1 कुरिन्थियो 1:7 - Halbi

⁷ ऐथा ले कि कोनी बर ने तुमके घाटा निआय, आउर तुमी आमचो परबु ईशु मसीह चो परकट होतोर बाट टाकते रऊ आहास।

परमेस्वर को सच्चो वचन ख जाननू

⁷ यहाँ तक कि कई वरदान म तुम ख घटी नी हैं, अऊर तुम हमारो प्रभु यीसु मसी ख प्ररगट होन कि रस्ता देख रह हैं।

1 कुरिन्थियो 1:7 ပူးပေါင်းရင်းမြစ်များ

मत्ती 25:1

“सरग चो राज हुन दस कुंआरीमन चो असन होये दे जोन आपलो मशालमन धरून भाती दुला ले भेट करूक निकरला।

लूका 12:36

आउर तुमी हुन मानेमन चो समान बना, जोन आपलो मालिक चो बाट दके सोत कि हुन बिहा ले केबे आपस ऐये दे, कि जिदलदाय हुन ऐऊन भाती कपाट ठक ठकाओ तेबे हुदली ची दाय हुनचो काजे उगाढुन देओ।

लूका 17:30

माने चो बेटा चो उजागर होतो दिन ने बले असने ची होये दे।

रोमियो 8:19

कसनबल्लोने ब्रमांड बड़े आशा भरलो नजर ले माहापुरू चो बेटामन चो उजागर होतोर बाट दके से।

रोमियो 8:23

आउर मात्र हुनी ची नाई मान्तर आमी बले जेचो लगे आत्मा चो पयला फल आसे, खुद ची आपलो ने कहरे सोत; आउर हकदार होतोर बल्लोने आपलो देंह चो छुटकारा चो बाट दक से।

1 कुरिन्थियो 4:5

ऐईकाजे जिदलदाय दाय ले परबु नी ऐये, समया ले पयले कोनी गोठ चो नियाय नी करा: हुनी अंधार चो लुकलो गोठमन उजर ने दकाय दे, आउर मनमन चो बिचारमन के परकट करे दे, तेबे माहापुरू चो बाटले हरकोनी चो बड़ाई होये दे।

2 कुरिन्थियो 12:13

तुमी कोन असन गोठ ने दुसर कलीसियामन ले कम राआस, मात्र ऐ थाने कि मय तुमचो उपरे आपलो भार नी डालले मोचो ऐ अनियाय छमा करा।

गलातियो 5:5

कसनबल्लोने आत्मा चो लागुन आमी बिश्वास ले, आशा करलो बिती धारमिकता चो बाट टाकुं से।

फिलिप्पियो 3:20

मान्तर आमचो खुद चो देश सरग उपरे आसे; आउर आमी गोटक मुक्ति करता परबु ईशु मसीह चो हुता ले ऐतोर बाट टाकलु से।

कुलुस्सियो 3:4

जिदलदाय मसीह जोन आमचो जीव आय, परकट होये दे, तेबे तुमी बले हुनचो संगे महिमा संगे परकट कराय जाहा।

1 थिस्सलुनीकियो 1:10

आउर हुनचो बेटा चो सरग थानले ऐतोर बाट टाकते राहा जोन के हुन मरलो बितामन थानले जिआ लो, बल्लोने ईशु चो, जोन आमके ऐतो बिती घोर रिस ले बचाऊ आय।

2 थिस्सलुनीकियो 1:7

आउर तुमी, जोन झंझट होऊ आहास, आमचो संगे आराम देओ; हुन समया जिदलदाय कि परबु ईशु आपलो सामरती दूतमन चो संगे, ढ़क-ढ़क तो आईग ने सरग ले परकट होये दे,

2 तीमुथियुस 4:8

अगम ने मोचो काजे धरम चो हुन मुकुट संगालोर आसे, जेके परबु जोन धरमी आउर नियायी आय, मोके हुन दिने देये दे, आउर मोके ची नाई मान्तर हुन सपाय के बले जोन हुनचो परकट होतो के लाड़ जानु आत।

तीतुस 2:13

आउर हुन धन्य आशा चो बल्लोने आपलो माहान माहापुरू आउर मुक्ति करू ईशु मसीह चो महिमा चो परकट होतोर बाट टाकते रओत।

इब्रानियो 9:28

असने ची मसीह बले खुबेमन चो पापमन के उठाऊन धरतो काजे गोटक हार बलिदान होलो; आउर जोन लोग हुनचो बाट टाके सोत हुनमन चो मुक्ति चो काजे दुसरहार बिना पाप उठाऊन भाती दका देये दे।

1 पतरस 1:13

ऐई लागुन आपलो-आपलो अकल चो करांड बान्दुन भाती, आउर चेत रऊन भाती, हुन अनुग्रह चो पुरा आशा संगाआ जोन ईशु मसीह चो परकट होतोर समया तुमके मिरतो बिती आय।

1 पतरस 4:13

मान्तर जसन-जसन मसीह चो दुखमन ने शामिल होऊ आस, हरिक करा, जेचो ले हुनचो महिमा चो परकट होतो समया बले तुमी हरिक आउर उदुम हुआ।

1 पतरस 5:4

जिदलदाय परधान राका करू परकट होये दे, तेबे तुमके महिमा चो मुकुट दिया जाय दे जोन कोमचु नुआय।

2 पतरस 3:12

आउर माहापुरू चो हुन दिन चो बाट कोन रीति ले टाकतोर आसे आउर हुनचो झटके ऐ तो काजे कसन कोशिश करतोर आय, जेचो लागुन बादरी आईग ले गलुन जाय दे, आउर बादरी चो गढ़ खुबे ची तपुन भाती गलुन जाय दे।

1यूहन्ना 3:2

हे लाड़रामन अदायं आमी माहापुरू चो पिला आंव, आउर ऐबे तक ऐ परकट नी होली कि आमी काय-काय होंआ! इतलो जानु से कि जिदलदाय हुन परकट होये दे तेबे आमी हुनचो असन होवां, कसनबल्लोने हुनके असने ची दक दे जसन हुन आसे।

यहूदा 1:21

आपन खुद के माहापुरू चो मया ने बनान संगाहा; आउर अमर जीवना चो काजे आमचो परबु ईशु मसीह चो दया चो बाट टाकते राहा।