U pas te koloto menai e Pol turu kristenira i Rom 11:20 - U Bulunagana U Niga

²⁰ E manana. Nori i peko ba merai tima hamana uaien. Kaba limiou e ka sila tuun mia turu nihamana. Bara! Ka haniga talaiam batema saalemi a peisamilimiou. E möa. Alimiou go matout iam.

U pas te koloto menai e Pol turu kristenira i Rom 11:20 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 18:14

Be Iesu e poeiena, “Alia e ranga mera goulimiou, a katuun teka te matsköna i matana e Sunahan tara pöata te la pouts uaien i han, kaba a Parasi e möa. A katuun te hala seiena a peisanen ena hala putei riou. Na katuun te hala puteiena a peisanen ena hala seie riou.”

Aposol 18:6

Kaba nori u Jiu i hipusiin u ranga i tanen me ranga sisi ria i tanen. Ba nonei e tohu ba nena u köahu turu hasobö i tanen te haröto merien a raharaha i tanen. Ba nonei e poeiena i taren, “Te tapolasa ba nemoa limiou e Sunahan bate tiamiou, a ka peisa noahas i tamilimiou. Alia u hatei hakapa railimiou u raranga u mana. Alia e la hamanasa tala uagou turu katuun tema Jiu ri.”

U pas te koloto menai e Pol turu kristenira i Rom 11:18

Möa tu saalaiam bate omi ramiou a pala ti peko ba here rai u kalan ruei. Alimiou goma pei mi alimiou e niga bala talamiou. Alimiou e heremi a kalan ruei tuun. Alimiou ema hauemi a polosona u ruei. E möa. A polosona u ruei te haua ranou limiou.

U pas te koloto menai e Pol turu kristenira i Rom 11:21

Taraha, e Sunahan e luban a palaina a man kala turu ruei u niga, na nonei e luba has ranou limiou te markato uamou limiou ti markato uaien.

U pas te koloto menai e Pol turu kristenira i Rom 12:16

Kaka haniga gono meraiam u katuun, möa tu hapanpan iam. Kaka haniga gono meraiam u katuun papala, ba tema pei mi alimiou lahas te ka memiou a niatei.

U pas te koloto menai e Pol turu kristenira i Rom 12:3

E Sunahan e taatagi sileiou lia be hale nei lia a nikapan tara aposol. Na lia te ranga mera goulimiou hoboto a man tötöa, alimiou goma poeiemi alimiou e kapan miou. E möa. Hakats hamatskö naiam a peisa milimiou a man tötöa e antunana te mar hamana uami limiou, bate katoemiou a toukui te matsköna, taraha e Sunahan e hala hoboto raira a nihamana.

U pas te koloto menai e Pol turu kristenira i Rom 3:3

E manana, a palai i taren ima hamanei e Sunahan. Kaba ema antunan hapiou nai e Sunahan a ka te ranga hamana naien ega katoeien.

1 Korin 10:12

A katuun te poeiena e kukute hatagalena a markato a niga ega hanei sil tego kato homi uaien.

1 Korin 15:1

Na matsi hatoulana, alia e hatakei poutsegu u hakatsina turu Bulungana u Niga tu hatei nela lia i tamilimiou. Alimiou u lu hakapeiam u Bulungana u Niga teka na limiou e tuol hakarapoto mia i tanen.

1 Korin 16:13

Kahete kap nitöaiam, bate tuol hakarapoto mia tara nihamana i tamilimiou. Möa tu matout iam, hatagala kakap nitöaiam.

2 Korin 1:24

Kaba ema poeie nei alam go hatei rai limiou ime tego mar hatakui menai limiou u nihamana i tamilimiou. Alam e ngilin kui gono mera mou limiou ba limiou te saputu memiou a nisasaala, taraha, alimiou u ka hakapa meiam u nihamana te tuol hakarapoto mia limiou.

2 Korin 10:5

Alam e kato ba nem a mamanaka te hatu kap nena na te hipus nena tegi atei sil menai u katuun e Sunahan. Alam e palis hasem u hakhakats turu katuun te omi korur bate kukuteier u ranga tere Kristo.

