U pas te koloto menai e Pol turu kristenira i Rom 14:19 - U Bulunagana U Niga

¹⁹ Na ragi kute sil korui a markato te hagumena a niniganiga na te hatakei hanigeiena a katuun na te hagum haniga rena ra hoboto.

U pas te koloto menai e Pol turu kristenira i Rom 14:19 ပူးပေါင်းရင်းမြစ်များ

Matiu 5:9

Na u katuun te nolo pouts rer a pala te hiaraharahar egi sasaala. E Sunahan e ngö ranoien u katunun sasaala, taraha nonei e ngö has ranoien romana a galapien i tanen.

U Bulungana u Niga tere Iesu Kristo te kolotein e Mak 9:50

U sol u ka u niga. Kaba te taia ba nena u sol a nitatasena i tanen, ba lö temar kato hatatasena pouts mena moien ime? E möa. Na limiou go here hasemi u sol ba limiou te hiakaka haniga hobotomiou.”

U pas te koloto menai e Pol turu kristenira i Rom 12:18

Torohana hatagala sil tego ka haniga koru merai lö u katuun hoboto.

U pas te koloto menai e Pol turu kristenira i Rom 15:2

Ara a man tötöa gi kato hasasaaler a man hahatoulana i tarara ba ra te taguhu raren bate hatagala raren.

1 Korin 10:23

“A mamanaka e nigana tegi kato menaien,” kaba ema para nei a ka te tatei hitaguhuna. “A mamanaka e nigana tegi kato menaien,” kaba ema para nei a ka te tatei taguhu rena u katuun.

1 Korin 10:33

Nonei teka te torohanan markato has uagou lia. Tara mamanaka te katoe gulia, alia e torohanan kato haniga gia i matar u katuun hoboto. Alia ema hakats nagi a ka te niga peisana i tar. E möa. Alia e hakats has negu a ka te nigana i taren. Alia e kato silegu nori egi haniga be Sunahan te lu pouts ranen.

1 Korin 14:26

Aha tala tego katoeiam limiou a matsi hahatoulana? A pöata te la gögono hoboto mia limiou, a man tötöa i tamilimiou e ka memiou a man toukui. A töa e kamena u köma, na tabi e hihatutsuna, na tai e haröto nena a ka a mana, na tai e ranga nena u tana u mar ranga, na tai e palise nen. A mamanaka teka ego hatakei hatagala memilimiou u lotu.

1 Korin 14:3

Kaba a katuun te ranga nena u raranga u hamatskö tere Sunahan e ranga uana turu katuun, ba nori te atei sile ren. Ba nonei te hatagala ranen bate hatami ranen ba te taguhu sil raneien tegi hamana haniga uaien.

1 Korin 14:4

A katuun te rangana turu tana u mar ranga halhal e taguhena a peisanen, kaba a katuun te rangana turu ranga hamatskö tere Sunahan e taguhu rena u katuun tere Sunahan.

1 Korin 14:5

Alia e ngilegu alimiou hoboto go ka meiam a nitagala tego ranga mena milimiou u tana u mar ranga. Kaba lia e ngil koruegu alimiou hoboto go ka meiam a nitagala tego ranga mena milimiou u raranga hamatskö tere Sunahan. Taraha, a katuun te ranga nena u raranga tere Sunahan e taguhu rena u katuun hoboto turu lotu. Nonei e niga bala nena a katuun te ranga na turu tana u mar ranga. Tego kaia ta katuun tega antunan palisin u tana u mar ranga teka ba u lotu te pan susuluna.

1 Korin 7:15

Kaba te laba nena lö a hahikapien tema hamana nei, haka ban, alö ema kits mia turu hamalina tara hitöl. Kaba e Sunahan e ngö sil railimiou u mun tahol tego ka hoboto haniga uaiam limiou.

1 Korin 8:1

Tara kannou ti haats nai u kesa alimiou e poeiemiou, “Alam hoboto e atei silem a ka te matsköna.” Kaba a niatei tuun te kato ha hihipusena a katuun. A markato te ngil menari a tana katuun nonei te taguhena a katuun.

2 Korin 12:19

Alimiou romana e pei toum lase miou alam e ranga kökopo nem a man ranga teka bate taguhu pouts ranou lam? E möa. Alam e ranga nem u raranga te hala nema e Kristo i matana e Sunahan, na mamanaka te katoe mulam a matsi hahatoulana, e taguhu ranou limiou.

2 Korin 13:11

Matsi hahatoulana, alia e hakapa talegu u raranga i tar. Alimiou go torohana hatagala koruiam tego matskö koru uaiam limiou. Hengo taleiam u raranga i tar. Na limiou go hia tangtanganaiam bate ka haniga hobotomiou. Alimiou go markato uaiam teka be Sunahan te ka gono mera nou limiou, taraha nonei a mouna a markato te hiangilngil uaier na te hiakaka haniga uaier.

Epesis 4:12

Nonei e kato silei a ka teka tego taguhu meraien u katuun tere Sunahan ba nori te kui beren. Na tegi kato hatagala menaien u tuenrei tere Kristo bate panina.

Epesis 4:29

Alimiou goma ranga nami u ranga u omi. Kaba limiou go katoeiam u raranga u niga tega taguhi a katuun te ranga gono memi limiou, bate kato hasasaale nen.

1 Timoti 1:4

Na nori e gima tatei ngil koruei u hahatate pinopino na e gima hakoloto has nai a solo a para turu tuburen. Taraha, a manka teka e habutena a hiaraharaha. Na ema haröto nanei te markato uana e Sunahan, a man toukui i tanen e takui na turu nihamana.

2 Timoti 2:22

Alö go tori tsugani a mamanaka te habutena u ngilngil u omi te roron kamer u hitots, ba lö te tagala silem a markato te hamana uaria tere Sunahan bate matskö has mia i matanen. Alö go ngil noa hasir u katuun bate ka haniga gono mera men. Alia e hala menagi u raranga teka i tamölö na turu katuun hoboto a toriren te gogosona, bate singo siler a Tsunono ega taguhu raien.

Hibru 12:14

Alimiou go torohana hatagala sileiam tego ka haniga gono mera milimiou u katuun hoboto. Taraha, a katuun tema göagono nei ema antunan tara nanei a Tsunono.

1 Pita 3:11

Nonei ega habirits ban a man markato a man omi bate kato hanigana. Na nonei ega ngil korui a markato tara masalohana bate kukute hatagala korue nen.