1 कुरिन्थियो 12:10 - Halbi

¹⁰ फेर कोनी के सामरत चो काम करतोर शक्ति, आउर कोनी के अगम गोठ चो, आउर कोनी के आत्मामन चो परक, आउर कोनी के अनेक परकार चो भाषा, आउर कोनी के भाषामन चो अरत सांगतोर।

परमेस्वर को सच्चो वचन ख जाननू

¹⁰ फिर कोई ओकी ख सक्ति को काम करन की ताकत, अऊर कोई ख भविस्यव्दाणी की, अऊर कुई ख आत्मा हुन की जाँच कोई ख हर एक तरीका को भासा, अऊर कोई ख भासा हुन को मतलब बतानू देवा हैं।

1 कुरिन्थियो 12:10 ပူးပေါင်းရင်းမြစ်များ

मरकुस 16:17

बिश्वास करतो बितामन ने ऐ चिना हो दे कि हुनमन मोचो नाव ले दुष्टआत्मामन के निकरा दे, नवा-नवा भाषा बोल दे,

मरकुस 16:20

आउर हुनमन निकरून भाती हरकोनी जगा परचार करला, आउर परबु हुनमन संगे काम करते रलो, आउर हुन चिनामन चो कारन जोन संगे-संगे होते रये, बचन के जमखम करते रलो। आमीन।

लूका 24:49

आउर दका, जेचो बायदा मोचो बुआ करलो से, मय हुनके तुमचो उपरे उतरायें दें आउर जिदलदाय ले सरग ले सामरत नी पाहास, हुदलदाय ले तुमी ऐई नंगर ने ठेबुन राहा।”

यूहन्ना 14:12

“मय तुमचो ले सत-सत बलें सें कि जोन मोचो उपरे बिश्वास संगाऊ आय, ऐ काम जोन मय करू आंय हुन बले करे दे, मान्तर ऐचो ले बड़े काम करे दे, कसनबल्लोने मय बुआ चो लगे जायें सें।”

यूहन्ना 16:13

मान्तर जिदलदाय हुन बल्ले सते चो आत्मा ऐये दे, तेबे तुमके सपाय सते चो बाट सांगे दे, कसनबल्लोने हुन आपलो बाटले नी बले दे मान्तर जोन काई सुने दे हुनी बले दे, आउर ऐतो बिती गोठमन के तुमके सांगे दे।

प्रेरितो 1:8

“मान्तर जिदलदाय पवितर आत्मा तुमचो उपरे ऐये दे तेबे तुमी सामरत पाआ से; आउर यरूशलेम आउर सपाय यहूदिया आउर सामरिया ने, आउर धरतनी चो कोना-कोना ले मोचो गोहई हुआ से।”

प्रेरितो 11:27

हुनी दिनमन ने कितलो अगम गिआनी यरूशलेम ले अन्ताकिया ईला।

प्रेरितो 11:28

हुनमन थानले अगबुस नाव चो गोटक उबा होऊन आत्मा चो सिक्या ले ऐ सांगलो कि पुईतराय जगत ने बड़े अकाल पड़े दे हुन अकाल क्लौदियुस चो समया ने पड़ली।

प्रेरितो 19:6

जिदलदाय पौलुस हुनमन चो उपरे हाथ संगालो, तेबे पवितर आत्मा हुनमन उपरे उतरली, आउर हुनमन अलग-अलग भाषा बोलुक आउर अगम गोठ करूक मुरयाला।

प्रेरितो 5:3

पतरस बल्लो, “हे हनन्या! शयतान तुचो मन ने ऐ गोठ केंव डाल्लो कि तुय पवितर आत्मा ले झूठ बोल, आउर भुईं चो दाम थानले खिन्डिक गुचाऊन संगाव?”

रोमियो 12:6

जिदलदाय कि हुन अनुग्रह चो अनुसार जोन आमके दिआय गेली से, आमके अलग-अलग बरदान मिरली से, तेबे जोन के अगम गोठ चो दान मिरली से, हुन बिश्वास चो सबुत चो अनुसार अगम गोठ करो;

रोमियो 15:19

आउर चिनामन, आउर भयंकर काममन चो सामरत ले, आउर पवितर आत्मा चो सामरत ले मोचो ची बाटले करला, ऐथा ले कि मय यरूशलेम ले धरून भाती चारो बाटे इल्लुरिकुम ले मसीह चो नगतखबर चो पुरा-पुरा परचार करले।

1 कुरिन्थियो 11:4

जोन माने मुंडी ढाकुन पारथना नाहले अगम गोठ करू आय, हुन आपलो मुंडी चो बेईजित करू आय।

1 कुरिन्थियो 13:8

मया केबे गुचु नुआय; अगम गोठ होओ, तो सरून जाये दे; भाषामन होओ, तो जाते रयदे; गिआन होओ, तो मेटून जायेदे।

1 कुरिन्थियो 14:13

ऐई लागुन जोन दुसर भाषा बोलो, हुन पारथना करो कि हुनचो उचारन बले करूक सको।

1 कुरिन्थियो 14:39

आउर हे भाईमन, अगम गोठ करतोर धुन ने राहा आउर दुसर भाषा बोलतो ले माना नी करा;

गलातियो 3:5

जोन तुमके आत्मा दान करे से आउर तुमनमन ने सामरत चो काम करे से, हुन काय नियम चो काममन ले नाहले नगतखबर थाने बिश्वास ले असन करे से?

1 थिस्सलुनीकियो 5:20

अगम गोठमन के तुच्छ नी जाना।

इब्रानियो 2:4

आउर संगे ची माहापुरू बले आपलो इच्छा चो अनुसार चिनामन, आउर भयंकर काममन, आउर नाना परकार चो सामरत चो काममन, आउर पवितर आत्मा चो बरमन के बाटतोर लागुन ऐचो गोहई देते रलो।

1यूहन्ना 4:1

हे लाड़रा मन, हरकोनी आत्मा थाने बिश्वास नी करा, मान्तर आत्मामन के परका कि हुनमन माहापुरू चो बाटले आय कि नुआय; कसनबल्लोने खुबे असन फंदी अगम गिआनी जगत ने निकरून उबला सोत।

प्रकाशितवाक्य 2:2

“मय तुचो काम, आउर तुचो मसागत, आउर तुचो धीरज के जाने से; आउर ऐ बले कि तुय खराप लोगमन के दकुक नी सकीस; आउर जोन आपन खुद के पठालोबिता बोलु आत, आउर आत नाई, हुनमन के तुय परकुन भाती फंदी पावलीस।”