1 कुरिन्थियो 1:10 - Halbi

¹⁰ हे भाईमन, मय तुमचो ले आमचो परबु ईशु मसीह चो नाव ले बिनती करें से कि तुमी सपाय गोटक ची गोठ बोला, आउर तुमचो ने फूट नी होओ, मान्तर गोटक ची मन आउर गोटक ची मति होऊन भाती मिलुन राआ।

परमेस्वर को सच्चो वचन ख जाननू

¹⁰ अरे भई अर बहिन, मी तुम से हमारो प्रभु यीसु मसी का नाम से विनती करू हैं कि तुम सारा एक ही बात कह, अऊर तुम म फूट नी होय, पर एक ही मन अऊर एक ही मत हो ख मिलो रह।

1 कुरिन्थियो 1:10 ပူးပေါင်းရင်းမြစ်များ

मत्ती 9:16

नवा फटीई चो काप जुना फटीई थाने कोनी नी लगा ओत, कसनबल्लोने हुन काप हुन फटीई ले खिन्डिक आउर झिकु आय, आउर हुन खुबे फाटू आय।

मरकुस 2:21

“नवा फटीईमन चो काप जुना फटीई थाने कोनी नी लगा ओत; नाहले हुन काप हुन थानले काई के झिके दे, बल्ले नवा, जुना ले, आउर हुन पयले ले खुबे फाटे दे।

मरकुस 3:24

अगर कोनी राज ने फूट पड़ले, तो हुन राज कसन थीर रऊक सकु आय?

यूहन्ना 10:19

ऐ गोठमन चो लागुन यहूदीमन ने फेर फुट पड़ली।

यूहन्ना 17:23

मय हुनमन ने आउर तुय मोचो ने कि हुनमन सिद्ध होऊन भाती गोटक होऊन जाओत, आउर संवसार जानो कि तुय ची मोके पठालीस, आउर जसन तुय मचो ले मया संगालीस असने ची हुनमन ले मया संगाले।

यूहन्ना 7:43

आउर हुनचो लागुन लोगमन ने फुट पड़ली।

यूहन्ना 9:16

ऐ थाने कितलो फरीसी बोलुक मुरयाला, “ऐ माने माहापुरू चो बाटले नुआय, कसनबल्लोने हुन सब्त चो दिन के नी माने।” दुसरमन बल्ला, “पापी मनुक असन चिना कसन दकाऊक सकु आय?” आउर हुनमन ने फुट पड़ली।

प्रेरितो 4:32

बिश्वास करतो बितामन चो मण्डली गोटक बिचार आउर गोटक मन चो रली, ऐथा ले कि कोनी बले आपलो धनमाल आपलो नी बोलते रला, मान्तर सपाय काई मांदी ने रली।

रोमियो 1:13

हे भाईमन, मय नी चाहायें कि तुमी ऐचो ले अनजान राहा कि मय घन-घन तुमचो लगे ऐतोर चाहले, कि जसन मोके दुसर जातिमन ने फल मिरली, असने ची तुमचो ने बले मिरो, मान्तर ऐबले ठेबाया गेले।

रोमियो 12:1

ऐईकाजे हे भाईमन, मय तुमचो ले माहापुरू चो दया सुरता कराऊन भाती बिनती करें से कि आपलो देंहमन के जीवता, आउर पवितर, आउर माहापुरू के भावतो बिती पुजा करून चेगाहा। ऐई ची तुमचो आत्मिक सेवा आय।

रोमियो 12:16

आपस ने गोटक समान मन संगाआ; घमण्डी नी हो, मान्तर सोज लोगमन चो संगे संगत संगाआ; आपलो नजर ने अकल बितामन नी होओ।

रोमियो 15:30

हे भाईमन, आमचो परबु ईशु मसीह चो आउर पवितर आत्मा चो मया चो सुरता दियाऊन भाती मय तुमचो ले बिनती करेंसे, कि मोचो काजे माहापुरू ले पारथना करतो ने मोचो संगे मिलुन भाती मतभुल राहा।

रोमियो 16:17

अदायं हे भाईमन, मय तुमचो ले बिनती करे से, कि जोन लोग हुन सिक्या चो उलटा, जोन तुमी पावलासास, फुट डालतोर आउर ठोकरना खुआतोर कारन होऊ आत, हुनमन के टारून दिआस आउर हुनमन ले दूर राहा।

1 कुरिन्थियो 1:11

कसनबल्लोने हे मोचो भाईमन, बहिन खलोए चो घरमन चो लोगमन मोके तुमचो बारे ने सांगला से कि तुमचो ने झगड़ा होये से।

1 कुरिन्थियो 11:18

कसनबल्लोने पयले तो मय ऐ सुनु आंय, कि जिदलदाय तुमी कलीसिया ने रूंडा होऊ आस तेबे तुमनमन ने फुट होऊ आय, आउर मय ऐ थाने खिन्डिक-खिन्डिक बिश्वास बले करूं आंय।

1 कुरिन्थियो 12:25

बल्ले देंह ने फूट नी पड़ो, मान्तर धड़ गोटक दुसर चो बराबर चिन्ता करोत।

1 कुरिन्थियो 3:3

कसनबल्लोने ऐबले शारीरिक आस। ऐईकाजे कि जसन तुमचो थाने डाह आउर झगड़ा आसे, तो काय तुमी शारीरिक नुआस? आउर काय देंह चो रीति थाने नी चलास?

