1 कुरिन्थियो 12:18 - Halbi

¹⁸ मान्तर सतसत माहापुरू धड़मन के आपलो इच्छा चो अनुसार गोटक-गोटक करून देंह ने संगालो से।

परमेस्वर को सच्चो वचन ख जाननू

¹⁸ पर सही म परमेस्वर न अपनी मर्जी का जसो हर एक सरीर म जगह दियो हैं।

1 कुरिन्थियो 12:18 ပူးပေါင်းရင်းမြစ်များ

लूका 10:21

हुदलीदाय हुन पवितर आत्मा ने होऊन भाती खुशी ले भरून गेलो, आउर बल्लो, “हे बुआ, सरग आउर धरतनी चो परबु, मय तुचो धन्यबाद करें से कि तुय ऐ गोठमन के गिआनिमन आउर समजदारमन ले लुकाऊन संगालीस, आउर लेकामन उपरे उजागर करलीस। हव, हे बुआ, कसनबल्लोने तुके ऐई अच्छा लागली।

लूका 12:32

“हे नानी गोहड़ी, नी डर; कसनबल्लोने तुमचो बुआ के ऐ भावली से, कि तुमके राज देओ।

रोमियो 12:3

कसनबल्लोने मय हुन अनुग्रह चो कारन जोन मोके मिरली से, तुमचो थानले हरकोनी के बलें सें कि जसन समजातोर जरूरी आय हुनचो ले बडुन भाती कोनी बले आपन खुद के नी समजो; मान्तर जसन माहापुरू हरकोनी के बिश्वास सबुत चो अनुसार बाटुन दिलो से, असने ची सुअकल चो संगे खुद के समजो।

रोमियो 12:6

जिदलदाय कि हुन अनुग्रह चो अनुसार जोन आमके दिआय गेली से, आमके अलग-अलग बरदान मिरली से, तेबे जोन के अगम गोठ चो दान मिरली से, हुन बिश्वास चो सबुत चो अनुसार अगम गोठ करो;

1 कुरिन्थियो 12:11

मान्तर ऐ सपाय असरदार काम हुनी गोटक आत्मा करू आय, आउर जोन के जोन चाहाऊं आय हुन बाटुन देऊ आय।

1 कुरिन्थियो 12:17

अगर पूईतराय देंह आँईक ची होती तो सुनतोर काहां होती? अगर पूईतराय देंह कान ची होती तेबे सुंगतोर काहां होती?

1 कुरिन्थियो 12:19

अगर हुनमन सपाय गोटक ची धड़ होता, तेबे देंह काहां ले होती?

1 कुरिन्थियो 12:24

फेर बले आमचो सोभाबिती धड़मन के ऐचो जरूरत निआय। मान्तर माहापुरू देंह के असन बनाऊन दिलो से कि जोन धड़ के मान चो कमी रली हुनी के आउर बले खुबे मान मिरो।

1 कुरिन्थियो 12:28

आउर माहापुरू कलीसिया ने अलग-अलग माने तिआर करलो से; पयला पठालोबिता, दुसर अगम गिआनी, तीसर गुरजी, फेर सामरत चो काम करतो बितामन, फेर चेंगा करतो बितामन, आउर उपकार करतो बितामन, आउर जुगाड़ करतो बितामन, आउर नाना परकार चो भाषा बोलतो बितामन।

1 कुरिन्थियो 15:38

मान्तर माहापुरू आपलो इच्छा चो अनुसार हुनके देंह देऊ आय, आउर हरकोनी बीज के हुनचो खास देंह।

1 कुरिन्थियो 3:5

अपुल्लोस काय आय? आउर पौलुस काय आय? मात्र सेवक, जेचो दुवारा तुमी बिश्वास करलास, जसन हरकोनी के परबु दिलो।

इफिसीयो 1:5

आउर आपलो इच्छा चो नुकु इच्छा चो अनुसार आमके आपलो काजे पयले ठेबालो कि ईशु मसीह चो दुवारा आमी हुनचो हकदार बेटा होऊँ,

इफिसीयो 1:9

कसनबल्लोने हुन आपलो इच्छा चो भेद हुन नुकु इच्छा चो अनुसार आमके सांगलो, जेके हुन आपन खुद ठानुन रये

प्रकाशितवाक्य 4:11

“हे आमचो परबु आउर माहापुरू, तुय ची महिमा आउर ईजीत आउर सामरत चो लायक आस; कसनबल्लोने तुय ची सपाय तीजमन बनालीस आउर हुनमन तुचीई इच्छा ले रली आउर बनाया गेली।”