1 कुरिन्थियो 13:1 - Halbi

¹ अगर मय मानेमन आउर सरग दूतमन चो बोलीमन बलेंदें आउर मया नी संगायें, तेबे मय ठन ठनातो बिती पीतल आउर झन-झनातो बिती झांझ आंय।

परमेस्वर को सच्चो वचन ख जाननू

¹ अदि मी अदमी हुन अऊर स्वर्गदूत हुन की जसो बोलू अऊर प्रेम नी रखूँ, ते मी ठनठनातो पीतल, अऊर झंझनाती हुई झाँझ हैं।

1 कुरिन्थियो 13:1 ပူးပေါင်းရင်းမြစ်များ

मत्ती 25:45

तेबे हुन हुनमन के जबाप देयेदे, ‘मय तुमचो ले सते बलेंसें कि तुमी जोन ऐ नानी ले नानीमन थानले कोनी गोटक चो संगे नी करलास, हुन मोची संगे बले नी करला।’

मरकुस 16:17

बिश्वास करतो बितामन ने ऐ चिना हो दे कि हुनमन मोचो नाव ले दुष्टआत्मामन के निकरा दे, नवा-नवा भाषा बोल दे,

रोमियो 14:15

अगर तुचो भाई तुचो भात चो कारन मुरमुरा होऊ आय, तो फेर तुय मया चो रीति ले नी चलीस; जेचो काजे मसीह मरलो, हुनके तुय आपलो भात चो कारन नष्ट नी कर।

1 कुरिन्थियो 12:10

फेर कोनी के सामरत चो काम करतोर शक्ति, आउर कोनी के अगम गोठ चो, आउर कोनी के आत्मामन चो परक, आउर कोनी के अनेक परकार चो भाषा, आउर कोनी के भाषामन चो अरत सांगतोर।

1 कुरिन्थियो 12:16

आउर अगर कान बोलो, “मय आँईक नुआय, ऐईकाजे देंह चो नुआय,” तेबे काय हुन ऐ लागुन देंह चो नुआय?

1 कुरिन्थियो 12:8

कसनबल्लोने गोटक के आत्मा चो दुवारा अकल चो गोठमन दिया जाऊ आय, आउर दुसर के हुनी आत्मा चो अनुसार गिआन चो गोठमन।

1 कुरिन्थियो 13:8

मया केबे गुचु नुआय; अगम गोठ होओ, तो सरून जाये दे; भाषामन होओ, तो जाते रयदे; गिआन होओ, तो मेटून जायेदे।

1 कुरिन्थियो 14:2

कसनबल्लोने जोन दुसर भाषा ने गोठयाऊ आय हुन मानेमन ले नाई मान्तर माहापुरू ले गोठयाऊ आय; ऐईकाजे कि हुनचो गोठमन कोनी नी समजोत, कसनबल्लोने हुन भेद चो गोठमन आत्मा ने होऊन भाती बोलु आय।

1 कुरिन्थियो 14:4

जोन दुसर भाषा ने गोठयाऊ आय, हुन आपली ची उन्नती करू आय; मान्तर जो अगम गोठ करू आय, हुन कलीसिया चो उन्नती करू आय।

1 कुरिन्थियो 14:5

मय चाहायें से कि तुमी सपाय दुसर भाषामन ने गोठयाआ मान्तर ऐचो ले आगर ऐ चाहायें से कि अगम गोठ करा: कसनबल्लोने अगर दुसर भाषामन बोलतो बिता कलीसिया चो उन्नती काजे अनुवाद नी करे तो अगम गोठ करतो बिता हुनचो ले बडुन भाती आय।

1 कुरिन्थियो 8:1

अदायं मुरतीमन चो पुरे पुजलो बिती तीजमन चो बारे ने आमी जानु से कि आमी सपाय के गिआन आसे। गिआन घमण्ड पयदा करू आय, मान्तर मया ले उन्नति होऊ आय।

2 कुरिन्थियो 12:4

कि सरग लोग थाने उठाऊन निया गेलो, आउर असन गोठमन सुनले जोन बोलतोर नुआय; आउर जेचो मुंह थाने आनतोर माने के नगत नुआय।

गलातियो 5:22

मान्तर आत्मा चो फल मया, हरिक, शान्ति, धीरज, किरपा, भलाई, बिश्वास,

गलातियो 5:6

मसीह ईशु ने ना खतना आउर ना खतना नी करलो काई काम चो आय, मान्तर मात्र बिश्वास, जोन मया चो बाटले असर डालु आय।

1तीमुथियुस 1:5

हुकुम चो सारांश ऐ आय कि शुद्धमन आउर अच्छा बिबक, आउर कपट रहित बिश्वास ले मया उपजास होओ।

1 पतरस 4:8

सपाय ले बड़ीया गोठ ऐ आय कि गोटक दुसर ले खुबे मया संगाहा, कसनबल्लोने मया कईं पापमन के ढ़ापुन देऊ आय।

2 पतरस 2:18

हुनमन फकाहा घमण्ड चो गोठमन करून-करून भाती ढीलाढाला चो काममन चो दुवारा, हुन लोगमन के देंह चो मनमानीमन ने फसाऊन धरू आत जोन भुलकलो लोगमन थानले ऐबे ची निकरे सोत।

प्रकाशितवाक्य 14:2

आउर सरग ले मोके गोटक असन शब्द सुना दिली जोन पानी चो खुबे धारमन आउर बड़े गरजन चो असन शब्द रये, आउर जोन शब्द मय सुनले हुन असन रये माना बीणा बजातो बितामन बीणा बजाय सोत।