U pas te kolotein e Jut 1:3 - U Bulunagana U Niga

³ A matsi hahikapien, alia e ngilin koloto menagi u pas i tamilimiou bate hatei ragi limiou ime temar lu pouts meraira e Sunahan. Kaba lia e hakats koru negu tego koloto uu lia i tamilimiou bate hatei hatagala ragi limiou tego pile kap hatagala mena milimiou u nihamana i tamilimiou ti hapilepile kap mam burai u katuun tere Kristo. E Sunahan e hala raira a markato turu nihamana na ema antunan palis menarien.

U pas te kolotein e Jut 1:3 ပူးပေါင်းရင်းမြစ်များ

Aposol 17:3

Ba nonei e ranga hatarare nena u hihatuts turu Buku u Göagono be haröto nena e Kristo e lu hakapi a kamits na e takei pouts has ia tara tou mate i tanen. Ba nonei e poeiena, “E Iesu a katuun te ranga negu lia nonei a Mesaia, a katuun te hopö kapiin e Sunahan.”

Aposol 18:28

Nonei e tagala koru mei te ranga palis uaien, bate pitaputa koru hasena u ranga hasoala turu Jiu i matar u katuun hoboto. Bate haröto ranen turu Buku u Göagono, e Iesu nonei e Mesaia.

Aposol 20:27

Alia uma peits ba railimiou tu ranga. E möa. Alia u hatei railimiou a man hakats hoboto tere Sunahan.

Aposol 28:28

Be Pol e pei hasena, “Na lia e hatei ragoui limiou, a nihitaguhu teka tere Sunahan e la tala uana turu katuun tema Jiu ri, nori tena hengo riou.” Pöata te ranga hakapa ia e Pol ba u Jiu e tarurar me hiangenngenar.

Aposol 4:12

“E möa ta taina ta katuun tega tatei lu pouts merai u katuun tere Sunahan. Tara mamana han hoboto i puta, e Sunahan ema hanige ii ta taina ta katuun tega tatei lu pouts merai ra tere Sunahan. E Iesu puku lasi.”

Aposol 6:7

U raranga tere Sunahan e tasata susul noahas. Na u hihase turu katunun tsitsilo i Jerusalem e para susul koru hamanasa tala, na para koru has a man pris turu Jiu i hengo koru talei u nihamana teka.

Aposol 9:13

Be Ananias e ranga palisina me poeiena, “O Tsunono, u katuun u para ti hate ii lia a katuun teka. Nori i pei nonei e kato hakamits korur u katuun i tamölö i Jerusalem.

Aposol 9:22

E Sol e tagala susul ba nonei e haröto nena e Iesu nonei e Mesaia hamana, a katuun te hopö kapiin e Sunahan. Na nonei tara pöata u Jiu ti kaia i Damaskus i hengoe u ranga teka kaba nori ima antunan ranga palise ii e Sol.

1 Korin 15:3

Na lia u hala rai limiou u raranga u kapan koru tu lu mami lia te markato uana a ka teka, e Kristo e mate sil a man markato a man omi i tarara, temar ranga uana u Buku u Göagono.

Galesia 2:5

Kaba lam ima hengo koru las raien. Alam i ngilin tara kap haniga berai limiou u hihatuts hamana tegoma palis uaien.

Galesia 3:28

Na te katuun uami limiou tere Kristo, e möa lel ta toun Grik na ta Jiu, na ta katunun kukui puku na ta katuun tegoma kukui puku ii, na ta tson na ta tahol. Alimiou hoboto te hamana mia tere Iesu Kristo e here talemi a töa katuun.

Galesia 6:11

Alimiou go taraiam, a nikoloto pan i tar te koloto peisa mena gule lia a kapakapana u pas teka.

Epesis 1:1

Alia e Pol, a töa aposol tere Iesu Kristo te hopö kapiin e Sunahan. Alia e koloto menagi u pas teka i tamilimiou u katuun tere Sunahan te ka mia tara taun i Epesis, alimiou u katuun te hamana nitöa uamiou tere Iesu Kristo.

Pilipai 1:1

Alam ere Pol mere Timoti u katunun kui tere Iesu Kristo, alam e hala menami u pas teka i tamilimiou hoboto u katuun tere Iesu Kristo te ka mia tara taun i Pilipai, alimiou na u katunun halotu na u katunun hitaguhu turu lotu.

Pilipai 1:27

A markato i tamilimiou ega matskö gono mei u Bulungana u Niga. Alia ena tara lel toum ragou limiou tsi e möa? Kaba alia e ngilin hengo noahas nagou tego tuol hatagala uaiam limiou bate ka memiou u töa puku u hakats, ba limiou te tagala hoboto silemiou u hihatutsina turu Bulungana u Niga.

Kolosi 1:2

U pas teka e koloto menari i tamilimiou u katuun te hamana mia tere Kristo i Kolosi. E Tamarara e Sunahan e tatei taatagi ranou limiou na e tatei hala has ranoui limiou a masalohana.

