U pas te koloto menai e Pol turu kristenira i Rom 15:31 - U Bulunagana U Niga

³¹ Singo sileiam tegima kato homi menai lia u katuun i Judia te hahamanar, na tegi haniga menai u katuun tere Sunahan i Jerusalem a monin hitaguhu teka te söata mena goi lia i taren.

U pas te koloto menai e Pol turu kristenira i Rom 15:31 ပူးပေါင်းရင်းမြစ်များ

Aposol 22:24

Ba tsunono e ranga merena u soldia i tanen egi lu menaien iahana luman soldia. Ba nonei e ranga mera nen tegi lahus menaien tegoma hatei menai e Pol a ka te raharaha koru meraien u katuun.

Aposol 25:2

Ba u pris pan na pal kapan turu Jiu e la uaier i tanen me sakeri e Pol a man ranga. Nori i ranga hatagala uu tere Pestus me poeier, “Alö go taguhu ramou lam balö te hala mena mumei e Pol i Jerusalem.” Nori i ngilin na mous kap ia i mam tara maroro tegi sila meia e Pol bate pulie ren.

Aposol 25:24

Be Pestus e poeiena, “O King Agripa na u katuun hoboto te ka ria teka. Alimiou e tare miou a katuun teka, a solonen e Pol. U katuun hoboto turu Jiu i Jerusalem na teka has i hala sil meien tar tara man raranga man omi. Ba nori e ku hapan mer tegoma tatei töatöa lel uai e Pol.

Aposol 9:13

Be Ananias e ranga palisina me poeiena, “O Tsunono, u katuun u para ti hate ii lia a katuun teka. Nori i pei nonei e kato hakamits korur u katuun i tamölö i Jerusalem.

Aposol 9:15

Ba Tsunono e poeiena i tanen, “Lala, taraha alia u hopö kapiin a katuun teka tega hatei menaien a solor turu katuun tema Jiu ri na turu king i taren na turu katunura i Israel.

U pas te koloto menai e Pol turu kristenira i Rom 15:25

Kaba lia e mam bua gou i Jerusalem batena taguhu regu a pala tere Sunahan.

1 Korin 16:15

Bara a matsi hahatoulana alimiou e atei silemiou e Stepanas na pal katuun i tanen. Nori u katunura i Gris ti hamana tutuun uu tere Kristo. Turu ngil peisa i taren ba nori te taguhu koru rer u katuun tere Sunahan.

2 Korin 1:10

Nonei e luba raialam tara nimate a kapan koru, na lam e hamanem nonei ena luba lel has ranoua lam tara nimate.

2 Korin 8:4

Nori i singo hatagala sil korui tego haniga uu lam ba nori te taguhu raier u katuun tere Sunahan i Judia.

2 Korin 9:1

Alia ema antunan koloto nagoi tu raranga tu para i tamilimiou tara nihitaguhu teka te ngilin hala rami limiou turu kristen.

2 Korin 9:13

Aa, nori e haniga uariou tere Sunahan, taraha alimiou e tangana ramen na palai has. A markato has teka te haröto nanou alimiou e kukute hanige miou u Bulungana tere Kristo te hamane milimiou ba nori te soloseie riou e Sunahan.

1 Tesalonaika 2:15

U Jiu i atung hamatir u propet tere Sunahan i manasa, na nori i atung hamate hasi e Iesu a Tsunono. Na nori i kato homi has raioulam bate tsuga rariou lam. Nori e kato haraharaha koruer e Sunahan na nori e omi rer u katuun hoboto.

2 Tesalonaika 3:2

Alimiou go singo has iam be Sunahan te hatongo kap ba ranoui lam u katuun u omi, taraha u katuun u parpara e hahamanar.

2 Timoti 3:11

Na te omi menari lia u katuun na ti söata mena mei lia u nikamits u parpara tara man taun i Antiok na i Aikoniam na i Listra. Alia u söati a man nikamits teka ba Tsunono e luba nanei lia a man niomi teka.

2 Timoti 4:17

Kaba a Tsunono e ka gono meiou lia bate hatagale noulia, ba u raranga te sila nama romana i tar, ba u katuun hoboto tema Jiu ri te hengoeren. Ba tara markato teka ba e Sunahan te luba nena lia i runguna a laion.