1 कुरिन्थियो 12:28 - Halbi

²⁸ आउर माहापुरू कलीसिया ने अलग-अलग माने तिआर करलो से; पयला पठालोबिता, दुसर अगम गिआनी, तीसर गुरजी, फेर सामरत चो काम करतो बितामन, फेर चेंगा करतो बितामन, आउर उपकार करतो बितामन, आउर जुगाड़ करतो बितामन, आउर नाना परकार चो भाषा बोलतो बितामन।

परमेस्वर को सच्चो वचन ख जाननू

²⁸ अदि परमेस्वर न कलीसिया हुन म अलग अलग अदमी नियुक्‍त करियो हैं: पहले प्रेरित, दूसरो भविस्यवक्ता, तीसरो सिखान वालो, फिर सक्ति को काम करन वालो, फिर चोक्खो करन वाला, अऊर उपकार करन वाला, अऊर प्रबधन करन वाला, अऊर अलग अलग भासा बोलन वाला;

1 कुरिन्थियो 12:28 ပူးပေါင်းရင်းမြစ်များ

मरकुस 16:17

बिश्वास करतो बितामन ने ऐ चिना हो दे कि हुनमन मोचो नाव ले दुष्टआत्मामन के निकरा दे, नवा-नवा भाषा बोल दे,

लूका 6:14

आउर हुनमन ऐ आत: शिमोन जेचो नाव हुन पतरस बले संगालो, आउर हुनचो भाई अन्द्रियास, आउर याकूब, आउर यूहन्ना, आउर फिलिप्पुस, आउर बरतुल्मय,

प्रेरितो 11:27

हुनी दिनमन ने कितलो अगम गिआनी यरूशलेम ले अन्ताकिया ईला।

प्रेरितो 20:28

ऐईकाजे आपलो आउर पुईतराय गोहड़ी चो राका करा जोन थाने पवितर आत्मा तुमके अध्यक्ष ठेबालो से, कि तुमी माहापुरू चो कलीसिया चो राका करा, जोन के हुन आपलो लऊ ले घेनलो से।

1 कुरिन्थियो 10:32

तुमी ना यहूदीमन, ना यूनानीमन, आउर ना माहापुरू चो कलीसिया चो काजे ठोकर चो कारन बना।

1 कुरिन्थियो 12:18

मान्तर सतसत माहापुरू धड़मन के आपलो इच्छा चो अनुसार गोटक-गोटक करून देंह ने संगालो से।

1 कुरिन्थियो 12:29

काय सपाय पठालोबिता आत? काय सपाय अगम गिआनी आत? काय सपाय उपदेशक आत? काय सपाय सामरत चो काम करतो बितामन आत?

1 कुरिन्थियो 12:30

काय सपाय के चेंगा करतोर बर मिरली से? काय सपाय नाना परकार चो भाषा बोलु आत?

1 कुरिन्थियो 14:2

कसनबल्लोने जोन दुसर भाषा ने गोठयाऊ आय हुन मानेमन ले नाई मान्तर माहापुरू ले गोठयाऊ आय; ऐईकाजे कि हुनचो गोठमन कोनी नी समजोत, कसनबल्लोने हुन भेद चो गोठमन आत्मा ने होऊन भाती बोलु आय।

1 कुरिन्थियो 14:4

जोन दुसर भाषा ने गोठयाऊ आय, हुन आपली ची उन्नती करू आय; मान्तर जो अगम गोठ करू आय, हुन कलीसिया चो उन्नती करू आय।

1 कुरिन्थियो 14:5

मय चाहायें से कि तुमी सपाय दुसर भाषामन ने गोठयाआ मान्तर ऐचो ले आगर ऐ चाहायें से कि अगम गोठ करा: कसनबल्लोने अगर दुसर भाषामन बोलतो बिता कलीसिया चो उन्नती काजे अनुवाद नी करे तो अगम गोठ करतो बिता हुनचो ले बडुन भाती आय।

इफिसीयो 2:20

आउर पठालोबिता आउर अगम गिआनीमन चो पाया थाने, जेचो कोना चो पकना मसीह ईशु खुद ची आय, बनाया गेलासास।

इफिसीयो 3:5

जोन दुसर समयामन ने मानेमन चो पिलामन के असन नी सांगा जाऊ रये, जसन कि आत्मा चो दुवारा अदायं हुनचो पवितर पठालोबितामन आउर अगम गिआनीमन उपरे परकट कराय गेली से।

1तीमुथियुस 5:17

जोन सियान अच्छा जुगाड़ करू आत, खास करून हुनमन जोन बचन सुनातोर आउर सिकातोर थाने मसागत करू आत, दुय गुना ईजीत चो लायक समजा जाओत।

इब्रानियो 13:17

आपलो अगुवामन चो हुकुम माना आउर हुनमन चो अधीन राहा, कसनबल्लोने हुनमन-हुनमन चो असन तुमचो जीवमन चो काजे चेता रऊ आत जोनमन के लेखा देऊक पड़ेदे; हुनमन ऐ काम हरिक ले करोत, ना सितर फुंडा धरून-धरून भाती, कसनबल्लोने ऐ दसा ने तुमके काई लाब निआय।

इब्रानियो 13:24

आपलो सपाय अगुवामन आउर सपाय पवितर लोगमन के जुहार बोला। इटली बितामन तुमके जुहार बले सोत।