Taitus 2:14 - U Bulunagana U Niga

¹⁴ Nonei e hala sile ii a peisanen tego sakahis meraien ra tara mamana markato a omi. Na nonei e mate sil tego kato hagogoso meraien ra, u katuun i tanen, bara te hun katuun uara i tanen bate kato hatagalera a man markato a man niga.

Taitus 2:14 ပူးပေါင်းရင်းမြစ်များ

Matiu 1:21

Nonei e pose nou a pien tson, balö te ngöe moien e Iesu, e mar mouna uana teka, A Katuun a Hihitaguhu. Nonei e taguhu ranou u katuun i tanen bate luba nanou a man markato a man omi i taren.”

Matiu 3:12

Nonei e katsin kato hamanasena a toukuin hamou turu wit. Nonei e lu kaakata ranou u katuun u niga na u katuun u omi. Nonei e haka ranoa u katuun u niga tara han a niga, ba nonei te tsuga mera noi u katuun u omi turu tula tema antunan hoso nari.”

U Bulungana u Niga tere Iesu Kristo te kolotein e Jon 6:51

Alia nonei a kannou te hala nena a nitöatöa te lama i Kolö. E si te nouna tara kannou teka e ka me nou a nitöatöa te ka nitöa nou. Na kannou te hala negu lia tena ha töatöa ranou u katunura i puta, nonei u tuenrei i tar.”

Aposol 15:14

E Saimon e ranga hakapa mera lo limiou me hatei nena temar la tutuun uama e Sunahan turu katuun tema Jiu ri, memi hopö kap bera neien a peisanen i gusura u katuun.

Aposol 15:9

Kaba nonei ema katoe ii a tabina markato i tarara na tabina markato i taren. E möa. Nori i hamanaia i tanen, na tara markato lasi teka te luba meien a markato a omi i taren.

Aposol 20:28

Alimiou go tara kap haniga naiam a peisa milimiou na u katuun hoboto tere Iesu, te here rari u sipsip. U Namnamei u Göagono e hopö kap raiou limiou u katunun taratarakap i taren. Taraha, nonei e ngilena alimiou go taratara kap haniga raiam u katuun tere Sunahan. A Pien Tson i tanen e sakahis hakapa raien u rahatsing i tanen.

Aposol 9:36

Tara taun i Jopa e kamei a tahol te hamana uu tere Iesu a solonen e Tabita, turu HaGrik nori i ngöeien e Dokas. Tara mamana pöata nonei e roron kato a markato a niga, bate taguhu has rena u katuun ti möa ta ka.

Galesia 1:4

E Kristo e mate sil tego luba menaien a man markato a man omi i tarara, na tego purese pouts meraien ra tara markato a omina i puta. Nonei e markato uu temar ngil uu e Sunahan e Tamarara.

Galesia 2:20

Alia i lu hakapi a nitöatöa a tsimus. Kaba nitöatöa teka ema nitöatöa uanei i tar. Emoa. Kaba e Iesu nonei te kana i tar. Na mamana markato na man toukui te katoe gialia i puta, alia e katoe gien tara marorona turu nihamana. Na lia e hamana gia tara Pien Tson tere Sunahan. E ngil korue ioulia me mate silena tego taguhu menaien lia.

Galesia 3:13

Na e mar ranga has uana teka, “A katuun te hakute ria turu ruei bate matena e ka mena u rangan korupakö tere Sunahan i peisanen.” Na e Kristo te sakahis raiara turu rangan korupakö te hala nena a Lo, taraha nonei e luba naia u rangan korupakö teka i peisanen te mate ien tara kuruse.

Epesis 1:11

A mamanaka hoboto te butuna e tahongona tara manka man kapan te ngilena e Sunahan. E Sunahan e hopö kap sil raira i manasa tegi katuun uu ra i tanen bate ka hoboto gono mera e Kristo, taraha nonei a ka te ngilin katoeien.

Epesis 2:10

E Sunahan e kato raira u katuun u tsimus ti hamana uu ra tere Iesu Kristo. Nonei e kato hatsimus sil raira tegi kato menaira a man markato a man niga te hopö kap mam sil raien ra.

Epesis 5:2

E Iesu e taatagi koru raioura me mate sil ranoura. A tou mate i tanen e here nei u haats te soka hamasi hanigan töa uana tere Sunahan, be Sunahan te ngil korue nen. Te markato tala uanen teka ba limiou te ngil koru has ramiou a palaier u katuun.

1 Timoti 1:15

U raranga teka e mana nitöana na u katuun hoboto egi hanigeien. Na e markato uana teka, e Iesu Kristo e la sileiema i puta tegomi lu pouts meraien u katuun u omi. Na lia a töa teka tu omi koru.

1 Timoti 2:10

Nori gi kato nitöani a man markato a man niga. A markato teka e matsköna tara touhaliou te poeier nori e hatsunoner e Sunahan.

1 Timoti 2:6

Nonei e hala sile ii a peisanen tego sakahis meraien u katuun hoboto, bate haröto nena u ngilngil tere Sunahan i tarara, tere na pöata peisa noahas ien.

