1 कुरिन्थियो 13:13 - Halbi

¹³ मान्तर अदायं बिश्वास, आशा, मया ऐ तीनो थीर आय, मान्तर ऐ मन ने सपाय ले बड़े मया आय।

परमेस्वर को सच्चो वचन ख जाननू

¹³ पर अब भरोसा से, आसा प्रेम यी तीन हन मजबूत हैं, पर इन म से सब से बड़ो प्रेम हैं।

1 कुरिन्थियो 13:13 ပူးပေါင်းရင်းမြစ်များ

लूका 10:27

हुन जबाप दिलो, “तुय परबु आपलो माहापुरू ले आपलो पुईतराय मन आउर आपलो पुईतराय जीव आउर आपलो पुईतराय शक्ति आउर आपलो पुईतराय अकल चो संगे मया संगाव; आउर आपलो अड़स-पड़स चो लोग ले आपलो समान मया संगाव।”

लूका 22:32

मान्तर मय तुचो काजे गुहार करले कि तुचो बिश्वास जाते नी रओ; आउर जिदलदाय तुय फिर से, तेबे आपलो भाईमन के थीर कर।”

रोमियो 15:13

माहापुरू जोन आशा चो देऊ बिता आय तुमके बिश्वास करतो ने सपाय परकार चो हरिक आउर शान्ति ले भरपूर करो, कि पवितर आत्मा चो सामरत ले तुमचो आशा बाड़ते जाओ।

1 कुरिन्थियो 14:1

मया चो अनुकरन करा, आउर आत्मिक बरमन चो बले धुन ने राहा, खास करून ऐ कि अगम गोठ करा।

1 कुरिन्थियो 16:14

जोन काई करू आस मया ले करा।

1 कुरिन्थियो 3:14

जेचो काम हुनचो थाने बनुन थीर रये दे, हुन भुती पाये दे।

1 कुरिन्थियो 8:1

अदायं मुरतीमन चो पुरे पुजलो बिती तीजमन चो बारे ने आमी जानु से कि आमी सपाय के गिआन आसे। गिआन घमण्ड पयदा करू आय, मान्तर मया ले उन्नति होऊ आय।

1 कुरिन्थियो 8:3

मान्तर अगर कोनी माहापुरू ले मया संगाऊ आय, तेबे माहापुरू हुनके चिताऊ आय।

2 कुरिन्थियो 5:10

कसनबल्लोने जरूरी आय कि आमी सपाय चो हाल मसीह चो नियाय आसन चो पुरे खुलुन जाओ, कि हरकोनी माने आपलो-आपलो अच्छा खराप काममन चो पलटा जोन हुन देंह चो दुवारा करलो से पाओ।

2 कुरिन्थियो 5:15

आउर हुन ऐईकाजे सपाय चो काजे मरलो कि जोन जीव आसोत, हुनमन पयले ले आपलो काजे नी जीओत मान्तर हुनचो काजे जोन हुनमन काजे मरलो आउर फेर जीव उठलो।

गलातियो 5:6

मसीह ईशु ने ना खतना आउर ना खतना नी करलो काई काम चो आय, मान्तर मात्र बिश्वास, जोन मया चो बाटले असर डालु आय।

फिलिप्पियो 1:9

मय ऐ पारथना करें से कि तुमचो मया गिआन आउर सपाय परकार चो बिबक संगे आउर बले बड़ते जाओ,

कुलुस्सियो 1:27

जोन थाने माहापुरू परकट करतोर चाह लो कि हुनमन के मालुम होओ कि दुसर जातिमन ने हुन भेद चो महिमा चो किमत काय आय, आउर हुन ऐ आय कि मसीह जोन महिमा चो आशा आय तुमचो ने रऊ आय।

कुलुस्सियो 1:5

हुन आशा करलोर बिती तीज चो लागुन जोन तुमचो काजे सरग ने संगालोर आसे, जेचो बरनन तुमी हुन नगतखबर चो सत बचन ले सुनुन चुकलासास,

कुलुस्सियो 3:14

ऐ सपाय चो उपरे मया के जोन सिद्ध चो बांदन आय बान्दा।

1 थिस्सलुनीकियो 1:3

आउर आपलो माहापुरू आउर बुआ चो पुरे तुमचो बिश्वास चो काम, आउर मया चो मसागत, आउर आमचो परबु ईशु मसीह ने आशा चो धीरता के सरलगा, सुरता करूं आंव।

1 थिस्सलुनीकियो 5:8

मान्तर आमी जोन दिन चो आंव, बिश्वास आउर मया चो झिलम पिन्दुन भाती आउर मुक्ति चो आशा चो टोप पिन्दुन भाती खबड़दार राहा।

1तीमुथियुस 1:5

हुकुम चो सारांश ऐ आय कि शुद्धमन आउर अच्छा बिबक, आउर कपट रहित बिश्वास ले मया उपजास होओ।

2 तीमुथियुस 1:7

कसनबल्लोने माहापुरू आमके भय चो नाई मान्तर सामरत आउर मया आउर सहन चो आत्मा दिलो से।

इब्रानियो 10:35

ऐईकाजे आपलो साहास नी छांडा कसनबल्लोने हुनचो करलो फल बड़े आय।

इब्रानियो 10:39

मान्तर आमी गुचतो बिता नुआवं कि नाश होऊन जाऊँ मान्तर बिश्वास करतो बिता आंव कि परानमन के बचाऊं।

इब्रानियो 6:11

मान्तर आमी खुबे चाहाऊं आव कि तुमनमन ले हरकोनी सरोत ले पुरा आशा चो काजे असने ची कोशिश करते रओ।

इब्रानियो 6:19

हुन आशा आमचो परान चो काजे असन लंगर आय जोन थीर आउर मजबूत आय, आउर परदा चो भीतर ले अमरू आय,

1 पतरस 1:21

हुनचो दुवारा तुमी हुन माहापुरू थाने बिश्वास करू आस, जोन हुनके मरलो बितामन थानले जिआलो आउर महिमा दिलो कि तुमचो बिश्वास आउर आशा माहापुरू थाने होओ।

1यूहन्ना 2:10

जोन कोनी आपलो भाई ले मया संगाऊ आय हुन उजर ने रऊ आय, आउर ठोकरना नी खाऊक सके।

1यूहन्ना 2:14

हे बुआमन, मय तुमके ऐईकाजे लिकले से कि जोन मुर ले आसे तुमी हुनके जानुन गेलासास। हे जुआनमन मय तुमके ऐईकाजे लिकले से कि तुमी बलवान हुआ, आउर माहापुरू चो बचन तुमनमन ने बनुन रऊ आय, आउर तुमी हुन दुष्ट थाने जय पावलासास।

1यूहन्ना 2:24

जोन काई तुमी मुर ले सुनलासास, हुनी तुमचो ने बनुन रओ; जोन तुमी मुर ले सुनलासास, अगर हुन तुमचो ने बनुन रओ तेबे तुमी बले बेटा ने आउर बुआ ने बनुन राआ से।

1यूहन्ना 3:3

आउर जोन कोनी हुनचो उपरे ऐ आशा संगाऊ आय, हुन आपन खुद के असने ची पवितर करू आय जसन हुन पवितर आय।

1यूहन्ना 3:9

जोन कोनी माहापुरू ले जनम लो से हुन पाप नी करे, कसनबल्लोने हुनचो बीज हुनचो थाने बनुन रऊ आय, आउर हुन पाप करूक नी सके कसनबल्लोने माहापुरू ले जनम लो से।