1 कुरिन्थियो 12:8 - Halbi

⁸ कसनबल्लोने गोटक के आत्मा चो दुवारा अकल चो गोठमन दिया जाऊ आय, आउर दुसर के हुनी आत्मा चो अनुसार गिआन चो गोठमन।

परमेस्वर को सच्चो वचन ख जाननू

⁸ काहेकि एक आत्मा का दुवारा समझ कि बात हुन दी जाए हैं, अऊर दुसरा ख ओकी आत्मा का जसो समझदार कि बात करिये हैं।

1 कुरिन्थियो 12:8 ပူးပေါင်းရင်းမြစ်များ

मत्ती 13:11

हुन जबाप दिलो, “तुमके सरग राज चो भेदमन चो समज दिया गेली से, मान्तर हुनमन के नाई।

प्रेरितो 6:3

ऐईकाजे हे भाईमन, आपलो थानले सात सुनाम मानेमन के जोन पवितर आत्मा आउर अकल ले समपूरन होओ, चुना, कि आमी हुनमन के ऐ काम थाने ठेबाऊन देऊ

रोमियो 15:14

हे मोचो भाईमन, मय खुद तुमचो बारे ने जरूर जाने से कि तुमी बले खुद ची भलाई ले भरा आउर माहापुरू गिआन ले भरपूर हुआ, आउर गोटक दुसर के जनाऊक सकास।

1 कुरिन्थियो 1:30

मान्तर हुनचेई बाटले तुमी मसीह ईशु ने आसास, जोन माहापुरू चो बाटले आमचो काजे गिआन थेबलो, बल्लोने धरम, आउर पवितरता, आउर छुटकारा;

1 कुरिन्थियो 1:5

कि हुन थाने होऊन भाती तुमी हर गोठ ने, बल्लोने पुईतराय बचन आउर पुईतराय गिआन ने सवकार कराय गेलास

1 कुरिन्थियो 13:2

आउर अगर मय अगम गोठ करूक सकें दें आउर सपाय भेदमन आउर सपाय परकार चो गिआन के समजेंदें, आउर मोके ऐथा ले पुरा बिश्वास होओ कि मय डोंगरीमन के गुचाऊन देयेंदे, मान्तर मया नी संगायें, तो मय काईची बले नुआय।

1 कुरिन्थियो 13:8

मया केबे गुचु नुआय; अगम गोठ होओ, तो सरून जाये दे; भाषामन होओ, तो जाते रयदे; गिआन होओ, तो मेटून जायेदे।

1 कुरिन्थियो 14:26

ऐईकाजे हे भाईमन, काय करतोर आसे? जिदलदाय तुमी रूंड़ा होऊ आस, तेबे हरकोनी चो मन ने भजन नाहले उपदेश नाहले दुसर भाषा नाहले उजर नाहले दुसर भाषा चो अरत सांगतोर रऊ आय। सपाय काई आत्मिक उन्नती चो काजे होतोर आसे।

1 कुरिन्थियो 14:6

ऐईकाजे हे भाईमन, अगर मय तुमचो लगे ऐऊन भाती दुसर भाषामन ने गोठयायें दे, आउर उजर नाहले गिआन नाहले अगम गोठ नाहले उद्देश्य चो गोठमन तुमनमन ले नी बोलें, तेबे मोचो ले तुमके काय फायदा होयेदे?

1 कुरिन्थियो 2:11

मानेमन थानले कोन कोनी माने चो गोठमन जानु आय, मात्र माने चो आत्मा जोन हुन थाने आसे? असने ची माहापुरू चो गोठमन बले कोनी नी जानोत, मात्र माहापुरू चो आत्मा।

1 कुरिन्थियो 2:16

“कसनबल्लोने परबु चो मन कोन जानला से कि हुनके सिका ओ?” मान्तर आमीमन ने मसीह चो मन आसे।

2 कुरिन्थियो 1:12

कसनबल्लोने आमी आपलो बिबक चो ऐ गोहई थाने घमण्ड करूं से, कि जगत ने आउर खास करून तुमचो मंजी, आमचो गुन माहापुरू चो लायक असन पवितरता आउर सत संगे रये, जोन शारीरिक गिआन ले नाई मान्तर माहापुरू चो अनुग्रह चो संगे रये।

2 कुरिन्थियो 11:6

अगर मय जबापदारी ने अनाड़ी आंय, तेबले बले गिआन ने नाई। आमीमन ऐके सपाय गोठ ने सपाय परकार ले तुमचो काजे परकट करलु से।

2 कुरिन्थियो 2:14

मान्तर माहापुरू चो धन्यबाद होओ जोन मसीह ने सदा आमके जय चो हरिक ने धरून फिरू आय, आउर आपलो गिआन चो बास आमचो बाटले हर जगा फयलाऊ आय।

2 कुरिन्थियो 4:6

ऐईकाजे कि माहापुरू ची आय, जोन बल्लो, “अंधार थानले उजर बरो,” आउर हुनी आमचो मन-मन ने बरली कि माहापुरू चो महिमा चो पयचान चो उजर ईशु मसीह चो थोमना ले उजर होओ।

2 कुरिन्थियो 6:6

पवितरता ले, गिआन ले, धीरज ले, किरपा ले, पवितर आत्मा ले,

2 कुरिन्थियो 8:7

ऐईकाजे जसन तुमी हर गोठ ने बल्लोने बिश्वास, बचन, गिआन आउर सपाय परकार चो कोशिश ने, आउर हुन मया ने जोन आमचो ले संगाऊ आस, बाड़ते जाऊ आस, असने ची ऐ दान चो काम ने बले बाड़ते जाआ।