U pas te koloto menai e Pol turu kristenira i Rom 10:4 - U Bulunagana U Niga

⁴ Kaba e Kristo e hakapa a markato teka tara Lo. Na i romana u katuun hoboto te hamanar, nori te butun matskö ria i matana e Sunahan.

U pas te koloto menai e Pol turu kristenira i Rom 10:4 ပူးပေါင်းရင်းမြစ်များ

Matiu 3:15

Be Iesu e ranga palisenen me poeiena, “E noahasina alö go markato uu temar ranga uagu lia. Tara markato teka bara te kato hantunera a mamanaka a matskö te ngilena e Sunahan.” Be Jon e töa kukutiena temar ranga uu e Iesu.

U Bulungana u Niga tere Iesu Kristo te kolotein e Jon 1:17

E Sunahan e hala silanama a Lo tere Mosis, kaba u pannen u nihitaguhu na nimana tere Sunahan i habutu sila nama tere Iesu Kristo.

1 Korin 1:30

Tere Sunahan lahas bara te ka ria tere Iesu Kristo, na nonei e habutu sileien tego hala meraien ra a niatei. E Kristo nonei te sakahis raioura bara te katuun uara tere Sunahan. Nonei lasi a maroro a matskö na nonei te kato hagöagono raioura bara te katuun uara tere Sunahan.

Galesia 3:24

A Lo e here ii a tson taratara kap i tarara, e antunan töaia te butuma e Kristo bara e hamana reia i tanen me töan matskö raia i matana e Sunahan.

Galesia 4:5

E Sunahan e hala sile meien tegomi sakahis meraien ra ti ka uu ra i kopina Lo, bara te pala uara i tanen.

Kolosi 2:17

A manka hoboto teka e hereri u haharuei papala tuun tara manka tegi butu hamurimuri. Kaba a ka hamana koru ti haharuei sileien, nonei e Kristo.

Hibru 10:14

Turu töa puku u haats, nonei e kato haniga nitöar u katuun te kato raien u katuun u matskö tere Sunahan tara markato i taren i puta.