Pilipai 2:12

A man hahikapien i tar, alimiou u roron hengoe moulia tu kaia lia i tamilimiou. Kaba limiou go hengo hatagala lel noahase moulia tara pöata te ka halehana bara gia lia limiou. E Sunahan e lu pouts merai limiou i tanen. Na limiou go matout iam bate kui hatagala silemiou tego hakapa haniga mena milimiou a toukui a niga tere Sunahan.

Kolosi 2:7

Ba limiou te tuol hakarapoto miou bate hatagala susule muma a mouna u hakats na markato i tamilimiou. Alimiou go atei sil korueiam a markato i tanen bate hamana hatagala mia i tanen, ti mar hatuts merai limiou. Ba limiou te haniga nitöa uamiou i tanen.

2 Tesalonaika 2:4

A katuun teka e omie nou romana u mamana u mar lotu, ba nonei te katoe noi a peisanen a katuun te pan nena a man lotu. Ba nonei tena gum has noua iahana a Luman Lotu Pan tere Sunahan ba nonei te gamona bate poeiena nonei e Sunahan.

1 Timoti 6:17

Hateir u katuun te ka mer a mamanaka a para i romana gima solose ii a peisaren. Nori gima hasolaia tara moni tuun te antunan taia boroborona. E möa. Nori gi hasolaia tere Sunahan a tatangana koru te hala raneira a mamanaka te kato hasasaala ranoura.

Hibru 3:12

A matsi hahatoulana, haneiam. Möa tu ka meiam u tori u omi te hahamanana bate laba namiou e Sunahan te töatöa nitöana.

Hibru 3:19

Na ra e atei sil talera nori ima la mei tara hanin husa i tanen, taraha nori i hahamanein e Sunahan.

Hibru 4:11

Te markato uanen teka bara te torohana hatagala silera tegi la uu ra tara makumun husa tere Sunahan. Ta töa i tarara ena mots kukutena ti markato uen i manasa batena rusuna bate taiana.

Hibru 4:6

U katuun ti hengo mami u Bulungana u Niga ima la ii tara hanin husa tere Sunahan, taraha nori i hahamana. Kaba e Sunahan e haniga nena tegi la uu a palair u katuun tara hanin husa i tanen.

Jemis 2:19

Alimiou e mar hamana uamiou teka: e Sunahan a töa puku. Bara! Kaba a nihamana teka ema antunanei. Taraha, u liliahanei u omi e hamana has uaier iesana, ba nori te toltololo mer a nimatout.

Jemis 4:6

Kaba u nihitaguhu tere Sunahan e tagala bala nena u ngil i tarara. U raranga tere Sunahan e pei hasena, “E Sunahan e tokitoki nena a katuun te hangisena ba nonei te taguhena a katuun te hateteneiena a peisanen.”

1 Pita 1:17

Alimiou e roron singo uamiou tere Tamamilimiou, nonei te roron oneiena a man tötöa a man katuun tara man saha manka te katoeren, batema hakats kalakala ranei u katuun. Te markato tala uanen teka ba limiou te matoute men bate hapane men tara mamana pöata te ka mia limiou i puta.

1 Pita 5:12

E Silbanus e koloto benei lia u pas teka te hala menagi lia i tamilimiou. Nonei e toularara tara markato turu kristen na lia e hamana korue gen. Turu pas teka alia e hala ra gilimiou u rarangan hitaguhu bate hatei ragi limiou nonei a nihitaguhu hamana tere Sunahan teka. Na limiou go tuol hakarapoto mia tara markato tara nihitaguhu teka.

1 Pita 5:9

Ka hatagala mia turu nihamana i tamilimiou bate tuol kakap nemiou e Satan, taraha u toulamilimiou u kristen te ka ria tara mamana han i puta e sagoho haser a mar nikamits te sagohe milimiou.

Revelesin 18:7

Halemi u kamits na u tori tiama e antunana tara solo pan na nikaka a niga te hala pouts menaien a peisanen. Nonei e roron hatei nena a peisanen, ‘Alia a tetahol pan. Alia ema amoaba gi. E möa ta nitiama tego butuia romana i tar.’

Revelesin 3:17

Taraha, alimiou e pei miou, ‘Alam u katunun moni. Alam e ka mem a moni e gono batema ngil lenemi ta taina ta ka.’ Kaba alimiou ema atei silemi alimiou e heremi u katuun te möa korur ta ka. Na limiou e here hasemi a katuun te matakiouna na te belosona. Alimiou u haromana koru lasi.