U pas te koloto menai e Pol turu kristenira i Rom 15:32 - U Bulunagana U Niga

³² Te haniga noa e Sunahan, balia tena butu megoua a nisasaala pan i tamilimiou, ba ra te sasaala hobotora.

U pas te koloto menai e Pol turu kristenira i Rom 15:32 ပူးပေါင်းရင်းမြစ်များ

Aposol 18:21

Kaba tara pöata te katsin laien be Pol e ranga haniga pouts mera nen me poeiena, “Turu ngil tere Sunahan, balia tena la pouts guma romana i tamilimiou.” Ba nonei ena osana tara tolaala me laba nena i Epesis.

Aposol 27:1

E gamman e hale iema u ranga tego osa uu lam tara tolaala bate la uaiem i Itali. Ba nori e lu rer ere Pol na palair u karabus be hapile rarien tara töa katuun a solonen e Julius. Nonei a töa tsunono te kaia turu soldia ti ngö rai a Retsimen tere Sisa.

U pas te koloto menai e Pol turu kristenira i Rom 15:29

Tena tara ragoua lia limiou, alia e atei silegu alia e la megou a kaan hasasaala tere Kristo te kato hasasaala koru ranou limiou.

1 Korin 16:18

Nori i kato hatagali a torir na torimilimiou has. Alimiou go tara marei raiam u mar katuun teka.

1 Korin 4:19

Kaba alia e la hasesei uagou i tamilimiou tega ngil u a Tsunono. Ba lia tena tara peisa gou tegi ka menai u katuun u hihipus a nitagala tega popoia turu ranga i taren.

2 Korin 7:13

Nonei a ka teka te kato hasasaala raiou lam. Aa, na e Taitus e kato hasasaala has lel merai lam a nisasaala i tanen, taraha alimiou hoboto u kato hasasaala mam me men.

2 Timoti 1:16

Na lia e ngilegu a Tsunono ega taatagini e Onesiporas na pala i tanen, taraha, a pöata a para nonei e kato hasasaaleiou lia. Nonei ema matsingolo mei te ka uagu lia tara karabus.

Pilimon 1:20

A tsi toular, tara solona a Tsunono alö go taguhe moulia, ba lia te sasaala uagu tere Kristo.

Pilimon 1:7

A tsi toular, a torir e sasaala koru me masa mena tu hengo menai lia te ngil koru merami lö u katuun tere Sunahan bate haniga ramen.

Jemis 4:15

Alimiou go pei lasiam, “Te go ngil uu e Sunahan bara te tatei ka lel riou bate katoera a ka teka tsi a ke li.”