1 कुरिन्थियो 1:21 - Halbi

²¹ कसनबल्लोने जिदलदाय माहापुरू चो गिआन चो अनुसार संवसार गिआन ले माहापुरू के नी जानलो, तेबे माहापुरू के ऐ अच्छा लागली कि ऐ परचार चो मुरूकता चो दुवारा बिश्वास करतो बितामन के मुक्ति देओ।

परमेस्वर को सच्चो वचन ख जाननू

²¹ काहेकि जब परमेस्वर ख ग्यान को जसो दुनिया न ग्यान से परमेस्वर ख न जानो, ते परमेस्वर ख यू अच्छो लगो कि यू प्रचार कि मुर्ख हुन ख व्दार विस्वास करन वालो ख उध्दार दे।

1 कुरिन्थियो 1:21 ပူးပေါင်းရင်းမြစ်များ

मत्ती 11:25

हुदलीदाय ईशु बल्लो, “हे बुआ, सरग आउर धरतनी चो परबु, मय तुचो धन्यबाद करेंसे कि तुय ऐ गोठमन के गिआनिमन आउर समजदारमन ले लुकाऊन संगालीस, आउर लेकामन उपरे उजागर करली सीस।

लूका 10:21

हुदलीदाय हुन पवितर आत्मा ने होऊन भाती खुशी ले भरून गेलो, आउर बल्लो, “हे बुआ, सरग आउर धरतनी चो परबु, मय तुचो धन्यबाद करें से कि तुय ऐ गोठमन के गिआनिमन आउर समजदारमन ले लुकाऊन संगालीस, आउर लेकामन उपरे उजागर करलीस। हव, हे बुआ, कसनबल्लोने तुके ऐई अच्छा लागली।

लूका 12:32

“हे नानी गोहड़ी, नी डर; कसनबल्लोने तुमचो बुआ के ऐ भावली से, कि तुमके राज देओ।

यूहन्ना 12:31

अदायं ऐ संवसार चो नियाय होऊ आय, अदायं ऐ संवसार चो सरदार निकराऊन दिया जाये दे;

रोमियो 1:28

जिदलदाय हुनमन माहापुरू के चिताऊक नी चाहला, तेबे माहापुरू बले हुनमन के हुनमन चो ठगमन थाने छांडलो कि हुनमन घिन-घिना काम करोत।

रोमियो 11:33

आहा! माहापुरू चो धन आउर अकल आउर गिआन काय ची गंभीर आय! हुनचो बिचार कसन अथाह, आउर हुनचो बाट कसन बड़े भारी आय!

1 कुरिन्थियो 1:18

कसनबल्लोने कुरूस चो कथा नाश होतो बितामन काजे मुरूकता आय, मान्तर आमी मुक्ति पावतो बितामन काजे माहापुरू चो सामरत आय।

1 कुरिन्थियो 1:23

मान्तर आमी तो हुन कुरूस थाने चेगलो बिता मसीह चो परचार करू आंव, जोन यहूदीमन चो काजे ठोकरना चो कारन आउर दुसर जातिमन चो काजे मुरूकता आय;

1 कुरिन्थियो 1:24

मान्तर जोन हाग दीलोर आसोत, काय यहूदी काय यूनानी, हुनमन चो लगे मसीह माहापुरू चो सामरत आउर माहापुरू चो गिआन आसे।

1 कुरिन्थियो 1:25

कसनबल्लोने माहापुरू चो मुरूकता मानेमन चो गिआन ले गिआन बिता आय, आउर माहापुरू चो कमजोरी मानेमन चो बल ले खुबे बलवान आय।

1 कुरिन्थियो 1:27

मान्तर माहापुरू जगत चो मुरूकमन के चुनलो से कि गिआन बितामन के लाज करो, आउर माहापुरू जगत चो कमजोरमन के चुनलो से कि बलवानमन के लाज करो;