1 Timoti 6:18

Hateiri egi kato haniga bate katoeier a mamana markato a niga. Nori egi tatangana bate hia halhala ner a manka i taren.

Taitus 2:7

Tara mamanaka te katoe mölö, na turu hihatuts i tamölö, harötein a markato a niga balö te habulungana nem u raranga u mana na u matskö.

Taitus 3:8

U raranga teka e manana. Na lia e ngileg alö go hihatuts hatagalein a manka teka, ba u katuun te hamana uaier tere Sunahan bate ka siler tegi kato menaien a man markato a man niga. A manka teka e niga koruna na e taguhu has ranou u katuun.

Hibru 1:3

A Pien Tson i tanen nonei u namnamei turu ualesala tere Sunahan. Nonei e here korue nei e Sunahan, na mamanaka hoboto e ka haniga silana turu raranga u tagala i tanen. I murina te galus ba naien a man markato a man omi turu katuun, ba nonei ena gumna tara pal matou tere Sunahan iasa koru i Kolö.

Hibru 10:24

Aragi hakats sil hasir a man hahatoulana i tarara, bate taguhu raren tegi hatara menaien u ngilngil i taren bate katoeier a man toukui a man niga.

Hibru 9:14

Kaba u rahatsing tere Kristo e tagala koruna. Tara nitagala turu Namnamei te ka nitöana, e Kristo e hala menai a peisanen tere Sunahan na nonei e möa ta töa taka ta omi tega kaia i tanen. U rahatsing i tanen e galus ban u hakhakats u omi, te ka uana tara tou mate, bara te tatei kui beiera e Sunahan te ka nitöana.

Jemis 4:8

La hasukusuku uaiam tere Sunahan, ba nonei te la hasukusuku has uanama i tamilimiou. Kato hagogoso poutseiam a peisa milimiou, alimiou tu kato homi iam. Kato haniga poutseiam a torimilimiou, alimiou te hula hakatsmiou.

1 Pita 1:18

Alimiou e atei silemiou a ka te sakahis ba ria limiou tara man markato a man omi ti lue mia limiou turu tubumilimiou. E Sunahan ema sakahis rai limiou a moni tuun te tatei taiana.

1 Pita 1:22

Alimiou u hagogoso hakapeiam a torimilimiou ti kukute mena milimiou u raranga u mana, ba limiou te ngil koru tala ramiou a pal katuun tere Kristo. Na u ngilngil i tamilimiou tara palaier u katuun ega tagala, bate la nama tara tui i tamilimiou iogana koru.

1 Pita 2:12

Alimiou go kato haniga koru las mia i gusur u katuun te hahamanar. Ba pöata te ranga homi rien i tamilimiou bate poeier alimiou e katoemiou a markato a omi, ba nori te tatei tarer a markato a niga tego katoeiam limiou, bate soloseier e Sunahan tara pöata te la namen romana.

1 Pita 2:9

Kaba limiou a pal katuun te hopö kapir e Sunahan, u pris tara pala turu King. Alimiou a hun katuun a gogoso tere Sunahan ti hopö kap merai tego habulungana menami a man toukui a man niga i tanen, nonei te ngö halakasa ba ramei limiou u kuhil me la uamiou turu ualesala u niga i tanen.

1 Pita 3:18

Taraha, e Kristo e sagoho kamits sil hasi a man markato a man omi i tarara. Na nonei e mate a töa puku a pöata. Nonei a katuun a niga te mate silir u katuun u omi. E kato sil tega peigi meraien ra tere Sunahan. A tuenreinen e mate, kaba nonei e töatöa mei a markato turu namnamei, batena rarariena u raranga tara man namnamei ti kaia tara makumun kits.

1 Jon 1:7

Kaba te tataala ria ra turu ualesala noahas i tanen, bara te ka haniga hobotora, ba u rahatsing tere Iesu a Pien Tson i tanen te galus ba nena a man markato a man omi hoboto i tarara.

1 Jon 1:9

Te ranga hatei na riara a man kato homi i tarara, be Sunahan te töan luba nena a man markato a man omi i tarara bate galus ba has nena a manka man omi hoboto te kana i tarara, taraha nonei e kato hamana nitöa neiena a ka te ranga nanen bate kato hamatskö nitöa nanen.

1 Jon 3:2

A man hahikapien, ara a galapien hamanasa tala tere Sunahan. Nonei ema haröto noa raneira tegina markato uu ra romana. Kaba ara e atei silera a ka teka: pöata te butu halesala nama romana e Kristo bara te tare rou a peisanen bate here hase roien.

Revelesin 5:9

Ba nori e kömeier u töa u hets u tsimus te mar ranga uana teka tara Tunan Sipsip: “Alö e ka mem a nitsunono tego lu menai lö a pits pepa bate lukapem u kaan harokotokap i tanen. Taraha? Alö i atung hamati na u rahatsing i tamölö e sakahis merai u katuun tere Sunahan, u katuun i lama tara mamana hun katuun hoboto, Na turu mamana u mar ranga hobotona tara mamana han.