1 कुरिन्थियो 4:16

ऐईकाजे मय तुमनमन ले बिनती करे से कि मोचो असन चाल चला।

2 कुरिन्थियो 10:1

मय हुनी पौलुस जोन तुमचो पुरे सोज आंय मान्तर पाट पाटे तुमचो बाटे साआस करू आंय, तुमके मसीह चो नम्रता आउर कोमलता चो कारन समजायें से।

2 कुरिन्थियो 13:11

आउर हे भाईमन, हरिक राआ; सिद्ध बनते जाआ; हिम्मत संगाआ; गोटक ची मन संगाआ; मिलुन राआ। आउर मया आउर शान्ति चो देतो बिता माहापुरू तुमचो संगे रये दे।

2 कुरिन्थियो 13:9

जिदलदाय आमी कमजोर आंसु आउर तुमी बलवन्त हुआ, तेबे आमी हरिक होऊ आंव, आउर ऐ पारथना बले करू आंव कि तुमी सिद्ध होऊन जाआ।

2 कुरिन्थियो 5:20

ऐईकाजे आमी मसीह चो राजदूत आंव; माना माहापुरू आमचो दुवारा गुहार करे से। आमी मसीह चो बाटले गुहार करूं से कि माहापुरू चो संगे मिला-मिसा करा।

2 कुरिन्थियो 6:1

आमी जोन माहापुरू चो संगे कामकरू आंव ऐ बले समजु आंव कि हुनचो अनुग्रह जोन तुमचो उपरे होली, हुनके फकाहा नी जाऊक दिआस।

गलातियो 4:12

हे भाईमन, मय तुमचो ले बिनती करें से, तुमी मोचो असन होऊन जाआ; कसनबल्लोने मय बले तुमचो असन होऊन गेले से; तुमी मोचो काई नशालास नाई।

फिलिप्पियो 1:27

मात्र ईतलो करा कि तुमचो चाल-चलन मसीह चो नगतखबर चो लायक होओ कि भले मय ऐऊन भाती तुमके दकेंदें, भले नी बले ऐयें, तुमचो बारे ने ऐई सुनेंदे कि तुमी गोटक ची आत्मा ने थीर आसास, आउर गोटक मन होऊन भाती नगतखबर चो बिश्वास चो काजे मसागत करते रऊ आस,

फिलिप्पियो 3:16

ऐईकाजे जोन लगले आमी अमरलु से, हुनचेई अनुसार चलु।

1 थिस्सलुनीकियो 5:13

आउर हुनमन चो काम चो कारन मया चो संगे हुनमन के खुबे ची मान चो लायक समजा। आपस ने मेल मिलाप ले राहा।

2 थिस्सलुनीकियो 2:1

हे भाईमन, अदायं आमी आपलो परबु ईशु मसीह चो ऐतोर, आउर हुनचो लगे आपलो रूंड़ा होतोर चो बारे ने तुमके गुहार करूंसे

1तीमुथियुस 5:21

माहापुरू, आउर मसीह ईशु आउर चुनलो बितामन सरग दूतमन चो हाजिर जानुन भाती मय तुके जनाऊन देयें से कि तुय मन खोलुन भाती ऐ गोठमन के माना कर, आउर कोनी काम भेदभाव ले नी कर।

2 तीमुथियुस 4:1

माहापुरू आउर मसीह ईशु के गोहई करून जोन जीवतामन आउर मरलो बितामन चो नियाय करे दे, आउर हुनचो परकट होतोर आउर राज चो सुद्धि दियाऊन भाती मय तुके हुकुम देयें से

1 पतरस 2:11

हे लाड़रामन, मय तुमचो ले गुहार करें से कि तुमी आपन खुद के परदेशी आउर यातरी जानुन भाती हुन संवसारिक मनमानीमन ले जोन आत्मा ले लड़ीई करू आय, बचुन राआ।

1 पतरस 5:10

अदायं माहापुरू जोन सपाय अनुग्रह चो देतो बिता आय, जोन तुमके मसीह ने आपलो अमर महिमा चो काजे हाग दिलो से, तुमचो डण्डिक काजे दुख उठालोर पाचे खुद ची तुमके सिद्ध आउर थीर आउर बलवान करे दे।