1 कुरिन्थियो 11:32

मान्तर परबु आमके डण्ड देउन आमचो ताड़ना करू आय, ऐईकाजे कि आमी संवसार चो संगे दोषी नी ठेबु।

1 कुरिन्थियो 2:14

मान्तर शारीरिक माने माहापुरू चो आत्मा चो गोठमन गरहन नी करे, कसनबल्लोने हुनमन हुनचो नजर ने मुरूकता चो गोठमन आय, आउर ना हुन हुनमन के जानुक सके कसनबल्लोने हुनमन चो जाच आत्मिक रीति ले होऊ आय।

1 कुरिन्थियो 4:10

आमी मसीह चो काजे मुरूक आंव, मान्तर तुमी मसीह ने अकल बितामन आस; आमी कमजोर आंव, मान्तर तुमी बलवान आस। तुमी ईजीत पाऊ आस, मान्तर आमी निरादर होऊ आंव।

1 कुरिन्थियो 6:2

काय तुमी नी जानास कि पवितर लोग जगत चो नियाय करदे? ऐईकाजे जिदलदाय तुमके जगत चो नियाय करतोर होयेदे, तेबे काय तुमी नानी ले नानी झगड़ा चो बले फयसला करतोर लायक नुआस?

गलातियो 1:15

मान्तर माहापुरू चो, जोन मोचो आया चो पेट ले ची मोके ठेबालो आउर आपलो अनुग्रह ले हाग दिलो,

गलातियो 4:8

पयले तो तुमी माहापुरू के नी जानुन भाती हुनमन चो दास रलास जोन चाल चलन ले माहापुरू नाई,

इफिसीयो 1:9

कसनबल्लोने हुन आपलो इच्छा चो भेद हुन नुकु इच्छा चो अनुसार आमके सांगलो, जेके हुन आपन खुद ठानुन रये

इफिसीयो 3:10

बल्ले अदायं कलीसिया चो दुवारा, माहापुरू चो भिन-भिन परकार चो गिआन हुन परधानमन आउर अधिकारीमन उपरे जोन सरग चो जगामन ने आसोत, परकट कराय जाओ।

कुलुस्सियो 1:19

कसनबल्लोने बुआ चो हरिक होतोर ऐई थाने आसे कि हुनचो ने पुईतराय परिपुरनता बास करो,

इब्रानियो 1:14

काय हुनमन सपाय सेवा टहल करतो बिती आत्मामन नुआत, जोन मुक्ति करतो बितामन चो काजे सेवा करतो काजे पटाया जाऊ आय?

इब्रानियो 2:3

तेबे आमी लोग असन बड़े मुक्ति ले बेफिकर रऊन भाती कसन बाचुक सकु आंव? जेचो चरचा पयले पहल परबु चो दुवारा होली, आउर सुनतो बितामन चो लागुन आमके येचो तय होली।

इब्रानियो 7:25

ऐईकाजे जोन हुनचो दुवारा माहापुरू चो लगे ऐऊ आत, हुन हुनमन चो पुरा-पुरा मुक्ति करूक सके, कसनबल्लोने हुन हुनमन चो काजे गुहार करतो काजे हरमेशा जीव आसे।

याकूब 4:4

हे बेबीचारीनमन, काय तुमी नी जानास कि संवसार ले मीत करतोर माहापुरू ले बईर करतोर आय? ऐईकाजे जोन कोनी संवसार चो मीत होऊक चाहायें से, हुन आपन खुद के माहापुरू चो बयरी बनाऊ आय।

याकूब 5:15

आउर बिश्वास चो पारथना चो दुवारा रोगी बाचुन जायदे आउर परबु हुनके उठाऊन भाती उबा करेदे; आउर अगर हुन पाप बले करलो से, तो हुनमन चो बले छमा होयदे।

याकूब 5:20

तेबे हुन ऐ जानो कि जोन कोनी-कोनी भुलकलो पापी के फिरान आनेदे, हुन गोटक परान के मरना ले बचाएदे आउर कितली पापमन उपरे परदा डाले दे।