय जाने माहापुरू हुनमन के मन फिराव चो मन देओ कि हुनमन बले सत के चिता ओत,

2 तीमुथियुस 3:10

मान्तर तुय उपदेश, चाल-चलन, मनसा, बिश्वास, सयनशक्ति, मया, धीरज आउर कन्दराया जातोर, आउर दुख उठातो ने मोचो सात दिलीस;

2 तीमुथियुस 4:2

कि तुय बचन चो परचार कर, समया आउर असमया तिआर रा, सपाय परकार चो सयनशक्ति आउर सिक्या चो संगे उलाहना देस आउर खिज आउर समजाव।

तीतुस 3:3

कसनबल्लोने आमी बले पयले निरबुद्धि, आउर हुकुम नी मानतो बिता आउर भरम ने पडुन आउर नाना परकार चो मनमानीमन आउर सुक बिलास चो गुलामी ने रलु, आउर बईर, आउर डाह करतो ने जीवना बीताते रलु, आउर घिन-घिना रलु, आउर गोटक दुसर ले बईर संगाते रलु।

याकूब 4:5

काय तुमी ऐ समजु आस कि पवितर शास्त्र फकाहा बोलु आय, “जोन आत्मा के हुन आमचो भीतरे बसालो से, काय हुन असने लालच करू आय जेचो करलो फल कुचर होओ”?

1 पतरस 2:1

ऐईकाजे सपाय परकार चो बईरभाव आउर छंद आउर कपट आउर कुचर आउर निन्दा के दूर करून,

1 पतरस 3:8

आउर सपाय चो सपाय गोटक मन आउर किरपामय आउर भाईचारा चो लाड़ संगातो बितामन, आउर करूनामय आउर सोज बना।

1 पतरस 4:8

सपाय ले बड़ीया गोठ ऐ आय कि गोटक दुसर ले खुबे मया संगाहा, कसनबल्लोने मया कईं पापमन के ढ़ापुन देऊ आय।

2 पतरस 1:7

आउर भक्ति थाने भाईचारा चो लाड़, आउर भाईचारा चो लाड़ थाने मया बड़ाते जाहा।

1यूहन्ना 4:11

हे लाड़रामन जिदलदाय माहापुरू आमचो ले असन मया करलो, तेबे आमके बले आपस ने मया संगातोर आय।