U pas te koloto menai e Pol turu kristenira i Rom 8:14 - U Bulunagana U Niga

¹⁴ U katuun hoboto te tataala gono meier u Namnamei tere Sunahan nori a galapien tere Sunahan.

U pas te koloto menai e Pol turu kristenira i Rom 8:14 ပူးပေါင်းရင်းမြစ်များ

Matiu 5:9

Na u katuun te nolo pouts rer a pala te hiaraharahar egi sasaala. E Sunahan e ngö ranoien u katunun sasaala, taraha nonei e ngö has ranoien romana a galapien i tanen.

U Bulungana u Niga tere Iesu Kristo te kolotein e Jon 1:12

Kaba turu katuun ti lu menaien i taren na ti hamana korueien, nonei e hala raien a nitsunono tegi pien uaien tere Sunahan.

U pas te koloto menai e Pol turu kristenira i Rom 8:19

A mamanaka hoboto te kui e Sunahan e hahanei sil nitöa nena a pöata te haröto nanoua e Sunahan te galapien uara ra i tanen.

U pas te koloto menai e Pol turu kristenira i Rom 8:5

Na u ngilngilina i puta e hatakuieiena u hakhakats tara katuun te kukute hasena u ngilngilina i puta. A ka teka nonei a maroro tara tou mate. Kaba u Namnamei tere Sunahan e hatakui hasena u hakats tara katuun te kukutiena u ngilngil tere Sunahan. A markato teka nonei a maroro tara nitöatöa na tara masalohana.

U pas te koloto menai e Pol turu kristenira i Rom 8:9

Kaba u ngilngilina i puta ema hakui lel ranei limiou. U Namnamei tala tere Sunahan te hakui ranou limiou. Na te ka na u Namnamei tere Sunahan i tori milimiou, nonei u Namnamei teka te mammam ranou limiou. Ba esi tema ka menei u Namnamei tere Kristo, nonei ema katuun uanei i tanen.

U pas te koloto menai e Pol turu kristenira i Rom 9:26

Tara han ti hatei mam raien, ‘Alimiou ema katuun uami i tar,’ e Sunahan te töatöa nitöana ena ngö ranouien a galapien i tanen.”

U pas te koloto menai e Pol turu kristenira i Rom 9:8

Alia e mar ranga uagu teka: a galapien tere Sunahan ema katuun peisa uari ti tuhanaia tere Abraham. E möa. A galapien hamana tere Sunahan nori te hamana ria turu raranga u mana tere Sunahan.

2 Korin 6:18

“Alimiou ena hatamana moua romana i tar, na limiou ena galapien tson, na ena galapien touhaliou uamou i tar. Temar ranga uana a Tsunono te tagala soköna.”

Galesia 3:26

Na te hamana mia limiou tere Iesu Kristo, ba limiou te katuun hoboto uamou tere Sunahan.

Galesia 4:5

E Sunahan e hala sile meien tegomi sakahis meraien ra ti ka uu ra i kopina Lo, bara te pala uara i tanen.

Galesia 4:6

Te pala tala uarara i tanen, be Sunahan te hala mena mei u Namnamei tara Pien Tson i tanen i torirara bara te ranga hamatskö koru tala nera, e Sunahan nonei koru e Tamarara.

Galesia 5:16

Alia e hatei ragi limiou, alimiou go hengo hanigeiam u Namnamei u Göagono tere Sunahan tara mamanaka te katoe milimiou, ba limiou tema kukutiemi u ngilngilina i puta.

Galesia 5:18

Kaba te mam rana limiou u Namnamei tere Sunahan, alimiou ema ka lel mia i kopina a Lo turu Jiu.

Epesis 1:5

E Sunahan e taatagi koru raioura, na nonei e hopö kap mam raioura tego hahahu sila meraien ra tere Iesu Kristo. Nonei a ka te ngileien te tara hanigana i matanen.

Epesis 5:9

Taraha, u ualesala te habutena a mamanaka te nigana na te matsköna na te manana.

1 Jon 3:1

Tara, e Tamarara e Sunahan e ngil koru ranoura, bate ngö raneira a galapien i tanen. Na u mana koru, ara a galapien hamana koru tere Sunahan. U katunura i puta tema pala uari tere Sunahan ema atei sil has rarira, taraha nori ema atei sil haserien.

1 Jon 3:24

A katuun te kukute hanigeiena u raranga tere Sunahan, nonei e ka gono menou e Sunahan, be Sunahan te ka has noa i tanen. U Namnamei u Göagono te halani e Sunahan, nonei te haröto renara e Sunahan e ka gono mera noura.

Revelesin 21:7

A katuun te tagala saluhena romana e lue nou a manka teka. Na alia e Sunahan uagou i tanen ba nonei te pien uanou i tar.