1 Tesalonaika 2:2

Alimiou e atei miou, nori i kato homi raia lam tara taun i Pilipai. Kaba e Sunahan e kato ha ongolo raioulam ba lam e la noahas uaiem i tamilimiou mena hatei rami limiou u Bulungana u Niga tere Sunahan, noahasina ti hapiou u katuun u parpara.

1 Timoti 1:18

O Timoti a pien i tar, alia e hale gilö u raranga u tagala teka. E matsköna turu raranga tere Sunahan te ranga sil menaien lö i manasa. U raranga teka e tatei kato hatagale noulö balö te tagala silem a Tsunono, balö tena tatei hiatatung haniga gono meramou u pakö tere Kristo.

1 Timoti 6:12

Tagala sil e Sunahan ba lö te hamana haniga uam i tanen. Pile hakarapotein a nitöatöa te ka nitöana. E Sunahan e ngö sile ii lö a nitöatöa teka tara pöata tu ranga hanigaia lö i matar u katuun u parpara temar hamana uamia lö i tanen.

2 Timoti 1:13

Pile kap hakarapotein a markatona turu raranga u mana tu hatutsin lia i tamölö, balö te katoe men turu nihamana na te ngil menari a taina katuun te ka has na tere Iesu Kristo.

Taitus 1:4

O Taitus, alö a pien tson i tar, te hamana hoboto uarara tere Sunahan. E Sunahan e Tamarara na e Iesu Kristo te taguhu raioura e tatei taatagi nariou lö na e tatei hala hase rilö a masalohana.

Hibru 13:22

A matsi hahatoulana, hengo hanigeiam u raranga te koloto negulia teka batema sökanami, taraha u pas teka u makmakum.

Hibru 6:9

Alam e mar ranga uaiem teka, kaba lam e hamanem a markato i tamilimiou e niga bala nena a markato a omi teka, taraha e Sunahan e lu pouts raiou limiou.

1 Pita 5:12

E Silbanus e koloto benei lia u pas teka te hala menagi lia i tamilimiou. Nonei e toularara tara markato turu kristen na lia e hamana korue gen. Turu pas teka alia e hala ra gilimiou u rarangan hitaguhu bate hatei ragi limiou nonei a nihitaguhu hamana tere Sunahan teka. Na limiou go tuol hakarapoto mia tara markato tara nihitaguhu teka.

2 Pita 1:1

Alia e Saimon Pita, a katunun kui na aposol tere Iesu Kristo. Alia e hala menagi u pas teka i tamilimiou u katuun te hamana gono mera moulam. Ara e ka hoboto mera a nihamana te hala raira e Iesu Kristo na e Sunahan a Tson Hitaguhu i tarara. Nonei tara markato a matskö tere Iesu Kristo ba nonei te hala ranei ra u nihamana u niga.

2 Pita 2:21

Ega mala niga balein tegima atei sil mam menaien a maroro a matskö. Ga e omi tala mena te gamon atei sil mena rien a maroro a matskö bate töan tori hasoala lel ner u raranga u göagono ti hala raien.

U pas te kolotein e Jut 1:1

Alia e Jut, a katunun kui tere Iesu Kristo, e toular e Jemis. Alia e koloto menagi u pas teka i tamilimiou, u katuun te ngöri e Sunahan. E Sunahan e Tamarara e ngil koru ranou limiou, na e Iesu Kristo te taratara kap ranou limiou.

U pas te kolotein e Jut 1:17

Kaba a mats hahikapien koru i tar, alimiou go hakats pouts naiam u raranga turu aposol tere Iesu Kristo a Tsunono i tarara.

U pas te kolotein e Jut 1:20

Kaba limiou, a matsi hahikapien i tar, e möa koru tego markato uaiam limiou te kato uaier u katuun teka. Alimiou go kato hatagala nitöa naiam u nihamana i tamilimiou bate hamana hanige miou u hihatuts tere Sunahan te kato hamatskö ranoura. Alimiou go singo nitöa uaiam tere Sunahan, bate singo memiou a nitagala turu Namnamei u Göagono.

Revelesin 12:11

Nori i tagala saluheien tara nitagala turu rahatsing tara Tunan Sipsip na turu ranga hamana ti habulungana naien. Nori ima peits nai a peisaren, na ima matout hasei tegi mate sil menaien e Sunahan.

Revelesin 2:10

Möa tu matouteiam a nikamits na u tori tiama te sagohe mou limiou. Hengoiam. E Satan ena haka ranoua limiou tara karabus ba limiou te torohana rariou. A niomi teka e antunana romana turu maloto u lan. Kaba limiou go tagala sil noa hase moulia, antunana tara pöata te atung hamate rarouen limiou, ba lia te hala ragoui limiou a nitöatöa hamana.