U pas te koloto menai e Pol turu kristenira i Rom 12:17 - U Bulunagana U Niga

¹⁷ Te kato homina a katuun i tamölö, möa tu palisi. Kato sil a markato a niga te hanigeier u katuun hoboto.

U pas te koloto menai e Pol turu kristenira i Rom 12:17 ပူးပေါင်းရင်းမြစ်များ

Matiu 5:39

Kaba alia e hatei ragou limiou, alimiou goma palisemi a katuun te kato homina i tamilimiou. E möa. Te tapalena a katuun a abuabu mölö tara pal matou, habirits balö te hatapala nem a hapala.

U pas te koloto menai e Pol turu kristenira i Rom 12:19

A matsomi, e möa koru tego hipou uaiam limiou. Nonei a ka peisa tere Sunahan. Taraha, i koloto naia turu Buku u Göagono te pei menai e Sunahan, “Alia te hipou gou. Alia te palise gou a markato a omi.”

U pas te koloto menai e Pol turu kristenira i Rom 14:16

U katuun e namots ranga homi ner a markato te nigana i mata mölö.

Kolosi 4:5

Hatara naiam a markato a niga na matskö te ka gono mera milimiou u katuun tema hamanari. Hahanei sil nitöa neiam a man pöata a man niga ba limiou te hatei ramien e Iesu.

1 Tesalonaika 4:12

E kato uana teka ba limiou tema hasola mia tara moni tara tana katuun. Te markato haniga uamou limiou teka, ba u katuun te haniga rariou limiou.

1 Tesalonaika 5:15

Ma hiapalpalis nami a markato a omi. E möa. Alimiou go kato hanigan töa raiam a man hahatoulana i tamilimiou te hamana ria tere Kristo, na u katuun hoboto.

1 Tesalonaika 5:22

Na limiou go hatalis ba naiam a manka man omi hoboto.

1 Timoti 5:14

Na lia e ngil taleiegu u amoaba u kukubei gi hitöl bate posaposar bate tara kap rer a galapien na mamanaka i taren, bu katuun tema ngileri e Kristo tema antunan ranga hohomi rarien.

1 Pita 2:12

Alimiou go kato haniga koru las mia i gusur u katuun te hahamanar. Ba pöata te ranga homi rien i tamilimiou bate poeier alimiou e katoemiou a markato a omi, ba nori te tatei tarer a markato a niga tego katoeiam limiou, bate soloseier e Sunahan tara pöata te la namen romana.

1 Pita 3:16

Na limiou go kato hanigaiam ba torimilimiou tema tatei kout ranoui limiou. Ba u katuun te ranga homi ner a man markato a man niga i tamilimiou, te kukute mena milimiou e Kristo, te tatei matsingolo mer romana a man raranga a man omi i taren.

1 Pita 3:9

Alimiou goma palisemi a man markato a man omi te katoe ria tamilimiou, na limiou goma hipou has mia turu katuun te kato homi ria i tamilimiou. E nigana tego hamatana mena milimiou a nikalkalala, taraha a nikalkalala nonei a ka te rangein e Sunahan tega hala raien limiou tara pöata te ngö raien limiou.