1 कुरिन्थियो 10:17 - Halbi

¹⁷ ऐईकाजे कि गोटक ची रोटी आंव तेबे आमी बले जोन खुबे आंसु, गोटक देंह आंव कसनबल्लोने आमी सपाय हुनी गोटक रोटी ने शामिल होऊ आंव।

परमेस्वर को सच्चो वचन ख जाननू

¹⁷ एकोलाने कि एक ही रोटी हैं ते हम भी जो बेजा सारी हैं, एक ही सरीर हैं; काहेकि हम पूरा ओ म कि ही एक रोटी म सामिल भैय्या हैं।

1 कुरिन्थियो 10:17 ပူးပေါင်းရင်းမြစ်များ

रोमियो 12:5

असने ची आमी जोन खुबे आंसु, मसीह ने गोटक देंह होऊन भाती आपस ने गोटक दुसर चो अंग आंव।

1 कुरिन्थियो 10:21

तुमी परबु चो बटकामन आउर दुष्टआत्मामन चो बटकामन दुनो थानले नी पीऊक सकास। तुमी परबु चो मेज आउर दुष्टआत्मामन चो मेज दुनो चो शामिल नी होऊक सकास।

1 कुरिन्थियो 12:12

कसनबल्लोने जोन परकार देंह तो गोटक आय आउर हुनचो धड़ खुबे असन आसे, आउर हुन गोटक देंह चो सपाय धड़ खुबे होलो ने बले सपाय मिसुन भाती गोटक ची देंह आत, हुनी परकार मसीह बले आय।

1 कुरिन्थियो 12:27

ऐई परकार तुमी सपाय मिसुन भाती मसीह चो देंह आस, आउर अलग-अलग हुनचो धड़ आस;

इफिसीयो 3:6

बल्लोने ऐ कि मसीह ईशु ने नगतखबर चो दुवारा दुसर जाति लोग हक ने मिसुन, आउर गोटक ची देंह चो आउर बायदा चो भागी आत।

इफिसीयो 4:16

जेचो ले पूईतराय देंह, हरकोनी जोड़ान चो सायता ले गोटक संगे मिसुन भाती आउर गोटक संगे गठेयाय होऊन भाती, हुन असर चो अनुसार जोन हरकोनी धड़ चो नुकु-नुकु काम करतोर दुआरा हुन थाने होऊ आय, आपन खुद के बढ़ाऊ आय कि हुन मया ने उन्नती करते जाओं।

इफिसीयो 4:25

ऐई लागुन झुठ बोलतोर छांडुन भाती हरकोनी आपलो पारा चो लोग ले सत बोला, कसनबल्लोने आमी आपस ने गोटक दुसर चो अंग आंव।

इफिसीयो 4:4

गोटक ची देंह आय, आउर गोटक ची आत्मा; जसन तुमके जोन हाग दिया जाऊ राआस आपलो हाग दिया गेलो ले गोटक ची आशा आसे।

कुलुस्सियो 2:19

आउर हुन शिरोमणि के धरून नी रये, जेचो ले पुईतराय देंह जोड़ानमन आउर जुआनमन चो कारन पालन पोषन पाऊन आउर गोटक संगे बन्दुन भाती, माहापुरू चो बाटले बड़ते जाऊ आय।

कुलुस्सियो 3:11

हुन थाने ना यूनानी रलो ना यहूदी, ना खतना, ना बिन खतना, ना रान चो, ना स्कूती, ना दास आउर ना छुटछाड़ा मात्र मसीह सपाय काई आउर सपाय ने आसे।

कुलुस्सियो 3:15

मसीह चो शान्ति जेचो काजे तुमी गोटक देंह होऊन भाती हाग दिया बले गेलासास, तुमचो मन ने राज करो; आउर तुमी धन्यबादी बनुन राहा।