U pas te koloto menai e Pol turu kristenira i Rom 7:15 - U Bulunagana U Niga

¹⁵ Alia ema atei sil koruegi a saha ka te kato silegi lia a manka man omi. Ba lia tema katoegi a manka a man niga te ngilin kato negu lia.

U pas te koloto menai e Pol turu kristenira i Rom 7:15 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 11:48

Alimiou e haröto nemiou te hatangana mena milimiou a markato turu tubumilimiou: nori i pulir u propet ba limiou te kuie miou u kahokaho i taren.

U Bulungana u Niga tere Iesu Kristo te kolotein e Jon 15:15

Alia ema ngö lel ragi limiou u katunun kui, taraha a katunun kui ema atei sile nei a ka te katoena a katuun te hakuie nen. Kaba alia e ngö tala ragi limiou u katuun hamatskö i tar, taraha alia u hatei hakapa railimiou a man raranga hoboto te hateia lia e Tamar.

U pas te koloto menai e Pol turu kristenira i Rom 12:9

Alimiou go hiangilngil hamana iam ba tema gamo mi. Rama naiam a ka te omina bate pile kap namiou a ka te nigana.

U pas te koloto menai e Pol turu kristenira i Rom 14:22

A nihamana te ka memölö emu ka lö peisa i matana e Sunahan. Pöata te katoe mia lö a ka te pei milö e nigana ba torimölö tema pei nei e omina, alö e sasaala mou.

U pas te koloto menai e Pol turu kristenira i Rom 7:16

Kaba te atei sile gia lia te kato menagi lia a man markato a man omi, ga, e hatei hase nelia a Lo tere Sunahan e matsköna na e nigana.

Galesia 5:17

Taraha, u ngilngilina i puta e roron hiatatung mena u ngilngil turu Namnamei tere Sunahan, na u ngilngil turu Namnamei tere Sunahan e roron hiatatung has mena u ngilngilina i puta. Nori ema ron hianiganiga ri, ba limiou tema antunan katoe moi a ka te ngilin katoe milimiou.

2 Timoti 2:19

Kaba a mouna u raranga tere Sunahan e ka hatagala noa hasina bate here nei u simen te ka mena a nikoloto teka: “A Tsunono e atei sil rena u katuun te pala uaier i tanen. Na katuun te poeiena e pala uana tara Tsunono e tatei laba nena a markato a omi.”

Hibru 1:9

Alö e haniga korueiem a markato a matskö batema hanige mi a markato tema matskö nei. Na e Sunahan noahas i tamölö te haka sei ia lö turu katuun hoboto i tamölö, na nisasaala i tamölö e pan bala nena a nisasaala i taren.”

Jemis 3:2

Te antunan hakui nena a töa katuun a rungnen batema ranga nanei ta ka ta omi, a katuun teka te antunan hakui haniga hasena a peisanen hoboto.

U pas te kolotein e Jut 1:23

Ba limiou te luba has ramiou a palai te ka ria tara maroro tara nihahuna tere Sunahan, bate markato mera mien temar lu menari a tsi ruei te lu hatalis ba nari u tula. Na limiou go taatagi sil raiam a palai bate omie miou a markato a omi i taren. Alimiou go matout haseiam u hasobö u korkoriana i taren.